قازاقستاننىڭ بٸرقاتار ٶڭٸرٸندە كٶكتەمگٸ سۋ تاسقىنى جالعاسىپ جاتىر. اقمولا وبلىسىندا پونتوندى كٶپٸردٸ سۋ باسسا, سولتٷستٸك قازاقستان وبلىسىندا ەرٸگەن قار سۋى جولدى شايىپ كەتكەن, دەپ حابارلايدى Dalanews.kz.
تٶتەنشە جاعدايلار مينيسترلٸگٸنٸڭ مەلٸمەتٸنشە, اقمولا وبلىسى زەرەندٸ اۋدانىنداعى شاعالالى ٶزەنٸندە ورنالاسقان پونتوندى كٶپٸردٸڭ ٷستٸنەن سۋ اسىپ كەتكەن. بۇل كٶپٸر اۋىلدىڭ نەگٸزگٸ بٶلٸگٸن 28 ٷي ورنالاسقان كٶشەمەن بايلانىستىرىپ تۇر.
ۆەدومستۆونىڭ حابارلاۋىنشا, بالاما جول بولعانىنا قاراماستان, جەرگٸلٸكتٸ تۇرعىندار مەن اتقارۋشى ورگانداردىڭ ٶتٸنٸشٸ نەگٸزٸندە ٶتكەل ۇيىمداستىرىلعان. قۇتقارۋشىلار قايىقپەن 16 ادامدى تاسىمالداپ, تۇرعىنداردىڭ ٷيلەرٸنە جەتۋٸنە جەنە ازىق-تٷلٸك الۋىنا جاعداي جاساعان.
قازٸرگٸ ۋاقىتتا كٶپٸردٸڭ تەحنيكالىق جاعدايى قالىپتى, سۋ دەڭگەيٸ بٸرتٸندەپ تٶمەندەپ كەلەدٸ. وقيعا ورنىندا ەكٸمدٸك, تٶتەنشە جاعدايلار قىزمەتٸ مەن پوليتسييا قىزمەتكەرلەرٸ كەزەكشٸلٸك اتقارۋدا.
ال سولتٷستٸك قازاقستان وبلىسىنىڭ اقجار اۋدانىندا ەرٸگەن قار سۋىنىڭ كٷرت كٶتەرٸلۋٸنە بايلانىستى لەنينگراد – ايسارى باعىتىنداعى اۋداندىق ماڭىزى بار اۆتوجولدىڭ بٸر بٶلٸگٸ شايىلىپ كەتكەن.
جەرگٸلٸكتٸ بيلٸك ٶكٸلدەرٸنٸڭ مەلٸمدەۋٸنشە, سۋدىڭ ەركٸن ٶتۋٸن قامتاماسىز ەتۋ ٷشٸن جول جابىنىن ارنايى تٷردە بۇزۋ تۋرالى شەشٸم قابىلدانعان. بۇل شارا ىقتيمال قاۋٸپتٸڭ الدىن الۋ ماقساتىندا جاسالعان.
قازٸرگٸ تاڭدا سۋ دەڭگەيٸ تٶمەندەگەن. ماماندار جولدى قالپىنا كەلتٸرۋ جۇمىستارىن جٷرگٸزٸپ جاتىر. اۋدان ەكٸمدٸگٸ مەن جول قىزمەتٸ تەۋلٸك بويى كەزەكشٸلٸك ۇيىمداستىرعان. جاعداي تۇراقتى باقىلاۋدا.
