وڭتۇستىك كورەيادا زاۋىتتاعى ورتتەن قازا تاپقان قازاقستان ازاماتىنىڭ دەنەسى تابىلدى، دەپ حابارلايدى Dalanews.kz.
قازاقستان سىرتقى ىستەر مينيسترلىگىنىڭ رەسمي وكىلى ەرلان جەتىبايەۆ مارقۇمنىڭ سۇيەگى ساراپتاماعا جىبەرىلگەنىن مالىمدەدى.
ديپلوماتتىڭ سوزىنشە، كورەي تاراپىنىڭ رەسمي قورىتىندىسى الىنعاننان كەيىن مارقۇمنىڭ تۋىستارىنا بىردەن حابار بەرىلەدى.
ەسكە سالايىق، ءورت 30 قاڭتار كۇنى وڭتۇستىك كورەيانىڭ سولتۇستىك چحۋنچحون پروۆينسياسى اۋماعىندا ورنالاسقان دىمقىل مايلىقتار مەن جورگەكتەر شىعاراتىن كاسىپورىندا بولعان.
