Búgin Qazaqstannyń birqatar óńirinde aýa raiy kúrt nasharlaidy. Sinoptikter eldiń soltústik, shyǵys jáne ortalyq aimaqtarynda qar, burqasyn, kóktaiǵaq, tuman jáne ekpindi jel bolatynyn eskertti, dep habarlaidy Dalanews.kz.
"Qazgidromet" RMK málimetinshe, kei óńirlerde jeldiń jyldamdyǵy 30 m/s jáne odan da joǵary deńgeige jetýi múmkin.
Pavlodar oblysynyń batys, soltústik jáne shyǵys bólikterinde qar jaýyp, burqasyn men tuman kútiledi. Pavlodar qalasynda túnde qar aralas boran soǵýy múmkin. Jel ońtústik-batystan soǵyp, jyldamdyǵy 15–20 m/s bolady, kei sátterde 23–28 m/s-qa deiin kúsheimek.
Aqmola oblysynda da jeldiń kúsheiýi boljanyp otyr. Sinoptikterdiń dereginshe, jeldiń jyldamdyǵy 15–20 m/s bolsa, kei jerlerde 23–28 m/s-qa deiin kúsheiip, jekelegen ýaqytta 30 m/s-ten asýy múmkin.
Soltústik Qazaqstan oblysynda ońtústik-batystan soǵatyn jeldiń jyldamdyǵy 15–20 m/s bolady. Kúndiz onyń ekpini 23–28 m/s-qa deiin kúsheiip, kei ýaqytta 30 m/s-ten asýy múmkin. Osyndai jaǵdai Petropavl qalasynda da kútiledi.
Túrkistan oblysynyń taýly aimaqtarynda qatty qar jaýyp, kóktaiǵaq pen jaiaý burqasyn bolýy yqtimal. Sonymen qatar oblystyń birqatar bóliginde tuman túsýi múmkin. Jel soltústik-shyǵystan soǵyp, kei jerlerde 15–20 m/s-qa deiin kúsheiedi.
Qostanai oblysynda qar men burqasyn boljanyp otyr. Jeldiń jyldamdyǵy 15–20 m/s bolyp, kei kezde 23–28 m/s-qa deiin jetýi múmkin. Kei jerlerde tuman da túsýi yqtimal.
Qaraǵandy, Ulytaý jáne Aqtóbe oblystarynda da qar jaýyp, jaiaý burqasyn men tuman bolýy múmkin. Bul óńirlerde jeldiń jyldamdyǵy 15–20 m/s bolsa, kei aýmaqtarda 23–28 m/s-qa deiin kúsheiedi.
Shyǵys Qazaqstan jáne Abai oblystarynda qar, burqasyn jáne kóktaiǵaq kútiledi. Túngi ýaqytta kei óńirlerde qalyń qar jaýýy múmkin. Jeldiń ekpini 23–28 m/s-qa deiin jetedi.
Jetisý oblysynda túnde qar jaýyp, jaiaý burqasyn soǵýy yqtimal. Taýly aimaqtarda kei ýaqytta qar qalyń jaýyp, tuman men kóktaiǵaq bolýy múmkin. Alakól mańynda jeldiń jyldamdyǵy 23–28 m/s-qa deiin kúsheiedi.
Atyraý oblysynyń batysy men ońtústiginde tuman túsedi. Jel ońtústik jáne ońtústik-batys baǵyttan soǵyp, kei aýmaqtarda 15–20 m/s-qa deiin kúsheiedi.
Mańǵystaý oblysynda da jel kúsheiedi. Aqtaý qalasynda, sondai-aq óńirdiń batysy men ortalyq bóliginde jeldiń ekpini 15–18 m/s bolýy múmkin.
Qyzylorda oblysynda batystan soqqan jel ońtústik baǵytqa aýysyp, kúndiz oblystyń soltústik bóliginde 15–20 m/s-qa deiin kúsheiedi.
Batys Qazaqstan oblysynyń birqatar aimaǵynda qar jaýyp, jaiaý burqasyn men kóktaiǵaq bolýy yqtimal. Jel soltústik-batystan soǵyp, ekpini 15–20 m/s bolady.
Sinoptikterdiń boljamynsha, elorda Astanada da kei ýaqytta qar jaýyp, burqasyn bolýy múmkin.
