بۇگىن قازاقستاننىڭ ءبىرقاتار وڭىرىندە اۋا رايى كۇرت ناشارلايدى. سينوپتيكتەر ەلدىڭ سولتۇستىك، شىعىس جانە ورتالىق ايماقتارىندا قار، بۇرقاسىن، كوكتايعاق، تۇمان جانە ەكپىندى جەل بولاتىنىن ەسكەرتتى، دەپ حابارلايدى Dalanews.kz.
"قازگيدرومەت" رمك مالىمەتىنشە، كەي وڭىرلەردە جەلدىڭ جىلدامدىعى 30 م/س جانە ودان دا جوعارى دەڭگەيگە جەتۋى مۇمكىن.
پاۆلودار وبلىسىنىڭ باتىس، سولتۇستىك جانە شىعىس بولىكتەرىندە قار جاۋىپ، بۇرقاسىن مەن تۇمان كۇتىلەدى. پاۆلودار قالاسىندا تۇندە قار ارالاس بوران سوعۋى مۇمكىن. جەل وڭتۇستىك-باتىستان سوعىپ، جىلدامدىعى 15–20 م/س بولادى، كەي ساتتەردە 23–28 م/س-قا دەيىن كۇشەيمەك.
اقمولا وبلىسىندا دا جەلدىڭ كۇشەيۋى بولجانىپ وتىر. سينوپتيكتەردىڭ دەرەگىنشە، جەلدىڭ جىلدامدىعى 15–20 م/س بولسا، كەي جەرلەردە 23–28 م/س-قا دەيىن كۇشەيىپ، جەكەلەگەن ۋاقىتتا 30 م/س-تەن اسۋى مۇمكىن.
سولتۇستىك قازاقستان وبلىسىندا وڭتۇستىك-باتىستان سوعاتىن جەلدىڭ جىلدامدىعى 15–20 م/س بولادى. كۇندىز ونىڭ ەكپىنى 23–28 م/س-قا دەيىن كۇشەيىپ، كەي ۋاقىتتا 30 م/س-تەن اسۋى مۇمكىن. وسىنداي جاعداي پەتروپاۆل قالاسىندا دا كۇتىلەدى.
تۇركىستان وبلىسىنىڭ تاۋلى ايماقتارىندا قاتتى قار جاۋىپ، كوكتايعاق پەن جاياۋ بۇرقاسىن بولۋى ىقتيمال. سونىمەن قاتار وبلىستىڭ ءبىرقاتار بولىگىندە تۇمان ءتۇسۋى مۇمكىن. جەل سولتۇستىك-شىعىستان سوعىپ، كەي جەرلەردە 15–20 م/س-قا دەيىن كۇشەيەدى.
قوستاناي وبلىسىندا قار مەن بۇرقاسىن بولجانىپ وتىر. جەلدىڭ جىلدامدىعى 15–20 م/س بولىپ، كەي كەزدە 23–28 م/س-قا دەيىن جەتۋى مۇمكىن. كەي جەرلەردە تۇمان دا ءتۇسۋى ىقتيمال.
قاراعاندى، ۇلىتاۋ جانە اقتوبە وبلىستارىندا دا قار جاۋىپ، جاياۋ بۇرقاسىن مەن تۇمان بولۋى مۇمكىن. بۇل وڭىرلەردە جەلدىڭ جىلدامدىعى 15–20 م/س بولسا، كەي اۋماقتاردا 23–28 م/س-قا دەيىن كۇشەيەدى.
شىعىس قازاقستان جانە اباي وبلىستارىندا قار، بۇرقاسىن جانە كوكتايعاق كۇتىلەدى. تۇنگى ۋاقىتتا كەي وڭىرلەردە قالىڭ قار جاۋۋى مۇمكىن. جەلدىڭ ەكپىنى 23–28 م/س-قا دەيىن جەتەدى.
جەتىسۋ وبلىسىندا تۇندە قار جاۋىپ، جاياۋ بۇرقاسىن سوعۋى ىقتيمال. تاۋلى ايماقتاردا كەي ۋاقىتتا قار قالىڭ جاۋىپ، تۇمان مەن كوكتايعاق بولۋى مۇمكىن. الاكول ماڭىندا جەلدىڭ جىلدامدىعى 23–28 م/س-قا دەيىن كۇشەيەدى.
اتىراۋ وبلىسىنىڭ باتىسى مەن وڭتۇستىگىندە تۇمان تۇسەدى. جەل وڭتۇستىك جانە وڭتۇستىك-باتىس باعىتتان سوعىپ، كەي اۋماقتاردا 15–20 م/س-قا دەيىن كۇشەيەدى.
ماڭعىستاۋ وبلىسىندا دا جەل كۇشەيەدى. اقتاۋ قالاسىندا، سونداي-اق ءوڭىردىڭ باتىسى مەن ورتالىق بولىگىندە جەلدىڭ ەكپىنى 15–18 م/س بولۋى مۇمكىن.
قىزىلوردا وبلىسىندا باتىستان سوققان جەل وڭتۇستىك باعىتقا اۋىسىپ، كۇندىز وبلىستىڭ سولتۇستىك بولىگىندە 15–20 م/س-قا دەيىن كۇشەيەدى.
باتىس قازاقستان وبلىسىنىڭ ءبىرقاتار ايماعىندا قار جاۋىپ، جاياۋ بۇرقاسىن مەن كوكتايعاق بولۋى ىقتيمال. جەل سولتۇستىك-باتىستان سوعىپ، ەكپىنى 15–20 م/س بولادى.
سينوپتيكتەردىڭ بولجامىنشا، ەلوردا استانادا دا كەي ۋاقىتتا قار جاۋىپ، بۇرقاسىن بولۋى مۇمكىن.
