ساراپشىلار: تۋريزم مەن ديپلوماتييانى قاتار دامىتۋ قاجەت
شارانىڭ شىمىلدىعىن تٷرگەن ساياساتتانۋشى ەدۋارد پولەتاەۆتىڭ پٸكٸرٸنشە, تۋريزمدٸ دامىتۋ ٷشٸن ەۋرازييالىق وداققا بٸرٸككەن مەملەكەتتەرگە ورتاق تۋريستٸك كەڭٸستٸك قۇرۋ قاجەت. "بۇل اتالعان سالانى بٸرٸگٸپ دامىتۋعا مٷمكٸندٸك بەرەدٸ" دەدٸ ول.
ال قازاقستان تۋريزمٸنٸڭ ەڭبەك سٸڭٸرگەن قىزمەتكەرٸ جۇمات مەردەنوۆتىڭ ايتۋىنشا, قازاقستانعا ەكسترەمالدى تۋريزمدٸ دامىتقان اسا قولايلى بولار ەدٸ. "بۇعان ساي ورىندار جەتٸپ ارتىلادى. بٸر عانا بۋراباي مەن باياناۋىلدىڭ ٶزٸ نەگە تۇرادى. ەرينە, تۋريستەر ول جەرگە جايدان جاي كەلە سالمايدى. ولار ٶزٸنٸڭ قاۋٸپسٸز بولارىن سەزٸنۋلەرٸ كەرەك" دەدٸ ول.
ٶز كەزەگٸندە ساياساتتانۋشى ەدٸل كەۋكەنوۆ: "تۋريستەردەن تابىس تاپقىمىز كەلسە ولارعا قۇرمەتپەن قاراۋدى ٷيرەنۋٸمٸز قاجەت. سەبەبٸ, ول تۋريست بٸزدٸڭ ەلگە قايتىپ كەلەتٸندەي بولۋى كەرەك...
سوسىن بٸز ٶزٸمٸزشە بولىپ قازاقستاندى ەۋروپاعا مويىنداتقىمىز كەلەدٸ. تۋريزم دەسە بٸردەن ەۋروپالىقتاردى شاقىرۋ قاجەت دەپ ويلايمىز. بٸراق, ول حالىقتىڭ تٷسٸنٸگٸ باسقا. ولاردى تەڭٸزدٸڭ جاعاسىندا دەمالىپ جاتقاندى قوش كٶرەدٸ. ال ٶكٸنٸشكە وراي ورتالىق ازييادا ولاردىڭ تالاپتارىنا ساي كەلەتٸن جاعاجايلار اتىمەن جوق. سوسىن بٸزدٸڭ جاز ىستىق. ەۋروپالىقتىڭ نەزٸك تەرٸسٸن كٷيدٸرٸپ جٸبەرەدٸ" دەگەن پٸكٸر بٸلدٸردٸ.
ال جيىننىڭ شىمىلدىعىن جاپقان ساراپشى مارات شيبۇتوۆ ٶز سٶزٸندە: "قازاقستان تۋريزمدٸ دامىتامىن دەسە الىستان اربالاماۋى كەرەك. بٸزگە جاقىننان دوربالاعان ماڭىزدى. مىنانى تٷسٸنٸڭٸزدەر بٸزگە ەشقاشان دا نيۋ يوركتٸڭ تۇرعىندارى كەلمەيدٸ. بٸزگە كٶرشٸلەرمەن جۇمىس ٸستەۋ ماڭىزدى" دەدٸ
