بەلگىلى جۋرناليست دينا تولەپبەرگەن جەكە ومىرىندەگى جانجالعا قاتىستى باسى داۋعا قالعان تەلەجۇرگىزۋشى اسحات سادىربايعا قاتىستى ويىن ايتتى،دەپ حابارلايدى Dalanews.kz. 

دينا تولەپبەرگەننەن وقىرماندارى "اسحات سادىربايدى نەگە "استارلى اقيقاتتان" الىپ تاستامايسىز" دەپ سۇراي باستاعان. 

“2024 جىلدىڭ قاڭتارىندا مەن جۇرگىزۋشىلىكتى توقتاتتىم. مەنىڭ ورنىما بەردىمۇرات حاسەن كەلدى. ونى ءوزىم ۇسىندىم. مامىرعا دەيىن باعدارلامانىڭ وندىرىسىنە مەنىڭ كومپانيام جاۋاپ بەردى. ماۋسىمدا بۇكىل كومانداممەن جوبادان كەتتىك. تۇسىنىكتى بولۋ ءۇشىن "استارلى اقيقاتتى" كولىككە تەڭەسەم، مەن ونى ايدادىم، جوندەدىم، جولعا شىعاردىم. ءبىراق ءبىر كۇنى كىلتتى يەسىنە تاپسىردىم. ودان كەيىن ول كولىكتى كىم جۇرگىزەتىنىن مەن شەشپەيمىن. مەن ءوز باعىتىممەن ءجۇرمىن”، – دەدى جۋرناليست. 

سونداي-اق تەلەجۇرگىزۋشى ارىپتەسىنىڭ ىس-ارەكەتىن قاتاڭ تۇردە سىنادى. 

“مەن ادامدى ونىڭ جەكە ومىرىنەن ءبولىپ قاراي المايدى ەكەنمىن. سەبەبى ادام – تۇتاس. ءىسى مەن ءسوزى ءبىر جەردەن شىقپاسا، ول – جالعان. جۇمىس پەن ءومىر ەكى بولەك بولسا، ول – الداۋ"، – دەپ جازدى دينا تولەپبەرگەن.

ايتا كەتەيىك، تانىمال تەلەجۋرناليست اسحات سادىربايدىڭ ەكىنشى ايەلى ايعانىم بولات قىزى Kyn.kz YouTube ارناسىنا سۇحبات بەرىپ، بۇرىنعى كۇيەۋىنەن كورگەن قورلىقتارى تۋرالى ايتىپ بەرگەن بولاتىن.

«اسحات جول اپاتىنان سوڭ، ءبىراز قالادا تۇرىپ، ءبىز اۋىلعا كەتتىك. كەيىننەن ول بالداقپەن جۇرە باستادى. مەن بالانى ەمىزىپ جاتقاندا ەنەم اسحاتقا بارىپ، «بالانى بەرمەي جاتىر» دەگەن. سول كەزدە اسحات كەلىپ بالداعىمەن مەنى ۇراتىن»، - دەيدى كەلىنشەك.

ونىڭ ايتۋىنشا، اسحات سادىرباي وتباسىندا بولعان كيكىلجىڭدى شەشۋ ءۇشىن بىردەن اناسىنا حابارلاسىپ وتىرعان.

«جاڭادان ءۇي الىپ، استاناعا كوشتىك. ءار ۇرىس بولعان سايىن اناسىنا حابارلاساتىن. اناسى دا جۇگى جينالىپ، كەلۋگە دايىن تۇراتىن. بىرنارسەنى شەشۋدى اناسىنا ىسىرىپ قوياتىن. ارامىزعا ءتۇسىپ، ءبىز ەشتەڭەنى شەشە المايتىنبىز. كوپ رەنجىتكەن سوڭ مەن ۇيىمە كەتىپ قالدىم. ول كەشىرىم سۇراپ كەلەتىن»، - دەيدى ايعانىم بولات قىزى.