اقش-تىڭ يرانمەن بٸر اپتاعا سوزىلعان ەسكەري تەكەتٸرەسٸ شامامەن 6 ملرد دوللار شىعىن ەكەلگەن, دەپ حابارلايدى Dalanews.kz.
بۇل مەلٸمەتتٸ اقش قورعانىس مينيسترلٸگٸ -پەنتاگون كونگرەسس الدىندا ٶتكەن اپتادا مەلٸمدەدٸ.
مەلٸمەتكە سٷيەنسەك, شىعىننىڭ شامامەن 4 ملرد دوللارى وق-دەرٸگە جۇمسالعان. قاراجاتتىڭ باسىم بٶلٸگٸ يران اۋماعىنان ۇشىرىلعان زىمىرانداردى ەۋەدە جويۋعا ارنالعان قورعانىس جٷيەلەرٸنٸڭ راكەتالارىنا كەتكەن.
ساراپشىلار قاقتىعىس سوزىلعان جاعدايدا اقش-تىڭ ەسكەري شىعىندارى بۇدان دا ۇلعاياتىنىن ايتىپ وتىر.
ايتا كەتەيٸك, 28 اقپاندا اقش پەن يزرايل يرانعا قارسى اۋقىمدى ەسكەري وپەراتسييا باستاعانى, تەگەراندا جارىلىس ەستٸلگەنٸ حابارلاندى.
اقش پرەزيدەنتٸ دونالد ترامپ The New York Times باسىلىمىنا بەرگەن سۇحباتىندا قاجەت بولعان جاعدايدا امەريكالىق ەسكەر يرانعا جاسالاتىن شابۋىلدى تٶرت-بەس اپتا بويى جالعاستىرا الاتىنىن ايتتى.
