بيىلدان باستاپ 1-سىنىپقا قۇجات قابىلداۋ مەرزٸمٸ ٶزگەردٸ. ەندٸ ٶتٸنٸشتەر ەدەتتەگٸدەي 1 سەۋٸردەن ەمەس, 27 مامىردان باستاپ قابىلدانادى. بۇل تۋرالى وقۋ-اعارتۋ مينيسترٸ جۇلدىز سٷلەيمەنوۆا مەلٸمدەدٸ, دەپ حابارلايدى Dalanews.kz.
مينيستر اتالعان شەشٸم مەكتەپتەردەگٸ وقۋ پروتسەسٸنە كەدەرگٸ كەلتٸرمەۋ ٷشٸن قابىلدانعانىن جەتكٸزدٸ.
ونىڭ تٷسٸندٸرۋٸنشە, بۇرىن قۇجات قابىلداۋ كەزەڭٸ ساباق ۋاقىتىمەن تۇسپا-تۇس كەلٸپ, مەكتەپ ەكٸمشٸلٸگٸ مەن مۇعالٸمدەرگە قوسىمشا جٷكتەمە تٷسٸرەتٸن.
"قۇجات قابىلداۋ 1 سەۋٸردەن باستالعان كەزدە ول مەكتەپتەردەگٸ ساباق پروتسەسٸمەن قاباتتاساتىن. بۇل ۋاقىتتا مەكتەپ باسشىلىعى دا, مۇعالٸمدەرٸ دە, ٸت ماماندارى دا وقۋ پروتسەسٸمەن قاربالاسىپ جٷرەدٸ. سونىڭ سالدارىنان بٸرٸنشٸ سىنىپقا قۇجات قابىلداۋدى تيٸمدٸ ۇيىمداستىرۋ قيىنعا سوعاتىن. سوندىقتان وسىنداي جاعدايلاردىڭ الدىن الۋ ٷشٸن مەرزٸمدٸ قايتا قاراستىردىق", – دەدٸ مينيستر.
ايتا كەتەيٸك, قۇجاتتاردى 31 تامىزعا دەيٸن تاپسىرۋعا بولادى.
