Sharanyń shymyldyǵyn túrgen saıasattanýshy Edýard Poletaevtyń pikirinshe, týrızmdi damytý úshin Eýrazıalyq odaqqa birikken memleketterge ortaq týrısik keńistik qurý qajet. "Bul atalǵan salany birigip damytýǵa múmkindik beredi" dedi ol.
Al Qazaqstan týrızminiń eńbek sińirgen qyzmetkeri Jumat Márdenovtyń aıtýynsha, Qazaqstanǵa ekstremaldy týrızmdi damytqan asa qolaıly bolar edi. "Buǵan saı oryndar jetip artylady. Bir ǵana Býrabaı men Baıanaýyldyń ózi nege turady. Árıne, týrıser ol jerge jaıdan jaı kele salmaıdy. Olar óziniń qaýipsiz bolaryn sezinýleri kerek" dedi ol.
Óz kezeginde saıasattanýshy Ádil Káýkenov: "Týrıserden tabys tapqymyz kelse olarǵa qurmetpen qaraýdy úırenýimiz qajet. Sebebi, ol týrıs bizdiń elge qaıtyp keletindeı bolýy kerek...
Sosyn biz ózimizshe bolyp Qazaqstandy Eýropaǵa moıyndatqymyz keledi. Týrızm dese birden eýropalyqtardy shaqyrý qajet dep oılaımyz. Biraq, ol halyqtyń túsinigi basqa. Olardy teńizdiń jaǵasynda demalyp jatqandy qosh kóredi. Al ókinishke oraı Ortalyq Azıada olardyń talaptaryna saı keletin jaǵajaılar atymen joq. Sosyn bizdiń jaz ystyq. Eýropalyqtyń názik terisin kúıdirip jiberedi" degen pikir bildirdi.
Al jıynnyń shymyldyǵyn japqan sarapshy Marat Shıbutov óz sózinde: "Qazaqstan týrızmdi damytamyn dese alystan arbalamaýy kerek. Bizge jaqynnan dorbalaǵan mańyzdy. Mynany túsinińizder bizge eshqashan da Nú Iorktiń turǵyndary kelmeıdi. Bizge kórshilermen jumys isteý mańyzdy" dedi
