ۇلتتىق ويىندار مەن قويىلىمدار، ءداستۇرلى اندەر مەن بيلەرمەن ەشكىمدى تاڭعالدىرا المايسىڭ. ءبىزدى تاڭعالدىرعانى – ۇلتتىق تاعامدار. الىستان مەنمۇندالايدى. كادىمگى چاك-چاك بار عوي، سونىڭ ساۋكلەگە ۇقساتىپ، باسىنا ۇكى تاعىپ قويىپتى.
نەگە ءبارى ەرەكشە دەپ سۇراستىرا كەلسەك، شيپاجاي ديرەكتورى گۇلجانات بۇعىبايەۆا حانىم تاعامتانۋ سالاسىنىڭ جوعارى دارەجەلى مامانى بولىپ شىقتى.
گۇلجانات امانجول قىزى مەملەكەت باسشىلارى مەن ساياسي جەتەكشىلەردىڭ تۇسكى، كەشكى اسى، فۋرشەتىنە دەيىن ۇيىمداستىرىپ، تالاي جوعارى لاۋازىمدى تۇلعالاردى تاماقتاندىرعان.
ءوزىنىڭ تاعامدارى «استانانىڭ مارتەبەلى اسى» اتتى تانىستىرىلىم كىتابىنا ەنگەن. ەڭبەگى ءۇشىن پرەزيدەنت، سەنات پەن ءماجىلىس ءتوراعاسىنان ماراپات پەن العىس حات العان. OSCE (ەۋروپاداعى قاۋىپسىزدىك جانە ىنتىماقتاستىق ۇيىمى) جانە ازيا ويىندارىن ۇيىمداستىرۋ ءھام وتكىزۋگە اتسالىسقانى ءۇشىن دە ماراپاتتالعان ەكەن.
شيپاجايعا ديرەكتور بولعانىنا بىرنەشە ايدىڭ عانا ءجۇزى بولىپتى. كەلە سالىپ، دەمالۋشىلاردىڭ اس مازىرىنە ءمان بەرگەن. ويتكەنى اس ادامنىڭ ارقاۋى بولعانىمەن، اۋرۋ استان دەگەن دە ماقال بار. ەندەشە ادام بالاسىنىڭ دەنساۋلىعى نە ىشىپ-جەگەنىنە تىكەلەي بايلانىستى.
سوندىقتان گۇلجانات حانىم قازاقى تاعامدارعا اسا نازار اۋدارىپ، اس مازىرىنە كوپتەگەن ۇلتتىق تاعامداردى قوسقان.
«جىلقى ەتى ءتۇس اۋعانشا، سيىر ەتى كەش باتقانشا، قوي ەتى تاڭ اتقانشا» دەگەن ماتەل بار قازاقتا. ياعني قانشا ۋاقىت قورىتاتىنىن ايتقان. ياعني جىلقى ەتى دەليكاتەس، قىمىزى دا شيپالى دەپ، جىلقى ەتىنەن ازىرلەنگەن تاعام ءتۇرىن كوبەيتكەن. تاعى ءبىر ماڭىزدى نارسە بار. ءبىز قازاقتار اسا ءمان بەرمەيمىز. تاعام دەگەنىڭ تابەت شاقىرىپ تۇرۋ كەرەك. ءبىر كورگەندە «مەنى جەشى، جوق، مەنەن اۋىز تي» دەپ الىستان قول بۇلعاعانى ءجون دەيدى ديرەكتور حانىم.
قول بۇلعاعان ادەمى استان ءدام اۋىز ءتيىپ، ءدامدى ەكەنىنە كوز جەتكىزىپ، ناۋرىز مەرەكەلەرىمەن قۇتتىقتاپ قايتتىق.
