ق ر ءىىم ەسىرتكى قىلمىسىنا قارسى ءىس-قيمىل كوميتەتىنىڭ قىزمەتكەرلەرى قوستاناي وبلىسى پد ەسىرتكى قىلمىسىنا قارسى ءىس-قيمىل باسقارماسى جانە وبلىس پروكۋراتۋراسىمەن بىرلەسىپ، ءىرى كولەمدەگى ەسىرتكى زاتتارىن تاسىمالداۋ ارناسىن توقتاتتى، دەپ حابارلايدى Dalanews.kz.
جەدەل-ىزدەستىرۋ ءىس-شارالارى بارىسىندا قوستاناي – اۋليەكول – سۇرعان اۆتوجولىندا 200 كەلىدەن استام تىيىم سالىنعان زاتتى تاسىمالداعان ەر ادام ۇستالدى. كولىكتى تەكسەرۋ كەزىندە جۇك كولىگىنىڭ كۋزوۆىنان، تەمىر بوشكەنىڭ ىشىنەن پوليەتيلەنگە ورالعان قاپ تابىلدى. ونىڭ ىشىندە وسىمدىك تەكتەس زات بولعان.
اۆتوكولىكتى مۇقيات تەكسەرۋ بارىسىندا پوليسەيلەر ارنايى جابدىقتالعان جاسىرىن ورىندى انىقتادى. جاسىرىن بولىكتە سكوچپەن ورالعان، وزىنە ءتان ءيىسى بار وسىمدىك تەكتەس زات سالىنعان 20 قاپ بولعان.
اتالعان فاكتى بويىنشا قىلمىستىق ءىس قوزعالدى.
كۇدىكتى ۇستالىپ، ۋاقىتشا ۇستاۋ يزولياتورىنا قامالدى. قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلىپ جاتىر. بارلىق ءمان-جاي مەن ەسىرتكى زاتتارىن جەتكىزۋ ارنالارى انىقتالۋدا.
