QR IIM esirtki qylmysyna qarsy is-qimyl komitetiniń qyzmetkerleri Qostanai oblysy PD esirtki qylmysyna qarsy is-qimyl basqarmasy jáne oblys prokýratýrasymen birlesip, iri kólemdegi esirtki zattaryn tasymaldaý arnasyn toqtatty, dep habarlaidy Dalanews.kz.
Jedel-izdestirý is-sharalary barysynda Qostanai – Áýliekól – Surǵan avtojolynda 200 keliden astam tyiym salynǵan zatty tasymaldaǵan er adam ustaldy. Kólikti tekserý kezinde júk kóliginiń kýzovynan, temir bóshkeniń ishinen polietilenge oralǵan qap tabyldy. Onyń ishinde ósimdik tektes zat bolǵan.
Avtokólikti muqiiat tekserý barysynda politseiler arnaiy jabdyqtalǵan jasyryn oryndy anyqtady. Jasyryn bólikte skotchpen oralǵan, ózine tán iisi bar ósimdik tektes zat salynǵan 20 qap bolǵan.
Atalǵan fakti boiynsha qylmystyq is qozǵaldy.
Kúdikti ustalyp, ýaqytsha ustaý izoliatoryna qamaldy. Qazirgi ýaqytta sotqa deiingi tergep-tekserý júrgizilip jatyr. Barlyq mán-jai men esirtki zattaryn jetkizý arnalary anyqtalýda.
