مەجٸلٸس دەپۋتاتى ەدٸل جانبىرشينگە قاتىستى قوزعالعان ازاماتتىق ٸس بويىنشا سوت شەشٸم شىعاردى. داۋلى جاعداي بىلتىر تامىز ايىندا دەپۋتاتتىڭ ەلەۋمەتتٸك جەلٸدەگٸ پٸكٸرٸنەن كەيٸن تۋىنداعان ەدٸ, دەپ حابارلايدى Dalanews.kz.
Tengrinews.kz مەلٸمەتٸنشە, سوت تالاپ قويۋشى ۆيتاليي شەۆچەنكونىڭ ارىزىن قاناعاتتاندىرمادى. ياعني, دەپۋتاتتىڭ جارييالاعان سٶزدەرٸ قورلاۋ نەمەسە ار-نامىسقا نۇقسان كەلتٸرۋ دەپ تانىلمادى. سوندىقتان ودان كٶپشٸلٸك الدىندا كەشٸرٸم سۇراتۋ تۋرالى تالاپ تا نەگٸزسٸز دەپ شەشٸلدٸ.
سۋديا ايگٷل اياپبەرگەنوۆانىڭ ايتۋىنشا, ساراپتاما قورىتىندىسىندا دەپۋتاتتىڭ سٶزدەرٸنەن ناقتى دەرەككە نەگٸزدەلگەن, بەدەلگە نۇقسان كەلتٸرەتٸن مەلٸمەتتەر انىقتالماعان.
"بۇل پٸكٸرلەر باعالاۋ سيپاتىنداعى تۇجىرىم بولىپ سانالادى", – دەدٸ ول.
سونداي-اق سوت شەشٸمٸمەن تالاپ قويۋشى ساراپتاما شىعىندارىن ٶتەۋگە مٸندەتتەلدٸ. بۇل سوما 131 403 تەڭگەنٸ قۇرايدى.
سوت ٶكٸلدەرٸ بۇل ٸستە تەك زاڭ تالاپتارىنىڭ ساقتالۋىن قاراستىرعانىن اتاپ ٶتتٸ. ال دەپۋتاتتىڭ سٶزٸنٸڭ ەتيكاعا سەيكەستٸگٸن باعالاۋ سوت قۇزىرەتٸنە كٸرمەيدٸ. مۇنداي مەسەلەلەر تيٸستٸ ورگاندار مەن پارلامەنت دەڭگەيٸندە قارالۋى تيٸس.
بەلسەندٸ دەپۋتاتتى نە ٷشٸن سوتقا بەردٸ?
بۇعان دەيٸن لگبت قۇقىقتارىن قورعاۋمەن اينالىساتىن بەلسەندٸ ۆيتاليي شەۆچەنكو دەپۋتاتتىڭ ەلەۋمەتتٸك جەلٸدە ايتقان سٶزٸ ار-نامىسى مەن قادٸر-قاسيەتٸنە, سونداي-اق ٸسكەرلٸك بەدەلٸنە نۇقسان كەلتٸرگەنٸن العا تارتقان ەدٸ.
شەۆچەنكونىڭ تٷسٸندٸرۋٸنشە, داۋ دەپۋتاتپەن ەلەۋمەتتٸك جەلٸدەگٸ پٸكٸرتالاس بارىسىندا تۋىنداعان. ول بۇل تالقىلاۋدا گوموفوبييا سالدارىنان مەكتەپ جاسىندا كٶرگەن بۋللينگ تەجٸريبەسٸ تۋرالى جازعان. الايدا دەپۋتات وعان “نە كۋكارەكات” دەپ جاۋاپ بەرگەن.
بەلسەندٸنٸڭ پٸكٸرٸنشە, بۇل تٸركەس لگبت ٶكٸلٸنە قاتىستى قولدانىلعان جاعدايدا قورلايتىن, كەمسٸتۋشٸ جەنە گوموفوبييالىق سيپاتقا يە, سەبەبٸ ول بەلگٸلٸ بٸر ەلەۋمەتتٸك كونتەكستە ادامنىڭ قادٸر-قاسيەتٸن تٶمەندەتۋگە باعىتتالعان.
“مەن ەشكٸمدٸ بالاعاتتاعان جوقپىن, ارانداتقان دا ەمەسپٸن. تەك ٶز ٶمٸرٸمدە باستان ٶتكەرگەن جايتتاردى ايتتىم. ال ماعان جاۋاپ رەتٸندە قورلايتىن سٶز قولدانىلدى”, - دەيدٸ ۆيتاليي شەۆچەنكو.
ونىڭ ايتۋىنشا, بۇل جاعداي تەك جەكە داۋ ەمەس, جارييا تۇلعالاردىڭ سٶز جاۋاپكەرشٸلٸگٸنە قاتىستى مەسەلە. شەۆچەنكو مەملەكەتتٸك قىزمەتتە جٷرگەن ادامنىڭ مۇنداي سٶز ايتۋى قوعامدا كەمسٸتۋشٸلٸكتٸ كٷشەيتۋٸ مٷمكٸن دەپ ەسەپتەيدٸ.
وسىعان بايلانىستى ول سوتتان دەپۋتاتتىڭ مەلٸمدەمەسٸن ار-نامىسىنا تيەتٸن, قورلايتىن دەپ تانۋدى جەنە كٶپشٸلٸك الدىندا كەشٸرٸم سۇراۋدى تالاپ ەتپەك.
مەجٸلٸستٸڭ ۇستانىمى جەنە سوتقا دەيٸنگٸ كەزەڭ
سوتقا جٷگٸنەر الدىندا ۆيتاليي شەۆچەنكو مەجٸلٸسكە رەسمي شاعىم تٷسٸرگەن. الايدا جاۋاپتا دەپۋتاتتىڭ ەرەكەتتەرٸ ٷشٸن جاۋاپكەرشٸلٸككە تارتۋعا نەگٸز جوق ەكەنٸ كٶرسەتٸلگەن. مەجٸلٸس دەپۋتاتتىڭ مەلٸمدەمەسٸن جەكە كٶزقاراس رەتٸندە باعالاعان.
سونىمەن بٸرگە مەجٸلٸس تٶراعاسىنىڭ جانىنداعى دەپۋتاتتىق ەتيكا جٶنٸندەگٸ كەڭەستٸڭ تٶراعاسى باقىتقوجا ٸزمۇحامبەتوۆ ٶتٸنٸش يەسٸنە بۇل شەشٸممەن كەلٸسپەگەن جاعدايدا سوتقا جٷگٸنۋگە بولاتىنىن حابارلاعان.
وسىدان كەيٸن شەۆچەنكو استانانىڭ ازاماتتىق ٸستەر جٶنٸندەگٸ اۋدانارالىق سوتىنا تالاپ-ارىز بەرگەن.
