9 ساۋىردە استانادا Freedom Inside حالىقارالىق فورۋمى وتەدى. ءىس-شارانى Freedom Holding Corp. ۇيىمداستىرادى. ءبىر پىكىرتالاس الاڭىندا بيزنەس ۆيزيونەرلەرى، مەملەكەتتىك لاۋازىمدى تۇلعالار، ينۆەستورلار، كاسىپكەرلەر، كرەاتيۆتى يندۋستريا وكىلدەرى جانە تەحنولوگيالىق جاڭاشىلدار باس قوسادى، دەپ حابارلايدى Dalanews.kz.

باياندامالاردىڭ ءبىر بولىگى كومپانيانىڭ حالىقارالىق ستراتەگياسىنا ارنالماق. سونداي-اق فورۋم قاتىسۋشىلارى سيفرلىق سەرۆيستەردىڭ دامۋى مەن تەحنولوگيالىق ونىمدەر نارىعىن تالقىلايدى. سونىمەن قاتار كومپانيا Freedom سيفرلىق ەكوجۇيەسىنىڭ دامۋىنا قاتىستى جاڭالىقتاردى تانىستىرادى. بۇل ەكوجۇيە كومپانيانىڭ قارجىلىق جانە تەحنولوگيالىق سەرۆيستەرىن بىرىكتىرىپ، پايدالانۋشىلارعا Freedom SuperApp قوسىمشاسى ارقىلى قولجەتىمدى.

فورۋم سپيكەرلەرىنىڭ قاتارىندا Freedom Holding Corp. نەگىزىن قالاۋشى جانە باس اتقارۋشى ديرەكتورى تيمۋر تۋرلوۆ، قازاقستاننىڭ حالىق ءارتىسى، ءانشى ءارى كومپوزيتور ديماش قۇدايبەرگەن، Astana Hub نەگىزىن قالاۋشى جانە CEO-سى ماعجان مادييەۆ بار.

ىسكەرلىك باعدارلامادان بولەك، فورۋم قارىم-قاتىناس پەن يدەيا الماسۋعا ارنالعان كەڭىستىك ۇسىنادى: قوناقتاردى ينتەراكتيۆتى ايماقتار، تەحنولوگيالىق دەمونستراسيالار جانە كاسىبي نەتۆوركينگ مۇمكىندىكتەرى كۇتەدى. بارلىعى 30-دان استام سپيكەردىڭ ءسوزى جوسپارلانعان. پىكىرتالاستار تاۋەلسىزدىك سارايىنداعى ەكى ساحنادا وتەدى.

فورۋم باعدارلاماسى مەن بيلەتتەر تۋرالى تولىق اقپارات freedominside.kz سايتىندا.