«زاڭگەر بولعاندىقتان ب.بايبەكتىڭ سوتتاعى وكىلى ا.تاشەنوۆانىڭ ج.مامايعا قاتىستى ىسكە اسىرىلىپ جاتقان زاڭدى شەكتەۋلەر تۋرالى جازعان پوستىن وقىپ، وسى ماسەلەگە قاتىستى جازدىم.
اتالعان پوستتا كورسەتىلگەندەي، ج.مامايدى جالعان ايىپتاۋلاردى تەرىسكە شىعارۋدى جانە ۆيدەونى ءوشىرۋدى تالاپ ەتەتىن سوتتىڭ كۇشىنە ەنگەن شەشىمى بار. الايدا، 3 اي ۋاقىت وتسە دە ول ءالى كۇنگە دەيىن ونى ورىنداماعان»، - دەلىنگەن جازبادا.
زاڭگەر بۇل تۋرالى پىكىرىن بىلاي دەپ جالعاستىرادى:
«ال، ەلىمىزدىڭ زاڭدارىندا سوت ورىنداۋشىسىنىڭ باستاماسىمەن سوت شەشىمدەرىن ورىنداماعانداردى جاۋاپكەرشىلىكتە تارتۋ كوزدەلگەن. ماسەلەن، ايىپپۇل، ءوسىمپۇل، ليسەنزيالاردى، رۇقساتتاردى جانە ارنايى قۇقىقتاردى بەرۋگە ۋاقىتشا تىيىم سالۋ نەمەسە توقتاتا تۇرۋ شارالارى سوت شەشىمىمەن قولدانىلادى. ال مۇنداي جاۋاپكەرشىلىك تەك اليمەنتكە عانا قاتىستى ەمەس، ودان باسقا قارجىلاي ەمەس جانە مۇلىكتىك ەمەس سيپاتتاعى ىستەرگە دە ءتان.
بۇل تۋرالى «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» زاڭنىڭ 34 بابىندا ناقتى كورسەتىلگەن: - جەكە تۇلعالاردىڭ قارىزى 250 اەك-تەن اسقان جاعدايدا؛ - زاڭدى تۇلعالاردىڭ قارىزى 1250 اەك-تەن اسقان جاعدايدا؛ - اليمەنت بويىنشا بەرەشەك بولعان جاعدايدا؛ - مۇلىكتىك ەمەس سيپاتتاعى اتقارۋشىلىق قۇجاتتى ورىنداماعان جاعدايدا ارنايى قۇقىقتاردىڭ قولدانىلۋىن شەكتەۋ قاراستىرىلعان.
ال، جالعان ايىپتاۋدى تەرىسكە شىعارۋ جانە بەينەروليكتى جويۋ تۋرالى تالاپتار مۇلىكتىك ەمەس سيپاتتاعى تالاپتار بولىپ تابىلادى. مىنە سوندىقتان سوت ورىنداۋشىسىنىڭ ج.مامايدىڭ سوت شەشىمىن ورىنداماعانى ءۇشىن ونىڭ كولىك جۇرگىزۋ قۇقىعىنا ۋاقىتشا شەكتەۋ قويۋ تۋرالى ۇسىنىسى تولىقتاي زاڭ تالابىنا سايكەس».
سونىمەن قاتار ول ازاماتتار وزدەرىنە قاتىستى شىعارىلعان سوت شەشىمدەرىمەن كەلىسپەگەن جاعدايدا، ءىستىڭ جوعارى تۇرعان سوتتاردا قايتا قارالۋ رەتىنە دە تۇسىنىكتەمە بەرگەن.
«سايىپ كەلگەندە سوت شەشىمىن ورىنداۋ – ءار ازاماتتىڭ مىندەتى.. ارينە، سوت شەشىمىمەن كەلىسپەگەن جاعدايدا قازاقستان رەسپۋبليكاسىنىڭ كونستيتۋسياسى مەن زاڭدارىنا سايكەس ازاماتتار ونداي شەشىمدەردى جوعارى تۇرعان سوتتاردا قايتا قارالۋى ءۇشىن شاعىم بەرە الادى. بۇل رەتتە ول ءبىرىنشى ساتىداعى جانە اپەللياسيالىق ينستانسيانىڭ شەشىمدەرىنە كاسساسيالىق تارتىپپەن شاعىم بەرۋ مۇمكىندىگى بار.
قالاي بولسا دا، قازاقستان رەسپۋبليكاسىنىڭ كۇشىنە ەنگەن سوت شەشىمدەرى جوعارىدا تۇرعان سوتتارمەن قايتا قارالمايىنشا بۇكىل قازاقستان اۋماعىندا ورىندالۋى مىندەتتى. قۇقىقتىق مەملەكەت قۇرامىز، قۇقىق ۇستەمدىگى قامتاماسىز ەتىلسىن دەسەك، وسى قاعيداعا بارلىعى مويىنسۇنۋ قاجەت»، - دەدى زاڭگەر باشيموۆ.
زاڭگەر ءوز جازباسىندا ج.مامايدىڭ بۇۇ تۋرالى ايتىپ جۇرگەن مالىمدەمەسىنە دە پىكىر ءبىلدىرۋدى ۇمىت قالدىرماعان.
«بۇۇ-نىڭ ادام قۇقىقتارى جونىندەگى كوميتەتى جەكە شاعىمداردى قاراۋ بارىسىندا حالىقارالىق ستاندارتتاردى، اتاپ ايتقاندا كوپتەگەن مەملەكەتتەر قابىلداعان ازاماتتىق جانە ساياسي قۇقىقتار تۋرالى حالىقارالىق پاكتىنى باسشىلىققا الادى.
بۇل پاكتىنىڭ 19-تارماعىنا سايكەس «ءاربىر ادام ءوز پiكiرiن ەركiن بiلدiرۋگە قۇقىلى. بۇل قۇقىق مەملەكەتتىك شەكارالارعا قاراماستان كەز كەلگەن اقپاراتتار مەن يدەيالاردى ەركiن iزدەۋ، تاۋىپ الۋ جانە ولاردى ءوز قالاۋىنشا تاڭداپ العان قۇرالدار ارقىلى اۋىزشا، جازباشا نەمەسە باسپا ءسوز ارقىلى نەمەسە كوركەمدiك بەينەلەۋ فورمالارى ءتۇرiندە تاراتۋ بوستاندىعىن دا قامتيدى».
وسى باپتىڭ كەلەسى ماڭىزدى تارماعىن ۇمىتپاعانى ءجون. سەبەبى وندا بۇل قۇقىقتاردى پايدالانۋ «زاڭمەن بەلگىلەنۋى كەرەك جانە باسقا تۇلعالاردىڭ قۇقىقتارى مەن ابىروي-بەدەلiن قۇرمەتتەۋ قاجەت» دەگەن سىندى شەكتەۋلەرمەن بايلانىستى ەكەندىگى ايتىلعان. ال ەۋروپالىق زاڭگەرلەر ءانونيمدى تەلەگرامم ارنالارىنان كوشىرىپ العان دالەلسىماق ماتەريالدارىن قاراۋعا قابىلداۋى ەكىتالاي.
ال وسى پاكتىگە سايكەس ءاربىر ادام ابىرويى مەن بەدەلىنە زاڭسىز قول سۇعۋدان قورعالۋى قاجەت ەكەندىگىن ەسكەرسەك، مامايدىڭ بۇۇ-نان ءوزى جالا جاپقان بايبەككە قارسى قولداۋ كۇتۋى سايكەس كەلمەيتiن جاعداي»، - دەپ زاڭگەر ءوز پىكىرىن قورىتىندىلاعان.
