بٷگٸن مەجٸلٸستەگٸ «AMANAT» فراكتسيياسىنىڭ مٷشەلەرٸ ٶزگەرگەن ۋاقىت بەلدەۋٸنٸڭ حالىقتىڭ فيزيكالىق جەنە پسيحيكالىق دەنساۋلىعىنا, ەڭبەك ٶنٸمدٸلٸگٸنە جەنە ەنەرگەتيكالىق رەسۋرستاردى تۇتىنۋعا ەسەرٸ تۋرالى زەرتتەۋ نەتيجەلەرٸ بويىنشا ٷكٸمەت ەسەبٸن تىڭدادى.
بۇل زەرتتەۋ جۇمىسى «AMANAT» فراكتسيياسىنىڭ ۇسىنىمىن ٸسكە اسىرۋ شەڭبەرٸندە 6 باعىت بويىنشا جٷرگٸزٸلدٸ. بەدەلدٸ عالىمدار مەن ساراپشىلار, عىلىمي ينستيتۋتتار تارتىلدى. زەرتتەۋ بارىسىندا گەوگرافييالىق پارامەترلەرٸ ۇقساس ەر تٷرلٸ مەملەكەتتٸڭ تەجٸريبەسٸ نازارعا الىندى.
دەپۋتاتتار الدىندا پرەمەر-مينيستردٸڭ ورىنباسارى ەرمەك كٶشەرباەۆ سٶز سٶيلەدٸ.
– سالىستىرمالى تالداۋ جۇمىسى ەۋروپاداعى كٶپتەگەن دامىعان ەلدەردە قازاقستانعا ۇقساس تاڭ اتۋ جەنە كٷن باتۋ مەرزٸمٸ بار ەكەنٸن كٶرسەتتٸ. اتالعان مەملەكەتتەر وسىنداي جاعدايدا بەلسەندٸ دامىپ كەلەدٸ. ادامي كاپيتالدى دامىتۋ بويىنشا دا جوعارى كٶرسەتكٸشتەرگە يە. وسىعان بايلانىستى ٷكٸمەت بٸرىڭعاي ۋاقىت بەلدەۋٸن ەنگٸزۋ تۋرالى شەشٸمدٸ قولداي وتىرىپ, ونى تولىق نەگٸزدەلگەن دەپ سانايدى, – دەدٸ ۆيتسە-پرەمەر.
سونداي-اق ول زەرتتەۋ نەتيجەلەرٸ بٸرىڭعاي ۋاقىت بەلدەۋٸنە كٶشۋ ەلدەگٸ بٸلٸم بەرۋ پروتسەسٸنٸڭ نەتيجەلەرٸنە تەرٸس ەسەر ەتپەگەنٸن, سونداي-اق جكو مەن كٶشەدەگٸ قىلمىس جاعدايىنا ايتارلىقتاي ەسەرٸن تيگٸزبەگەنٸن راستادى.
سونىمەن قاتار بٷگٸندە شىعىس قازاقستان وبلىسىنىڭ جەتٸ اۋدانىندا جۇمىس كەستەسٸنە تٷزەتۋ ەنگٸزٸلدٸ. بۇل باستاما جەرگٸلٸكتٸ تۇرعىندار تاراپىنان كەڭ قولداۋ تاپتى.
حالىق قالاۋلىلارىنىڭ سۇراقتارىنا ساۋدا جەنە ينتەگراتسييا مينيسترٸ ارمان شاققاليەۆ, عىلىم جەنە جوعارى بٸلٸم مينيسترٸ ساياسات نۇربەك جەنە ٷكٸمەتتٸڭ ٶزگە دە ٶكٸلدەرٸ جاۋاپ بەردٸ.
ا. شاققاليەۆتٸڭ ايتۋىنشا, الدىن الا دەرەكتەر حالىق ٶمٸرٸنٸڭ نەگٸزگٸ كٶرسەتكٸشٸنە جەنە ەكونوميكانىڭ نەگٸزگٸ سالالارىنىڭ جۇمىس ٸستەۋٸنە ٶزگەرگەن ۋاقىت بەلدەۋٸنٸڭ تيگٸزگەن تەرٸس ەسەرٸن انىقتاعان جوق.
دەنساۋلىق ساقتاۋ بٸرٸنشٸ ۆيتسە-مينيسترٸ تيمۋر سۇلتانعازيەۆ بٸرىڭعاي ۋاقىت بەلدەۋٸن ەنگٸزۋ قادامى دەنساۋلىق ساقتاۋ سالاسىنا وڭ ٶزگەرٸس الىپ كەلگەنٸن, اۋرۋلار سانىنىڭ تٶمەندەگەنٸن اتاپ ٶتتٸ. مەسەلەن, جەدەل جەردەم شاقىرتۋ سانى 0,4%-عا, جٷرەك-قان تامىرلارى اۋرۋلارىمەن سىرقاتتانۋ كٶرسەتكٸشٸ 3,5%-عا, پسيحيكالىق جەنە مٸنەز-قۇلىق بۇزىلىسى 1,6%-عا, جاراقاتتانۋ كٶرسەتكٸشٸ 3,3%-عا, قاتەرلٸ ٸسٸكتەر كٶرسەتكٸشٸ 1,7%-عا تٶمەندەگەنٸ بايقالدى. ياعني, ۋاقىتتى ۇتىمدى بٶلۋ – قوعامدىق دەنساۋلىققا وڭ ەسەرٸن تيگٸزۋدە.
– مەملەكەت باسشىسى «انا تٸلٸ» گازەتٸنە بەرگەن سۇحباتىندا ٷكٸمەت ۋاقىت بەلدەۋٸن اۋىستىرۋدىڭ ازاماتتاردىڭ تۇرمىسىنا جەنە ەل ەكونوميكاسىنا ەسەرٸن جان-جاقتى زەرتتەۋٸ تيٸس ەكەنٸن اتاپ ٶتتٸ. بٷگٸن ٷكٸمەت «AMANAT» فراكتسيياسىنىڭ دەپۋتاتتارىنا وسى عىلىمي زەرتتەۋدٸڭ قورىتىندىسىن تانىستىردى. ول عالىمداردىڭ, ساراپشىلاردىڭ قاتىسۋىمەن ٶتكٸزٸلٸپ, قازاقستاندا بٸرىڭعاي ۋاقىتتى ەنگٸزۋ تۋرالى شەشٸمنٸڭ عىلىمي نەگٸزدٸلٸگٸن كٶرسەتتٸ, – دەدٸ مەجٸلٸس سپيكەرٸ ەرلان قوشانوۆ.
تالقىلاۋ جۇمىسىن قورىتىندىلاي كەلە, دەپۋتاتتار ٷكٸمەتتٸڭ عىلىمي-زەرتتەۋ نەتيجەسٸن قابىلدادى. دەپۋتاتتار زەرتتەۋ قورىتىندىسىن قالىڭ بۇقاراعا جەتكٸزۋدٸڭ ماڭىزىن اتاپ ٶتتٸ.
سونىمەن قاتار, دەپۋتاتتار ٷكٸمەتكە جەرگٸلٸكتٸ بيلٸك ورگاندارىمەن, مەسليحاتتارمەن بٸرلەسٸپ, ەلٸمٸزدٸڭ بٸرىڭعاي ۋاقىت بەلدەۋٸنە كٶشۋٸنٸڭ ماڭىزى مەن عىلىمي نەگٸزٸ تۋرالى ارنايى تٷسٸندٸرۋ جۇمىسىن جٷرگٸزۋدٸ ۇسىندى. بۇل جۇمىسقا عالىمداردى, ساراپشىلار توبىنىڭ ٶكٸلدەرٸن, قوعامدىق پٸكٸر كٶشباسشىلارىن بەلسەندٸ تارتۋ كەرەك. باق پەن ەلەۋمەتتٸك جەلٸلەردە تيٸستٸ اقپاراتتىق جۇمىس ۇيىمداستىرۋ قاجەت.
سونىمەن قاتار, حالىق سۇرانىسى مەن شەتەلدٸك تەجٸريبەنٸ ەسكەرە وتىرىپ, جەرگٸلٸكتٸ جەرلەردە جۇمىس كەستەسٸن ٶزگەرتۋ تەجٸريبەسٸن جالعاستىرۋ كەرەك.
