تٷركٸستان وبلىسىندا "تازا قازاقستان" باعدارلاماسى اياسىندا جوسپارلانعان 7263 تازالىق ٸس-شاراسىنىڭ العاشقىلارى باستالدى. بۇل تۋرالى تٷركٸستان وبلىسىنىڭ ەكٸمٸ نۇرالحان كٶشەروۆتىڭ تٶراعالىعىمەن ٶتكەن اپپارات مەجٸلٸسٸندە ايتىلدى,- دەپ حابارلايدى Dalanews.kz
جينالىستا وبلىس ەكٸمٸنٸڭ بٸرٸنشٸ ورىنباسارى زۇلپىحار جولداسوۆ باعدارلاما اياسىندا اتقارىلىپ جاتقان جۇمىستار مەن كٶكتەمگٸ اعاش ەگۋ جەنە كٶگالداندىرۋ جۇمىستارى بويىنشا باياندادى. ونىڭ ايتۋىنشا, «تازا قازاقستان» باعدارلاماسى تۇراقتى قاداعالاۋدا, سونداي-اق, ارنايى تەحنيكا الۋ جۇمىستارى دا باقىلاۋعا الىندى.
قازٸرگٸ تاڭدا «TazaQazBot» اقپاراتتىق جٷيەسٸنە 1 527 ٶتٸنٸم تٷسكەن. ونىڭ ٸشٸندە, 1 505 ٶتٸنٸم ورىندالعان, 22 ٶتٸنٸم ورىندالۋ بارىسىندا. سونداي-اق بيىل قوعامدىق ورىنداردا سانيتارلىق تالاپتارىن ساقتاماعان تۇلعالارعا 4487 حاتتاما تولتىرىلعان. مەملەكەتتٸك كوممۋنالدىق كەسٸپورىندارعا قاتتى تۇرمىستىق قالدىقتاردى جيناۋ جەنە شىعارۋ مەسەلەسٸ بويىنشا بارلىق اۋدان, قالا ەكٸمدٸكتەرٸ جارعىلارىنا تولىقتاي ٶزگەرٸستەر ەنگٸزدٸ. ەندٸگٸ كەزەكتە, 262 ەلدٸ مەكەندە قاتتى تۇرمىستىق قالدىقتارىن جيناۋ بويىنشا جەنە سانيتارلىق تازالىق جۇمىستارىن جٷرگٸزۋ بويىنشا تيٸستٸ ٸس-شارالار ۇيىمداستىرىلادى.
تٷركٸستان وبلىسىندا كٶكتەمگٸ اعاش ەگۋ, كٶگالداندىرۋ جەنە تازالاۋ ٸس-شاراسى جٷرگٸزٸلٸپ جاتىر. اتالعان شاراعا 17 اۋدان مەن قالالاردان جالپى العاندا, 129 672 تۇرعىن بەلسەندٸلٸك تانىتىپ, ٶز قالالارى مەن اۋىلدارىن تازارتۋعا ٷلەس قوستى. قالا مەن اۋىل كٶشەلەرٸن تازالاۋعا 739 ارنايى تەحنيكا جۇمىلدىرىلدى. نەتيجەسٸندە 201 375 كٶشەت وتىرعىزىلىپ, 2 709 توننا قوقىس شىعارىلدى.
جالپى, بيىل 1,2 ملن. اعاش وتىرعىزۋ جوسپارلانعان. ونىڭ ٸشٸندە 631 تٷپ اعاشتى كٶكتەم مەزگٸلٸندە وتىرعىزۋ جوسپارلانۋدا. جالپى بۇل جۇمىستار 25 اقپاننان باستالعان. بٷگٸنگٸ تاڭعا اۋدان, قالا اۋماعىندا 201 375 تٷپ اعاش وتىرعىزىلىپ, سۋ جٷيەلەرٸمەن قامتاماسىز ەتٸلٸپ, قورشاۋ جۇمىستارى جٷرگٸزٸلۋدە.
وبلىس ەكٸمٸ نۇرالحان كٶشەروۆ مەملەكەت باسشىسىنىڭ «تازا قازاقستان» باعدارلاماسى اياسىندا جۇمىستاردى كٷشەيتۋدٸ جەنە كٶكتەمگٸ اعاش ەگۋ جۇمىستارىن ۋاقتىلى ەرٸ ساپالى جٷزەگە اسىرۋدى تاپسىردى.
