«قازاقستان-2050» باعدارلاماسىنداعى ەلباسىمىزدىڭ سٶزٸمەن ايتار بولساق, «بولاشاعىمىزدىڭ باعدارشامى, ۇلتتى ۇيىستىرىپ ۇلى ماقساتتارعا جەتەلەيتٸن يدەيا بار. ول – مەڭگٸلٸك ەل يدەياسى». مەملەكەت باسشىسى ونى جاي عانا ايتىپ وتىرعان جوق. تاتۋلىقتى, ٸشكٸ تۇراقتىلىقتى قالىپتاستىرۋدى, ەلٸمٸزدٸ مەكەن ەتٸپ جاتقان ٶزگە ۇلت ٶكٸلدەرٸنە قۇرمەتپەن قاراۋدى مەڭزەپ وتىر.
مەڭگٸلٸك ەل قۇندىلىقتارى ەڭبەكسٷيگٸشتٸككە, ادالدىققا, وتانشىلدىققا, پاتريوتيزمگە, ۇلتتىق سالت-دەستٷرلەرٸمٸزدٸ ٷلگٸ ەتۋگە باۋليدى.
ەل دەگەنٸمٸز – قاسيەتتٸ ۇلى ۇعىم. ول حالىق بولىپ قۇرالۋ, مەملەكەت قۇرا الۋ. دەربەس بولىپ تۇرا الۋ. وسىنىڭ بەرٸ ەل بولۋدىڭ بەلەستەرٸ.
ال, مەڭگٸلٸك ەل بولۋ دەگەنٸمٸز – ەشقاشاندا بٶگدەنٸڭ بوداندىعىنا تٷسپەيتٸن, حالىقتىعىن, ۇلتتىعىن, ەلدٸگٸ مەن مەملەكەتتٸگٸن ەرقاشاندا ەسپەتتەيتٸن, بار زاماندا ۇلى مەن قىزىنىڭ باعى باسىندا تۇراتىن, بارشا حالقىنىڭ باقىتى باياندى بولاتىن ەل قۇرۋ – مەڭگٸلٸك ەل دەگەندٸ بٸلدٸرەدٸ.
قۇت قونىپ, قىدىر دارىعان قازاق جەرٸنٸڭ دارىندى پەرزەنتٸ سۇلتانماحمۇت تورايعىروۆ «الاش ۇرانى» اتتى ٶلەڭٸندە:
«الاش تۋى استىندا كٷن سٶنگەنشە سٶنبەيمٸز,
ەندٸ الاشتى ەشكٸمنٸڭ قورلىعىنا بەرمەيمٸز», – دەپ جىرلاعاندا دەل وسى كەزەڭدٸ ارمانداعان شىعار, بەلكٸم.
مەڭگٸلٸك ەل ەربٸر ازاماتىمىزدىڭ وتانشىلدىق سەزٸمٸن ەسەلەپ, قازاق ەلٸنٸڭ ازاماتىمىن دەگەن جاۋاپكەرشٸلٸكتٸ جٷكتەپ, بويىنا ماقتانىش دارىتادى. ەلباسىمىزدىڭ «انا تٸلٸمٸز مەڭگٸلٸك ەلٸمٸزبەن بٸرگە مەڭگٸلٸك تٸل بولادى. ونى داۋدىڭ تاقىرىبى ەمەس, ۇلتتىڭ ۇيتقىسى ەتە بٸلگەنٸمٸز جٶن» دەگەن ويى بٸزدٸ جٸگەرلەندٸرەدٸ. بارشامىزدى مازالايتىن تٸل تۋراسىنداعى ساۋالداردىڭ جاۋابى: مەڭگٸلٸك ەل يدەياسىنىڭ ٷلكەن بٸر ارقاۋى مەملەكەتتٸك تٸلدٸ دامىتۋدا جاتقانىن جاقسى بٸلۋٸمٸز كەرەك.
سەبەبٸ: تٸلٸ ٶركەندەمەگەن ەل ەشقاشان ۇلتتىق مەملەكەت بولىپ سالتانات قۇرا المايدى. تٸل بٸرلٸگٸ بولماسا نە مەملەكەت, نە تەۋەلسٸزدٸك باياندى بولمايدى. تاريحي وتانىنا دەگەن سٷيٸسپەنشٸلٸگٸن, مەملەكەت قۇراۋشى ۇلتقا دەگەن قۇرمەتٸن قازاق جەرٸن مەكەن ەتكەن ەربٸر ۇلت-ەتنوس ٶكٸلٸ مەملەكەتتٸك تٸلدەن باستاۋى كەرەك. وسى تۇرعىدان تٷسٸنٸسۋ, بٸر تٸلدە سٶيلەسۋ ەتنوستى ەتنوسقا جاقىنداستىرىپ, تٸلٸمٸزبەن بٸرگە سالت-دەستٷرٸمٸزدٸ بويلارىنا سٸڭٸرگەن ەتنوس ٶكٸلدەرٸ ۇلتىمىزعا سٸڭٸسٸپ, جاراسىمدى بولادى. مەملەكەتٸمٸز مەڭگٸلٸك قازاق ەلٸ دەپ اتالسا, بٷكٸل ەلٸمٸزدٸڭ, حالقىمىزدىڭ رۋحى كٶتەرٸلمەي مە?
شيرەك عاسىرلىق تەۋەلسٸزدٸكتٸڭ التىن ۋاقىتىندا قازاق ەلٸ بٸرٸككەن ۇلتتار ۇيىمىنا, وعان قاراستى بارلىق حالىقارالىق ۇيىمدارعا مٷشە بولىپ, ادامزاتتىق پروبلەمالى ٸس-شارالاردىڭ ۇيتقىسى بولىپ كەلە جاتىر. ەلٸمٸزدەگٸ بيٸك مەجەلەرگە باعىتتالعان تۋرا ۋاقىتىندا ورىندالاتىن بارلىق جاسامپاز ٸستەردٸڭ باسىندا تۇرعان ەلباسىنىڭ ارقاسىندا ەلەمدٸك قاۋىمداستىقتار قازاق ەلٸن تانىپ, قارىم-قاتىناستارىن كەڭٸتتٸ.
تەۋەلسٸزدٸگٸمٸزدٸڭ الدىڭعى جىلدارىنان باستاپ ەلٸمٸزدە پرەزيدەنتٸمٸزدٸڭ سىندارلى ساياساتىنىڭ ارقاسىندا ەتنوساياسي-رۋحانيساياسي جەنە ۇلتتىق رەفورمالاردىڭ دۇرىس جٷرگٸزٸلۋٸنە بايلانىستى ۇلتارالىق تاتۋلىق تۇراقتاندى. قازاق حالقىنىڭ دارحاندىعى مەن كەڭ پەيٸلدٸگٸنٸڭ ارقاسىندا جەنە تٷرلٸ ۇلت ٶكٸلدەرٸنٸڭ ٶزارا تٷسٸنٸستٸكتە بٸر ماقساتقا جۇمىلىپ, ىنتىماقتىڭ وشاعىن جاعىپ وتىرۋى ەلەم ساحناسىندا قازاقستان بەدەلٸن ارتتىرا تٷستٸ. ەل پرەزيدەنتٸنٸڭ ۇلتتار اراسىنداعى تاتۋلىقتى جاراستىرعان كەمەل ساياساتى ەلەمدٸك قاۋىمداستىقتا جوعارى باعالانىپ, بەرەكە باسى – بٸرلٸك ۇرانىن ۇستاناتىن قازاقستان – «بەيبٸتشٸلٸك بەسٸگٸ» دەگەن اتقا يە بولدى.
تاريحتىڭ تاعدىرلى كەزەڭٸندە تارام-تارام بوپ بوسىپ كەتكەن قازاق حالقىن اتامەكەنٸنە جيناپ, توعىستىرعان كٶرەگەندٸلٸك تە ەلباسىمىزدان باستاۋ الدى.
ەگەر تەۋەلسٸزدٸگٸمٸزدٸڭ تاريح شەجٸرەسٸن پاراقتاساق, سىندارلى جىلدار مەن كٷردەلٸ كەزەڭدەردە مەملەكەت باسشىسىنىڭ سارابدال باسقارۋ جولى ەلٸمٸزدٸ ساياسي جەنە حالىقارالىق داعدارىستان ابىرويمەن الىپ شىقتى. شەكارامىزدى شەگەندەپ, قاسيەتتٸ جەرٸمٸزدە 130-دان استام ۇلت پەن ۇلىستاردى تەمٸرقازىق قازاق حالقىنىڭ تٶڭٸرەگٸنە توپتاستىرىپ, دوستىق پەنەن ىنتىماقتى ۇلتارالىق تاتۋلىقتى جاراستىرا نىعايتتى. ەلوردامىزدا جەنە كەڭ بايتاق ٶلكەمٸزدٸڭ ەر اۋماعىندا كەمەڭگەر كٶشباسشىمىزدىڭ تاپسىرمالارىمەن جىل سايىن دٷبٸرلٸ, حالىقارالىق, ساياسي ماڭىزدى شارالاردىڭ ٶتٸپ تۇرۋى ەلٸمٸزدٸڭ اتىن شارتاراپقا جايدى.
ەلەمنٸڭ ۇلى ويشىلدارىنىڭ بٸرٸ ۆولتەردٸڭ «مەملەكەتتٸ قۇرۋ ٷشٸن بٸر عانا ۇلى ادام جەتكٸلٸكتٸ» دەگەن ويىن ەلباسىمىزدىڭ ٶتكەن جىلدارداعى مول تەجٸريبەسٸ مەن جەتٸستٸكتەرٸ ايقىنداپ بەردٸ.
عاسىرلار قويناۋىندا دەربەستٸكتٸ كٶكسەگەن, بٸراق بٷگٸندە تەۋەلسٸز ەلٸمنٸڭ باق جۇلدىزىنىڭ جانىپ تۇرعان سەتتٸ كەزٸنە بٷكٸل ەلەم كۋەگەر بولىپ وتىر.
جاس قازاق مەملەكەتٸنٸڭ تۋىپ قالىپتاسۋىن كٶزبەن كٶرٸپ, جاسامپازدىققا قۇلاش ۇرعان جولداعى ٷلكەن ماقساتتى باعدارلامالاردى جٷزەگە اسىرۋعا مٷمكٸندٸك الىپ وتىرمىز.
ەلباسىمىزدىڭ كەمەل ساياساتىنىڭ نەگٸزٸندە ۇلت پەنەن ۇلىستاردىڭ بٸرلٸك ىنتىماعىنىڭ ۇيتقىسى بولعان قازاق حالقىنىڭ باۋىرمالدىعىنىڭ مەن مەرتتٸگٸنٸڭ ارقاسىندا ەلٸمٸزدە اتقارىلىپ جاتقان جەمٸستٸ دە جەڭٸستٸ ەڭبەكتەردٸ ەشكٸم دە جوققا شىعارا المايدى.
بٸز قازاقستان حالىقتارىنىڭ دوستىعىن ەلٸمٸزدٸڭ باعا جەتپەس بايلىعى دەپ باعالايمىز, سەبەبٸ تٷرلٸ ۇلت ٶكٸلدەرٸنٸڭ ٶزارا ىنتىماعى, زاڭ الدىنداعى تەڭدٸگٸ بولماسا, مەملەكەتتٸك گٷلدەنۋٸ دە بولمايدى.
مەملەكەتٸمٸزدٸڭ بٷگٸنگٸ شىققان بيٸگٸندە, ەلەم ەلدەرٸ الدىنداعى بەدەلٸنٸڭ ٶسۋٸندە, سٶز جوق, ٶزگە ۇلت ٶكٸلدەرٸنٸڭ دە ٷلەسٸ شەكسٸز. مۇنى ەلباسىمىز: «بٸزدٸڭ تەۋەلسٸزدٸگٸمٸزدٸڭ تاريحى – بۇل بارلىق ەتنوستار دوستىعىنىڭ جىلناماسى. بٸزدٸڭ ەلٸمٸزدٸ ٶركەندەتۋگە قازاقستاندا ٶمٸر سٷرٸپ جاتقان بارلىق ەتنوستىق توپتاردىڭ ٶكٸلدەرٸ اتسالىسىپ كەلەدٸ», – دەپ اتاپ ٶتكەن-دٸ.
ەلباسىمىز رەسپۋبليكا بويىنشا ەڭ قۋاتتى ساياسي كٷش «نۇروتان» پارتيياسىنىڭ كەزەكتٸ سەزٸندە مەڭگٸلٸك ەل بولىپ قالۋدىڭ, ٷزدٸكسٸز ٸلگەرٸلەۋدٸڭ 5 رەفورماسىن ۇسىنعان بولاتىن. سٶز جوق, قازاقستان تەۋەلسٸزدٸك جىلدارى ٸشٸندە سارابدال كٶشباسشىسىنىڭ ارقاسىندا ەلەۋمەتتٸك-ەكونوميكالىق, ساياسي جەنە ەكٸمشٸلٸك رەفورمالاردىڭ اۋقىمدى جولىن ەڭسەرگەنٸ بەلگٸلٸ. بٸراق تا جەتٸستٸككە جەلٸگٸپ, توقمەيٸلسٸپ توقتاپ قالۋعا بولمايدى. پرەزيدەنتٸمٸز ۇسىنعان 5 رەفورما لوكوموتيۆ ٸسپەتتٸ بارلىق مەملەكەتتٸك باعدارلامالاردىڭ تيٸمدٸ جٷزەگە اسۋىن قامتاماسىز ەتۋدە. ەربٸر رەفورماعا قىسقاشا توقتالىپ ٶتەلٸك.
ەڭ بٸرٸنشٸ رەفورما نەگٸزٸندە ەلباسى مەملەكەتتٸك قىزمەتتٸڭ قازاقستاندىق مودەلٸن قالىپتاستىردى. «ا» جەنە «ب» كورپۋستارى تٷزٸلدٸ. مەملەكەتتٸك قىزمەتتە ٶسەتٸن ەربٸر باسشى تٶمەننەن باستاپ, بارلىق باسقارۋشىلىق ساتىلارىن باسىپ ٶتۋٸ تيٸستٸگٸ بەكٸتٸلدٸ. بۇدان بٶلەك, كەمەڭگەر باسشىمىز ەتنيكالىق تەگٸنە, قوعامدىق-ەلەۋمەتتٸك ورنىنا قاراماستان, بارلىق تالاپتى, دارىندى, ماقساتتى ادامداردى مەملەكەتتٸك قىزمەتكە تارتۋ تۋرالى تاپسىرما بەردٸ.
ەكٸنشٸ رەفورما – قازاقستان رەسپۋبليكاسىنىڭ بارلىق زاڭىنىڭ شىنايى تٷردە قىزمەت اتقارۋىنا باعىتتالدى. جەمقورلىق پەن جابىق كەلٸسٸمدەر, شەشٸمدەر شىعارا سالۋ قوعامدى ٸشتەي ٸرٸتەتٸنٸ بەسەنەدەن بەلگٸلٸ. سوت جٷيەسٸنٸڭ ەلسٸز تۇستارىنىڭ بارلىعىن كٷشەيتۋگە ارنالعان بۇل رەفورما تۇتاستاي رەسپۋبليكا حالقىنىڭ تىنىش تا, بەيبٸت ٶمٸر سٷرۋٸنٸڭ كەپٸلٸ بولماق.
ٷشٸنشٸ رەفورما – ەلٸمٸزدٸ دامىعان ەلدەردٸڭ قاتارىنا قوساتىن ماڭىزدى فاكتور – مىقتى ەكونوميكامىزدىڭ بولۋىنا ارنالدى. يندۋسترييالاندىرۋ, ٶڭدەۋشٸ سەكتور, اگرارلىق سەكتور, ينۆەستيتسييا تارتۋ, ەكسپورتقا تاۋارلار شىعارۋ سالالارىنا مەملەكەتتٸك قولداۋ جاسالاتىنى ناقتىلاندى. تٷيٸندەي ايتساق, ٷشٸنشٸ رەفورما ەكونوميكانى ەرتاراپتاندىرۋعا باعىتتالىپ وتىر. بٷگٸندە وسى رەفورما نەگٸزٸندە اتقارىلعان جۇمىستار بويىنشا تيٸستٸ مەكەمەلەر قولعا العان جوبالارى بويىنشا حالىق الدىندا ەسەپ بەرٸپ جاتقانىنان حاباردارمىز.
تٶرتٸنشٸ رەفورما – بٸرتەكتٸلٸك پەن بٸرلٸك ياعني, بٸرىڭعاي بولاشاق ۇلتىن قالىپتاستىرۋ. شىندىعىندا, بٷگٸنگٸدەي تۇراقسىز ساياسي كٷشتەردٸڭ وسپادار ەرەكەتتەرٸنەن تۋىنداپ جاتقان نەبٸر قۇيتىرقى جاعدايلاردا ۇلتتىق ىنتىماق پەن قوعامدىق كەلٸسٸمدٸ ساقتاۋ ساياساتى ەرەكشە ماڭىزعا يە. الىستان بولجايتىن ەلباسىمىز وسى باعىتتا قازاقستاننىڭ حالىقارالىق دەڭگەيدە مويىندالعان ٶزٸندٸك ٷلگٸسٸن قالىپتاستىردى. ورتاق وتانى – قازاقستان بولعان بارشا ۇلت پەن ۇلىس ٶكٸلدەرٸ وسى رەفورما نەگٸزٸندە ىنتىماق پەن جاراسىمدىقتارىن ودان سايىن بەرٸك ەتە تٷسەرٸ ايداي اقيقات. مەملەكەت باسشىسىنىڭ ٶز سٶزٸمەن ايتساق: «بارلىق ازاماتتار قۇقىقتىڭ بٸردەي كٶلەمٸن پايدالاناتىن, بٸردەي جاۋاپكەرشٸلٸك جٷگٸن ارقالايتىن جەنە تەڭ مٷمكٸندٸكتەردٸ يەلەنەتٸن بولادى». ەلباسى ۇسىنعان بٸرتەكتٸلٸك پەن بٸرلٸككە ٷندەيتٸن رەفورمانى جٷزەگە اسىرۋ ماقساتىندا قوعامدىق ينستيتۋتتار مەملەكەتتٸك جەنە جەرگٸلٸكتٸ ورگاندار ۇلتتار مەن ۇلىستار اراسىندا تٸلدٸك بٶلٸنۋشٸلٸككە نانىم-سەنٸمگە قاتىستى جٸكتەلۋلەرگە جول بەرمەيتٸن بٸرتۇتاس ۇلتتىق يدەولوگييانى ناسيحاتتاۋعا قاتىستى تىعىز جۇمىستار اتقارىپ جاتىر.
بۇل يدەيانى ٶمٸرشەڭ ەتكەن – ەلدٸڭ بٸرلٸگٸ. بٸرلٸك بولماعان اۋىزبٸرشٸلٸك قاشقان, الاۋىزدىق تاسقان جەردە بەرەكە بولمايدى. ەلدەگٸ تاتۋلىق پەن تۇراقتىلىقتى ساقتاپ, باياندى ەتۋٸمٸز ٷشٸن ەرقايسىمىز وعان ٷلەس قوسۋىمىز كەرەك. ەلباسىمىز ن.نازارباەۆ «عاسىرلار كٷتٸپ, ەزەر قول جەتكەن ازاتتىقتان ايىرىلىپ قالماۋ ٷشٸن ٸشكٸ تاتۋلىقتى دا, سىرتقى تاتۋلىقتى دا كٶزدٸڭ قاراشىعىنداي ساقتاۋ بٸلۋ كەرەك» دەگەن ەدٸ بٸر سٶزٸندە.
جالپىحالىقتىق رەفورمانىڭ بەسٸنشٸسٸ – ترانسپارەنتتٸ جەنە حالىققا ەسەپ بەرەتٸن مەملەكەتتٸ قۇرۋ. مەملەكەتتٸڭ قۋاتى مەن كٷشتٸلٸگٸ حالىقتىڭ ەڭبەگٸمەن قۇرالادى. سوندىقتان مەملەكەت تاراپىنان ورىندالىپ جاتقان اۋقىمدى, يگٸلٸكتٸ ٸستەردٸڭ بارلىعىنىڭ ەسەبٸ انىق كٶرٸنٸپ تۇرۋى كەرەك. حالىقارالىق ستاندارتتار, ەلەمنٸڭ دامىعان 30 ەلٸ كٸرەتٸن ەكونوميكالىق دامۋ ۇيىمىنا مٷشە ەلدەردٸڭ ستاندارتتارى نەگٸزٸندە جاسالىپ وتىرعان رەفورما جارييالىلىق پەن اشىقتىقتى باستى نىساناعا الىپ وتىر.
[caption id="attachment_21370" align="alignright" width="330"]
قازٸرگٸ كٷندە ەلباسى ۇسىنعان بەسٸنشٸ رەفورمانىڭ نەگٸزٸندە قازاقستان قوعامىنىڭ بارلىق سالاسى كەزەڭ-كەزەڭمەن بٸرتٸندەپ, حالىق الدىنداعى جارييالىلىققا بەيٸمدەلٸپ جاتىر. «قۋاتتى مەملەكەت قالىپتاستىرىپ, ليبەرالدى دامىعان قوعام قۇرۋ ٷشٸن ەلدٸڭ 40-50 جىلدى قامتيتىن تۇراقتى العا جىلجۋى قاجەت. بٸز دە سوعان بارا جاتىرمىز. مەن ۇسىنعان شارالار قازاقستانداعى قوعامدىق قاتىناستار جٷيەسٸن تٷبەگەيلٸ ٶزگەرتەدٸ» دەگەن ەلەمدٸك ساياسات ساحناسىندا مول تەجٸريبەسٸ بار مەملەكەت باسشىسىنىڭ جوسپارى كٶپ كٷتتٸرمەي وڭ نەتيجەلەرٸن كٶرسەتەرٸ انىق.
ماقساتقا قول جەتكٸزۋ ٷشٸن قر پرەزيدەنتٸ جانىنان بەس باعىتتاعى رەفورمامەن تٷبەگەيلٸ اينالىساتىن مودەرنيزاتسييا جٶنٸندەگٸ ۇلتتىق كوميسسييا قۇرىلىپ, ەر رەفورمانىڭ تيٸستٸ مەكەمەلەر بويىنشا جٷزەگە اسىرىلۋى جٸتٸ قاداعالانۋدا. سەبەبٸ, ەلەمدٸك دامىعان ەلدەردٸڭ بارلىعى دا دامۋ جولىن ايقىنداپ الىپ, ٸشكٸ-سىرتقى جاعدايلارعا تٷبەگەيلٸ رەفورما جاساعاننان كەيٸن عانا دامۋدىڭ داڭعىل جولىنا تٷسكەن. ەلباسى ۇسىنعان رەفورمالار تەۋەلسٸز ەلٸمٸزدٸڭ تەۋەكەلدٸ ٶتكەلٸ بولىپ, قۋاتتى مەملەكەتكە اينالۋىمىزعا, مەڭگٸلٸك ەل بولىپ قالۋىمىزعا العىشارت بولىپ تابىلادى. تٷيٸندەي ايتساق, ەلباسىمىز ۇسىنعان تاريحي 5 رەفورما جاھاندىق تٷيتكٸلدٸ جايتتاردان شىعاتىن قازاقستاندىق مودەل.
بٷگٸنگٸ بٸزدٸڭ باستى پارىزىمىز – الاش قايراتكەرلەرٸنٸڭ ارمانداعان مەڭگٸلٸك ەل مۇراتىن جاس ۇرپاققا ناسيحاتتاۋ.
قاسىق قانى قالعانشا شايقاسىپ, اتامەكەنٸنٸڭ سىنىق سٷيەم جەرٸن دۇشپانعا باستىرماي, كەۋدەسٸمەن قورعاعان باتىر بابالارىمىزدىڭ, قاھارمان حاندارىمىزدىڭ, ەلدٸڭ بٸرلٸگٸن دانالىعىمەن ۇيىتقان بي-شەشەندەرٸمٸزدٸڭ ەرلٸك ٸستەرٸن جاستارعا ٷلگٸ ەتۋ.
سوناۋ ساق-عۇن, تٷركٸ بابالارىمىزدىڭ دەۋٸرٸنەن جەتكەن التىن اڭىزدارىمەن ەشەكەيلەنگەن قازاق ەلٸنٸڭ ەلتاڭباسىن, كٶك تۋىن, ەن ۇرانىن ۇلىقتاۋ.
قازاقستاننىڭ كەڭ بايتاق شەكارا شەبٸن كٸرپٸك قاقپاي كٷزەتٸپ تۇرعان ەرجٷرەك جاۋىنگەرلەرٸمٸزگە جٸگەر بەرەتٸن, نامىسىن قايرايتىن تولعاۋلار مەن داستاندار جازىپ, تاريح بەتتەرٸندە قالدىرۋ.
ال بٷگٸندە حالىقارالىق دەڭگەيدە الاش ماقتانىشىنا اينالعان ساياسي-مەدەني, سپورتتىق ويىندار مەن ەلەمدٸك اۋقىمداعى باسقوسۋلار ٶتەتٸن, حالىقارالىق ٷن قاتىسۋدىڭ ورداسىنا اينالعان, مەڭگٸلٸك قازاق ەلٸنٸڭ التىن دٸڭگەگٸ ەل وردامىز – استانا شاھارىنىڭ كٶركٸ مەن كەلبەتٸن كەستەلٸ تٸلمەن زەرلەپ, جاس ۇرپاقتىڭ بويىنا دارىتۋ بولىپ تابىلادى.
ەلباسىمىز «مەڭگٸلٸك ەل» جاڭا قازاقستاندىق پاتريوتيزم» دەپ ەرەكشە اتاپ كٶرسەتتٸ. وسى تۇرعىدان ەرقايسىسىمىز قازاقستان رەسپۋبليكاسىنىڭ ازاماتى دەگەن اتتى ارداقتاتا بيٸك ۇستاپ, مەڭگٸلٸك قازاق ەلٸنٸڭ ٶركەندەۋٸنە لايىقتى ٷلەس قوسايىق.
«مەڭگٸلٸك ەل» بايىبىنا بارعاندا شىنىندا دا ۇلى ماقسات. مەڭگٸلٸك قازاق ەلٸنە كٶز الارتىپ, قىزعانىشپەن قارايتىن جات پيعىلداردان ەلٸمٸزدٸ قورعاۋ باستى پارىزىمىز. بٷگٸندە جاھان عالىمدارى مەرتەبەلٸ قازاق حالقىنىڭ باسقا ۇلت ەتنوس ٶكٸلدەرٸمەن بەيبٸت ٶمٸر سٷرەتٸن ەرەكشە قاسيەتٸن تولەرانتتىقتىڭ ياعني, تٶزٸمدٸلٸكتٸڭ فەنومەنٸ رەتٸندە ەلەم حالقىنا ٷلگٸ-ٶنەگە ەتٸپ كەلەدٸ. بولمىس بٸتٸمٸندە ەلەۋمەت سٷيسٸنەتٸن قاسيەتتەرٸ مول بۇل حالىقتىڭ دارىندىلار مەن دانالاردى دانىشپاندار مەن ۇلىلاردى كٶسەمدەردٸ تۋعىزعان جومارت قازاق حالقىنىڭ اقىل-وي بٸلٸمٸنە وراسان زور بيٸك قابٸلەتٸ مەن تالعامىنا, پاراساتى مەن تالانتىنا سەنەمٸن. بار پوتەنتسيالىن ەلٸ الماعان, بولاشاقتا الاتىن قازاق حالقى مەڭگٸلٸك ەل اياسىندا ەلٸ تالاي اسۋلاردى اسىپ, تالاي بەلەستەردٸ باعىندىراتىن, قايراتى سارقىلماس قۋاتىنا, قايسار رۋحىنا سەنەمٸن.
بٷگٸندە قازاقستان حالىقتار دوستىعىنىڭ سيمۆولىنا اينالعان ەلەمنٸڭ ٸرٸ تۇلعاسى پرەزيدەنتٸمٸز نۇرسۇلتان ەبٸشۇلى نازارباەۆتىڭ كەمەل ساياساتىنان تۋىنداعان «قازاقستان-2050» ستراتەگيياسىندا مەڭگٸلٸك ەلگە باستايتىن مەرتەبەلٸ دە, ابىرويلى جولدىڭ ٸرگەسٸن قالانىپ وتىر.
قازٸر قارقىندى تٷردە جٷزەگە اسىرىلىپ جاتقان 5 رەفورما مەن ونى جٷزەگە اسىرۋدىڭ 100 قارىشتى قادامى بارشا قازاق جەرٸن مەكەندەگەن ۇلت پەن ۇلىس ٶكٸلدەرٸنە قوي ٷستٸنە بوزتورعاي جۇمىرتقالاعان تىنىش ٶمٸر, بٸلٸمدٸ كەلەشەك, بەسەكەگە قابٸلەتتٸ ٸسكەرلٸكتٸ قامتاماسىز ەتەدٸ.
ەلباسىمىز بەكٸتكەن ۇلت جوسپارىن جٷزەگە اسىرۋ ارقىلى ەر ازاماتتىڭ وتانشىلدىق سەزٸمٸن ەسەلەپ جەنە مەملەكەتٸمٸزدٸڭ بارلىق قۇرىلىمدىق سالالارىن تٷبەگەيلٸ ٶزگەرتٸپ, ىنتىماققا ۇيىعان, شىنشىل دا اشىق قوعام قۇرىپ, مەڭگٸلٸك ەل بولۋدىڭ داڭعىل جولىنا تٷسەتٸنٸمٸز سٶزسٸز. ەڭ باستىسى, بٷگٸننەن دە نۇرلى, بٷگٸننەن دە كەمەل بولاشاعى بار مەڭگٸلٸك قازاق ەلٸ ٶركەنيەتتٸ, دەۋلەتتٸ ەل قاتارىندا بولىپ, ەلەم ساحناسىندا ۇلتتىق مەملەكەت رەتٸندە سالتانات قۇراتىنىنا سەنەمٸن. سالتاناتىمىز باياندى بولسىن, مەڭگٸلٸك بولسىن!
قازاقباي تاشتەمٸرۇلى قاسيموۆ
قازاقستان حالقى
اسسامبلەياسىنىڭ مٷشەسٸ, فيلوسوفييا
عىلىمدارىنىڭ دوكتورى, حالىقارالىق
قاۋٸپسٸزدٸك سالاسىنىڭ پروفەسسورى, اكادەميك
