الماتىدا وجەت شاعىناۋدانىندا جىگىتتى سوققىعا جىققاندار ۇستالدى، دەپ حابارلايدى Dalanews.kz.
بۇعان دەيىن الەۋمەتتىك جەلىدە جىگىت سوققىعا جىعىلعانى كورىنەتىن ۆيدەو تارادى. كۋاگەرلەردىڭ ايتۋىنشا، زارداپ شەككەن جىگىت جۇك كولىگىنىڭ ارتقا جۇرۋىنە كومەكتەسكەن ساتتە بەلگىسىز ادامداردىڭ شابۋىلىنا ۇشىراعان.
الماتى پوليسياسىنىڭ مالىمەتىنشە، شابۋىلعا قاتىسقاندار ۇستالعان. ولارعا قىلمىستىق كودەكستىڭ 293-بابى - "بۇزاقىلىق" بويىنشا ءىس قوزعالعان.
"جول ۇستىندەگى جانجال دەرەگى بويىنشا الاتاۋ اۋداندىق پوليسيا باسقارماسى قىلمىستىق ءىس قوزعادى. وقيعاعا قاتىسقان بارلىق ادام جەدەل انىقتالىپ، ۇستالدى. ءارقايسىنىڭ ارەكەتىنە قۇقىقتىق باعا بەرىلەدى"، - دەدى پوليسيا دەپارتامەنتىنىڭ باسپا ءسوز قىزمەتى وكىلى.
