Almatyda Ójet shaǵynaýdanynda jigitti soqqyǵa jyqqandar ustaldy, dep habarlaidy Dalanews.kz.
Buǵan deiin áleýmettik jelide jigit soqqyǵa jyǵylǵany kórinetin video tarady. Kýágerlerdiń aitýynsha, zardap shekken jigit júk kóliginiń artqa júrýine kómektesken sátte belgisiz adamdardyń shabýylyna ushyraǵan.
Almaty politsiiasynyń málimetinshe, shabýylǵa qatysqandar ustalǵan. Olarǵa Qylmystyq kodekstiń 293-baby - "Buzaqylyq" boiynsha is qozǵalǵan.
"Jol ústindegi janjal deregi boiynsha Alataý aýdandyq politsiia basqarmasy qylmystyq is qozǵady. Oqiǵaǵa qatysqan barlyq adam jedel anyqtalyp, ustaldy. Árqaisynyń áreketine quqyqtyq baǵa beriledi", - dedi Politsiia departamentiniń baspasóz qyzmeti ókili.
