17 مامىردا تانىمال رەجيسسەر ەرمەك تۇرسىنوۆ قازاقستاننان كەتٸپ قالعانىن مەلٸمدەدٸ. قازنەتتە بۇعان قاتىستى قىزۋ تالقى باستالىپ كەتتٸ.
تۇرسىنوۆتىڭ ٶزٸ نە دەدٸ?
قازاقستاندىق رەجيسسەر جەلٸدە “بٸر ەميگراتسييانىڭ تاريحى” دەگەن اتاۋمەن ۇزاق جازبا جارييالاپ, نە سەبەپتٸ ەلدەن كەتكەنٸن اشىپ ايتتى. ول مۇنىڭ سەبەبٸ تەرەڭدە جاتقانىن ايتتى.
جازبادا تۇرسىنوۆ ەلدەن كەتۋگە مەجبٷر بولعانىن اشىق جازادى. ونىڭ بۇل شەشٸمٸ قوعامدا ەرتٷرلٸ قابىلدانۋى مٷمكٸن ەكەنٸن,بٸرەۋلەر تٷسٸنٸستٸكپەن قاراپ, ەندٸ بٸرەۋلەر سىناپ تا جاتقانىن ايتتى.
مينيسترمەن بايلانىستى وقيعا
رەجيسسەر ٶز جازباسىندا بۇل جاعدايدىڭ قالاي باستالعانىن جٷيەلٸ تٷردە تٷسٸندٸرەدٸ. ونىڭ ايتۋىنشا, بەرٸ اقتوتى رايىمقۇلوۆانىڭ مەدەنيەت مينيسترٸ قىزمەتٸنە كەلۋٸنەن باستالعان.
«مەن بۇرىننان-اق ەلٸمٸزدە مەدەنيەتكە سالعىرت قارايتىنىن ايتىپ كەلەم. بٸراق اقتوتى رايىمقۇلوۆانىڭ مينيستر بولۋى — شەكتەن شىققان جايت بولدى. ونىڭ مەدەنيەتكە قاتىسى مەنٸڭ مال شارۋاشىلىعىنا قاتىسىممەن بٸردەي», – دەپ جازادى اۆتور.
ول بۇل تاعايىنداۋدى كەزدەيسوقتىقپەن بايلانىستىرادى, بٸراق مۇنداي جاعداي قازاقستاندا ٷيرەنشٸكتٸ قۇبىلىسقا اينالعانىن ايتادى.
«بٸزدە مۇنداي جايتتار قالىپتى نەرسە: بيلٸككە ىڭعايلى ادامدار كەرەك, مەيلٸ ولار بٸلٸكسٸز بولسا دا. بٸر كٷنٸ اقتوتى تيٸستٸ ورىندا وتىردى, سٶيتٸپ ونى مينيستر ەتٸپ تاعايىندادى».
سٶزٸنٸڭ سوڭىندا تۇرسىنوۆ ەلٸمٸزدەگٸ جاعدايعا بەي-جاي قاراي المايتىنىن اشىق ايتتى. ونىڭ پٸكٸرٸنشە, مەملەكەت بٸرتٸندەپ ەرٸ توقتاۋسىز قۇلدىراپ بارا جاتىر, ال بۇل ٷردٸسكە ٷنسٸز قاراپ وتىرۋ – ٷلكەن قاتەلٸك.
«بەرٸ جاقسى» دەپ, بۇرىنعىداي ٶمٸر سٷرە بەرۋ دە مٷمكٸن شىعار, بٸراق ەل ٸشٸندە ەسٸن جيعاندار ەلٸ دە بار. ٶكٸنٸشكە قاراي, بٸزدە اقىلعا قونبايتىن نەرسەلەر قالىپتى قۇبىلىسقا اينالىپ كەلەدٸ. مۇنداي جاعدايدى ٶزگەرتۋ كەرەك, ەنجارلىقپەن قاراپ وتىرۋعا بولمايدى", - دەيدٸ ول.
انتيكوردىڭ مەلٸمدەمەسٸ
سىبايلاس جەمقورلىققا قارسى قىزمەت رەجيسسەر ەرمەك تۇرسىنوۆتىڭ اتىنا قاتىستى قىلمىستىق ٸس تٸركەلمەگەنٸن جەنە ول بويىنشا ەشقانداي تەرگەۋ جٷرگٸزٸلٸپ جاتپاعانىن حابارلادى.
ۆەدومستۆونىڭ حابارلاۋىنشا, تۇرسىنوۆ بۇعان دەيٸن Facebook پاراقشاسىندا ايتقان اقپاراتپەن تانىس ەمەس.
— سونىمەن قاتار, بۇعان دەيٸن اگەنتتٸككە شەكەن ايمانوۆ اتىنداعى «قازاقفيلم» كينوستۋديياسىنىڭ ٸشكٸ اۋديت قورىتىندىسى مەن رەجيسسەر "ن"-نٸڭ ارىزى كەلٸپ تٷسكەن. وندا «دولگوە ەحو» كٶركەم فيلمٸ ٶندٸرٸسٸ كەزٸندە لاۋازىمدىق ٶكٸلەتتٸكتٸ اسىرا پايدالانعانى ٷشٸن كينوستۋدييانىڭ بۇرىنعى باسشىلىعىن قىلمىستىق جاۋاپكەرشٸلٸككە تارتۋ تۋرالى ٶتٸنٸش بٸلدٸرٸلگەن. ارىز نەگٸزٸندە سوتقا دەيٸنگٸ تەرگەۋ باستالدى, — دەلٸنگەن رەسمي مەلٸمدەمەدە.
اگەنتتٸك مەلٸمەتٸنشە, فيلم ٶندٸرٸسٸنە قوسالقى مەردٸگەر رەتٸندە تارتىلعان Alashfilm جشس بۇرىنعى ديرەكتورى «ت» ەسٸمدٸ ازامات بولعان. كەيٸن ونىڭ ەرمەك تۇرسىنوۆپەن بٸرگە «تۇرسىنوۆفيلم» جشس-دە سەرٸكتەس بولعانى انىقتالعان. تەرگەۋ اياسىندا «ت» كۋەگەر رەتٸندە بٸرقاتار تەرگەۋ ەرەكەتتەرٸنەن ٶتكەن.
الايدا سىبايلاس جەمقورلىققا قارسى قىزمەت تۇرسىنوۆتىڭ تەرگەۋ ورگانىنا شاقىرىلماعانىن ناقتىلادى. قازٸرگٸ تاڭدا بۇل ٸس بويىنشا ەشكٸمگە كٷدٸك تاعىلعان جوق.
دەرەككٶز دەرەكتەرٸ
DALA INSIDE دەرەككٶزدەرٸنٸڭ مەلٸمەتٸنشە, رەجيسسەر ەرمەك تۇرسىنوۆتى قارجىلىق جاعىنان تاعى بٸر تەكسەرٸپ الۋ ويلاستىرىلا باستاعان.
وتباسى مٷشەلەرٸ يسپانييانىڭ بارسەلونا قالاسىندا تۇراتىن, ٶزٸ دە سول جاققا كٶشكەن رەجيسسەر ەرمەك تۇرسىنوۆ وسى قادامىن «ساياسيلاندىرىپ» جٸبەرگەندٸكتەن, ونىڭ سوڭعى 5 جىلدا مەملەكەت قارجىلاندىرعان فيلمدەرٸنە اۋديت باستالۋى مٷمكٸن. 4 جىل بۇرىن تٷسٸرٸلٸپ, 500 ميلليون تەڭگە قارجى جۇمسالىپ, پروكاتقا شىقپاعان «بەيمويناق» فيلمٸنەن باستاپ, كٷدٸك تۋعىزعان باسقالارى بەيرەسمي تٷردە بٸر تەكسەرٸلەتٸن بولادى.
«ەرمەك تۇرسىنوۆ بارلىق دەرلٸك فيلمدەرٸن بيۋدجەتتٸڭ قارجىسىن پايدالانۋ ارقىلى تٷسٸردٸ. «كەلٸن» دە, «شال» دا, باسقا دا تۋىندىلارى بار, جەكە ينۆەستور ٸزدەپ, پروديۋسەر رەتٸندە بٸر جٷگٸرمەدٸ. زاياۆكا بەرەدٸ, بيۋدجەتتەن اقشا تٷسەدٸ, ول كينو تٷسٸرەدٸ. ول بيۋدجەتتەن اقشا تارتۋدا ٶزٸنٸڭ قالىپتاسقان بەدەلٸن جاقسى پايدالاندى. بٸراق تيٸمدٸلٸكپەن مٷلدەم باس اۋىرتپادى. ونىڭ تٷسٸرگەن فيلمدەرٸ قارجى تۇرعىسىنان ەشقاشان ٶزٸن اقتاعان ەمەس. «بەرٸن مەملەكەت تٶلەسٸن» دەگەن ۇستانىممەن ٶمٸر سٷرەتٸن وسىنداي «قايراتكەرلەردٸڭ» كەسٸرٸنەن «قازاقفيلم» ٶزٸن اسىراي المايتىن دوتاتسييالىق, بانكروتتىق جاعدايدا وتىر», - دەيدٸ, اۋديتورلىق پالاتاعا جاقىن DALA INSIDE دەرەككٶزٸ.
«كٶپ نەرسە قاماۋدا وتىرعان ەكس مەدەنيەت مينيسترٸ ارىستانبەك مۇحامەديگە بايلانىستى بولىپ تۇر», - دەيدٸ, تاعى بٸر DALA INSIDE دەرەككٶزٸ. ول كٶپتەن بەرٸ مەرزٸمٸنەن ەرتە بوساپ شىعۋعا نيەتتٸ. وسى ماقساتىنا جەتۋ جولدا ەكس مينيستر تەرگەۋ ورگاندارىنا ەرمەك تۇرسىنوۆقا قاتىستى تىڭ اقپاراتتاردى جەتكٸزگٸسٸ كەلسە, تەرگەۋدە جاڭا ەپيزودتار پايدا بولۋى مٷمكٸن.
«جاڭا قازاقستان» رەجيسسەردٸڭ ەندٸگٸ ريتوريكاسىن سارالايتىن بولادى. كونسترۋكتيۆتٸ ەمەس, دەسترۋكتيۆتٸ سىن, «تيسە تەرەككە, تيمەسە بۇتاققا» شاشىلعان ارتىق سٶزدەر كٶبەيسە يدەولوگتار رەجيسسەردٸ بۇدان ەرٸ قورعاۋدان باس تارتارى انىق. قازٸر تەرگەۋ تەك تۇرسىنوۆتىڭ سەرٸكتەسٸنە قاتىستى باعىتتا جٷرۋدە. بٸراق بەرٸ تەز ٶزگەرٸپ كەتۋٸ مٷمكٸن.
قازنەت رەاكتسيياسى
قوعام بەلسەندٸسٸ, كەسٸپكەر جەنە مەديا-كوممۋنيكاتسييا سالاسىنىڭ ساراپشىسى نازىم جانعازى بەلگٸلٸ رەجيسسەر ەرمەك تۇرسىنوۆتىڭ ەلدەن كەتۋٸ مەن ونىڭ ايتقان سىنىنا قاتىستى پٸكٸر بٸلدٸرٸپ, ەلەۋمەتتٸك جەلٸدە كٶلەمدٸ جازبا قالدىردى. ونىڭ ايتۋىنشا, تۇرسىنوۆتىڭ ەرەكەتٸ – جەكە تاڭداۋ عانا ەمەس, قوعامعا بەرٸلگەن سيگنال. الايدا بۇل سيگنالدىڭ استارىندا قايشىلىقتى مەن جاتىر.
نازىم جانعازى تۇرسىنوۆتىڭ ەسٸمٸ قازاقستاندىق مەدەنيەت كەڭٸستٸگٸندە تۇراقتى ەرٸ بەدەلدٸ برەندكە اينالعانىن اتاپ ٶتتٸ. ونىڭ فيلمدەرٸ, سۇحباتتارى مەن اۆتورلىق مەتٸندەرٸ ٷنەمٸ پٸكٸرتالاس, تالداۋ مەن قوعامدىق قىزۋ پٸكٸرگە ارقاۋ بولىپ كەلەدٸ. رەجيسسەردٸڭ كينەماتوگرافييالىق تٸلٸ مەن ٶتكٸر, كەيدە ەدەيٸ وپپوزيتسييالىق رەڭكتەگٸ ويلارى قوعامدا ەرەكشە باعالانادى.
الايدا سوڭعى جىلدارى جانعازى ونىڭ ريتوريكاسىندا بٸر باعىتتىڭ ايقىن بايقالا باستاعانىن ايتادى: ەرمەك تۇرسىنوۆ تۇراقتى تٷردە مەملەكەتتٸ, جٷيەنٸ, شەنەۋنٸكتەردٸ, مەدەني ساياساتتى جەنە تٸپتٸ ٶز اۋديتوريياسىن دا سىناۋمەن كەلەدٸ. "ٶزٸنەن باسقانىڭ بەرٸ كٸنەلٸ", — دەيدٸ اۆتور.
جازبادا ەرەكشە نازار اۋداراتىن تۇس – تۇرسىنوۆتىڭ فيلمدەرٸنٸڭ كٶپشٸلٸگٸ مەملەكەت قارجىلاندىرۋىمەن تٷسٸرٸلگەنٸ. اشىق دەرەككٶزدەرگە سٷيەنسەك, "كەلٸننەن" باستاپ "شىراقشىعا" دەيٸنگٸ فەستيۆالدٸك فيلمدەرگە مەملەكەتتەن 13 ميلليون اقش دوللارىنان استام قارجى بٶلٸنگەن. بۇل – سالىق تٶلەۋشٸلەردٸڭ, ياعني قاراپايىم ازاماتتاردىڭ اقشاسى.
"وسى جٷيەنٸڭ ارقاسىندا ەكٸ ونجىلدىق بويى شىعارماشىلىعىن جٷزەگە اسىرعان ادام ەندٸ دەل سول جٷيەنٸ ايىپتاپ كەتٸپ بارا جاتسا – بۇل ەڭ كەمٸ ەدٸلەتسٸزدٸك", – دەيدٸ نازىم جانعازى. ونىڭ ايتۋىنشا, شىنايى تەۋەلسٸز سۋرەتكەر بولعىڭ كەلسە, مەملەكەتتٸڭ اقشاسىنا ەمەس, جەكە مەتسەناتتار مەن پلاتفورمالارعا ارقا سٷيەپ, قيىن جولمەن جٷرۋ قاجەت.
جانعازى تۇرسىنوۆتىڭ ەلدەن كەتۋ قۇقىعىنا قارسى ەمەس. "مٷمكٸن, وتباسى شەتەلدە تۇراتىن شىعار, مٷمكٸن, تىنىشتىقتى قالايتىن بولار. بەرٸن تٷسٸنۋگە بولادى", – دەيدٸ ول. بٸراق مەسەلە – ونىڭ بۇل قادامىنا قانداي مەن بەرگەنٸندە.
"ەگەر بۇل ەرەكەت ‘جٷيەدەن تٷڭٸلگەن پايعامباردىڭ’ ٷنٸ رەتٸندە ۇسىنىلسا, وندا بۇل ەلدە قالعان, كٷن سايىن وسى جٷيەمەن كەلٸسٸپ جۇمىس ٸستەپ جٷرگەن ازاماتتار ٷشٸن دەموتيۆاتسييا كٶزٸنە اينالادى", – دەيدٸ ول. ونىڭ ايتۋىنشا, بۇل – بٶلشەكتەۋ ەمەس, بٸرٸكتٸرۋ كەرەك كەزدە ايتىلىپ وتىرعان, ورىنسىز ەرٸ قاۋٸپتٸ مەسسەدج.
جازبانىڭ سوڭىندا نازىم جانعازى تۇرسىنوۆتىڭ تاڭداۋىن جەكە پٸكٸر رەتٸندە قۇرمەتتەيتٸنٸن, بٸراق ونىڭ ارتىندا قالعان "ٶشكەن جەردٸڭ" اۋىر سالماعى بار ەكەنٸن ەسكەرتەدٸ.
"كەتٸپ بارا جاتىپ, ٸز ەمەس, ٶرت قالدىرۋ – بۇل كٷش ەمەس, بۇل جاتسىنۋدىڭ كٶرٸنٸسٸ. ال ناعىز ٶنەر – تٸپتٸ جەتٸلمەگەن جاعدايدا دا, مٸنسٸز مٷمكٸندٸك بولماسا دا, ەڭ الدىمەن, قۇرمەتتەن تۋادى. قاسىڭدا قالىپ, بٸرگە كەلە جاتقان ادامدارعا دەگەن قۇرمەتتەن", – دەيدٸ ول.
جۋرناليست ازامات ەرعاليەۆتٸڭ ەرمەك تۇرسىنوۆ تۋرالى جازباسى نازىم جانعازىنىڭ پٸكٸرٸنە جاۋاپ رەتٸندە جازىلعانداي كٶرٸندٸ.
ەرعاليەۆ بۇل جاعدايعا بٸرجاقتى باعا بەرۋگە قارسى ەكەنٸن, سىنشىلاردىڭ ەكٸجٷزدٸلٸگٸن اتاپ ٶتتٸ.
ازامات ەرعاليەۆ جازباسىندا: «ەرمەك تۇرسىنوۆ كەتتٸ. “شىعارماشىلىقپەن اينالىسا المايمىن, مەنٸ بۇل ەلدەن ىعىستىردى”, – دەدٸ دە, ٷنٸن شىعارىپ, ساحنادان كەتٸپ قالدى», – دەيدٸ. ول مۇنى بٸر شەشٸمدٸ, ٸشكٸ ٷنٸن ايتقان ادامنىڭ ەرەكەتٸ رەتٸندە سيپاتتايدى.
بٸراق دەل وسى سەتتە ەلەۋمەتتٸك جەلٸدە رەجيسسەرگە باعىتتالعان سالقىن ەرٸ كەكەسٸنگە تولى جازبالار قاپتاپ كەتكەنٸن ايتادى. «بيۋدجەت ەسەبٸنەن ٶمٸر سٷردٸ, كٶرەرمەنٸ جوق فيلمدەر تٷسٸردٸ, ەندٸ ەلدٸ جامانداپ كەتتٸ – بۇل دۇرىس ەمەس» دەگەن پٸكٸرلەر جيٸلەگەن.
ەرعاليەۆ بۇل رەاكتسييانى "ىڭعايلى ەرٸ تاڭدامالى-پريميتيۆتٸ جاۋاپ" دەپ باعالايدى.
جۋرناليست حالىقتىڭ ونجىلدىقتار بويى تەك رەجيسسەرلەردٸ ەمەس, شەنەۋنٸكتەردٸ, بۇرىنعى بيلٸك ٶكٸلدەرٸن دە "اسىراعانىن" ەسكە سالادى.
«بۇرىنعى بيلٸكتٸڭ ٶكٸلدەرٸ مەن ولاردىڭ وتباسىلارى حالىق ەسەبٸنەن ٶمٸر سٷرٸپ, ەلدەن كەتتٸ. بٸراق سول كەزدە ولاردى بٸرەۋ سىنعا الىپ پا ەدٸ?» – دەپ سۇرايدى ول.
ازامات ەرعاليەۆ بۇرىنعى بيلٸك ٶكٸلدەرٸن "ٶتكەننٸڭ سەۋلەتشٸلەرٸ" دەپ اتاپ, ولاردىڭ دا ٶز سالاسىندا "شىعارماشىلىقپەن اينالىسقانىن", بٸراق بۇل سالانىڭ كينو ەمەس, ناقتى سەكتور – دەنساۋلىق ساقتاۋ, بٸلٸم بەرۋ, سوت جٷيەسٸ مەن جول قۇرىلىسى ەكەنٸن ەسكە سالادى.
جۋرناليست رەجيسسەردٸڭ كينوتۋىندىلارىنا قاتىستى جەكە كٶزقاراسىن دا اشىق ايتادى.
"تۇرسىنوۆتىڭ شىعارماشىلىعى ۇناي ما? جوق, ۇنامايدى. بٸراق كٶركەم ٶنەر يەسٸن كەز كەلگەن ادام سىناي الادى. بٸراق سوعان شابىت بەرگەن ادامعا تاس لاقتىرا الاسىڭ با? قازٸر “بيۋدجەت ەسەبٸنەن ٶمٸر سٷردٸ” دەپ كٶزدەرٸ اشىلىپ جاتقاندارعا قاراپ, بٸر عانا نەرسە ايتقىم كەلەدٸ: ەدٸل بولىڭدار. ەگەر تاس لاقتىرعىڭ كەلسە – وندا وسى وتىز جىلدىقتىڭ باس رەجيسسەرٸنە دە بٸر-ەكٸ تاس لاقتىر. ايتۋلارىنشا, ول دا قازٸر بۇل ەلدە جوق. كٸتاپ تا جازىپ ٷلگەرگەن. ساتىلىمى قالاي ەكەن? مٷمكٸن ول دا بيۋدجەت ەسەبٸنەن بە?", – دەپ تٷيٸندەدٸ ازامات ەرعاليەۆ.
سونىمەن قاتار,جۋرناليست گٷلبانۋ ەبەنوۆا دا بەلگٸلٸ رەجيسسەر جەنە جازۋشى ەرمەك تۇرسىنوۆتىڭ ەلدەن كەتۋٸنە بايلانىستى ٶز پٸكٸرٸن بٸلدٸرٸپ, ونىڭ Facebook جەلٸسٸندەگٸ ەموتسيياعا تولى جازباسىن تالدادى. ول رەجيسسەردٸڭ بۇل ەرەكەتٸن ەميگراتسييا ەمەس, قاشۋعا ۇقسايتىنىن ايتىپ, كٷمەنٸن اشىق بٸلدٸردٸ.
ەبەنوۆانىڭ جازۋىنشا, تۇرسىنوۆ Facebook-تەگٸ قوشتاسۋ جازباسىندا قازاقستاننان كەتكەنٸن, ەلدە ٶمٸر سٷرۋدٸڭ قيىن بولعانىن, شىعارماشىلىقتىڭ تۇرالاعانىن جەنە ەربٸر قادامىنا اگرەسسييامەن جاۋاپ بەرٸلگەنٸن ايتىپتى.
«تاعى بٸر ەركٸن ويلايتىن اۆتور جٷيەگە ۇناماي, قۋعىنعا ۇشىرادى دەگەن ەسەر قالدىرادى», – دەيدٸ.
الايدا ول بۇل وقيعانىڭ ار جاعىندا ەلدەقايدا شىنايى, بٸر شىندىق جاسىرىن تۇرعانىن مەڭزەيدٸ. گٷلبانۋ ەبەنوۆا تۇرسىنوۆتى ٶزٸنٸڭ جۋرناليستٸك تەجٸريبەسٸندە مەملەكەت تاراپىنان ەڭ كٶپ قولداۋ العان رەجيسسەرلەردٸڭ بٸرٸ رەتٸندە سيپاتتايدى.
«PR جاعىنان دا ەردايىم مىقتى بولدى. ونىڭ فيلمدەرٸ جايلى پٸكٸرلەردٸ وقىعاندا, راسىمەن "مەن كينو تٷسٸنبەيتٸن شىعارمىن" دەپ قالاتىنمىن. وندا تالانتى, تەرەڭ ويى مەن رۋحانيلىعى قايدا?» – دەپ جازادى جۋرناليست.
جۋرناليست تۇرسىنوۆتىڭ سوڭعى تٷسٸرگەن «بەسمويناق» فيلمٸنە جەكە توقتالادى. ونىڭ دەرەگٸنشە, بۇل فيلمگە مەملەكەت تاراپىنان 500 ميلليون تەڭگە بٶلٸنگەن, بٸراق فيلم 2022 جىلدىڭ سوڭىندا اياقتالعانىمەن, ەلٸ كٷنگە دەيٸن كٶرسەتٸلمەگەن.
«ەۋەلٸ پاندەمييا كٸنەلٸ دەدٸ, كەيٸن ناشار ماركەتينگ, ودان سوڭ پروديۋسەر جوق دەدٸ. قىسقاسى,تۇرسىنوۆتان باسقانىڭ بەرٸ كٸنەلٸ», – دەيدٸ ول.
گٷلبانۋ ەبەنوۆانىڭ ايتۋىنشا, رەجيسسەردٸڭ ٷنسٸزدٸگٸ ٷيٸندەگٸ جەنە اينالاسىنداعى پروديۋسەرلەردٸڭ ٷيلەرٸندە تٸنتۋ باستالعانعا دەيٸن ساقتالعان. سول كەزدەن باستاپ تۇرسىنوۆ قىسىم كٶرٸپ جاتقانىن مەلٸمدەي باستادى.
«ونىڭ مەلٸمدەمەلەرٸ انتيكور تاراپىنان قىزىعۋشىلىق پايدا بولعان كەزەڭمەن تۇسپا-تۇس كەلدٸ. “اقشا قايدا?”, “فيلمدەر قايدا?”, “500 ميلليونعا تٷسٸرٸلگەن تۋىندى نەگە سٶرەدە شاڭ باسىپ جاتىر?” دەگەن سۇراقتار كٶبەيە باستادى. ال اقىلعا قونىمدى جاۋاپتاردىڭ ورنىنا ەموتسييالىق جازبا مەن بارسەلوناعا بيلەت كەلدٸ», – دەيدٸ ول.
ەبەنوۆانىڭ جازۋىنشا, ەرمەك تۇرسىنوۆتىڭ وتباسى سوڭعى ون جىلدان بەرٸ يسپانييادا تۇرادى. ول دا جيٸ شەتەلگە ۇشىپ تۇرعان. تٸپتٸ "كەنجە" فيلمٸنٸڭ كەيبٸر ساحنالارى يسپانييادا تٷسٸرٸلگەن جەنە بەرٸ مەملەكەتتٸك قارجىعا جٷزەگە اسقان.
«قازاقستان – تابىس كٶزٸ, ال ٶمٸر, وتباسى, جوسپار – ەۋروپادا. ياعني, ەلدەن كەتۋ بۇرىننان جوسپارلانعان. قوسارلانعان ستاندارت تەك شەنەۋنٸكتەرگە عانا تەن ەمەس», – دەيدٸ جۋرناليست.
تۇرسىنوۆتىڭ بۇرىنعى بيلٸكپەن, ەسٸرەسە مەدەنيەت مينيسترٸ ارىستانبەك مۇحامەديۇلىمەن تىعىز بايلانىستا بولعانىن دا اتاپ ٶتەدٸ. سول كەزدە وعان ٸرٸ بيۋدجەتتەر بٶلٸنٸپ وتىرعان. بۇل كەزەڭدە ەشقانداي قىسىم تۋرالى ەڭگٸمە بولماعانىن ايتادى.
«جٷيە ونىڭ پايداسىنا جۇمىس ٸستەگەن كەزدە, بەرٸ جاقسى ەدٸ. ەندٸ سۇراقتار پايدا بولعان كەزدە, كەتٸپ قالدى. بۇل ەميگراتسييا ەمەس, بۇل – قاشۋ ەمەس پە?» – دەپ جازادى ەبەنوۆا.
جۋرناليست جازباسىنىڭ سوڭىندا تۇرسىنوۆ ەندٸ “تالانتتى, ەدٸلدٸك ٷشٸن كٷرەسكەن ادام” رەتٸندە يسپانييادا وتىرىپ, كٷندە “buەnos días” دەپ باستالاتىن جازبالارمەن ەلدٸ سىناپ وتىرۋى مٷمكٸن ەكەنٸن مەڭزەيدٸ.
ول مۇنداي ستسەنارييدٸڭ توزىعى جەتكەن ٷلگٸ ەكەنٸن جەنە شىنايى ەميگراتسييا مەن كٷيزەلٸستەن تۋعان قاشۋدى اجىراتا بٸلۋ كەرەكتٸگٸن ۇسىنادى.
بۇل جايتقا قاتىستى جۋرناليست ايان شەرٸپباەۆ تا پٸكٸر بٸلدٸردٸ. ول تۇرسىنوۆتىڭ مەجبٷرلٸ ەميگراتسيياسىن قوعامنىڭ قالىپتى جاعدايداي قابىلداپ وتىرعانىن اشىنا جەتكٸزدٸ. ايان شەرٸپباەۆ جازباسىندا ەرمەك تۇرسىنوۆتىڭ ەلدەن جايدان داي كەتپەگەنٸن اتاپ ٶتتٸ.
«ول گاسترولگە, دەمالىسقا نە حالىقارالىق ساپارعا دا كەتكەن جوق. ول – ٶز سٶزٸمەن ايتقاندا, “بٸرجاقتى بيلەت الۋعا مەجبٷر بولعان” ادام رەتٸندە كەتتٸ», – دەيدٸ جۋرناليست.
شەرٸپباەۆ تۇرسىنوۆتىڭ بٸرنەشە جۇمىسىن كٶرگەنٸن ايتادى – «كەلٸن», «شال» جەنە الداعى ۋاقىتتا «بەسمويناقتى» كٶرگٸسٸ كەلەتٸنٸن دە اتاپ ٶتەدٸ. الايدا ول رەجيسسەردٸڭ تۋىندىلارىنا قاتىستى ەكٸۇشتى ەسەردە قالعانىن جازادى.
«ماعان (مٷمكٸن, تەك ماعان عانا شىعار) كەيدە ونىڭ جۇمىستارى ارتىق پافوس پەن پوزاعا تولى كٶرٸنەتٸن. تەرەڭدٸك كٷتكەن جەردە ۇزاق كادرلار مەن “كرۋپنىي پلان” كٶپ ەدٸ», – دەيدٸ ول. بۇل تۋرالى رەجيسسەرمەن پٸكٸر الماسقىسى كەلگەنٸن, بٸراق ەڭگٸمە كينو ەمەس, ساياساتقا ويىسا بەرگەنٸن دە قوسىپ ٶتتٸ.
الايدا شەرٸپباەۆ تۇرسىنوۆتىڭ شىعارماشىلىق ستيلٸن ۇناتپاسا دا, ونىڭ ٶز جولى بار ەكەنٸن مويىندايدى:
«بۇل – ونىڭ كينوسى. ونىڭ ويلاۋ, سەزٸنۋ, داۋلاسۋ, قاتەلەسۋ تەسٸلٸ. ال بۇل – ونىڭ قۇقىعى! بٸز – قوعام رەتٸندە, ونى تىڭداۋعا, كەلٸسپەۋگە, پٸكٸر الماسۋعا قۇقىلىمىز. بٸراق... بٸراق, قارعاپ, جاپپاي جابىلۋعا حاقىمىز جوق قوي!»
جۋرناليست تۇرسىنوۆتىڭ مەلٸمدەمەسٸن وقۋ اۋىر ەكەنٸن جاسىرمايدى. سەبەبٸ پٸكٸرٸنە كەلٸسپەسەڭ دە, تٸپتٸ ەزٸلدەرٸن جاتتاپ السا دا, باستى نەرسەنٸ – رەجيسسەردٸڭ تٷڭٸلۋٸن تٷسٸنۋگە بولادى دەيدٸ.
«ول شاعىم ايتىپ وتىرعان جوق, تەك كۋەلٸك بەرٸپ وتىر. ادامدى مەدەني ٶمٸردەن, قوعامدىق كەڭٸستٸكتەن بٸرتٸندەپ, جٷيەلٸ تٷردە قالاي ىعىستىراتىنىن كٶرسەتٸپ وتىر», – دەيدٸ شەرٸپباەۆ.
الايدا ودان دا قورقىنىشتى نەرسە – قوعامنىڭ مۇنداي جاعدايعا ٷيرەنٸپ كەتۋٸ ەكەنٸن اتاپ ٶتەدٸ.
«بٸرەۋدٸڭ “مەنٸ ەلدەن قۋىپ شىقتى” دەگەن سٶزٸنەن شوشىمايتىن بولدىق. ونى جاي عانا “تاعى بٸرٸ ەكەن” دەپ قابىلدايمىز. كٶپ ويلانادى, قاتتى سٶيلەيدٸ, ەفيرگە لايىق ەمەس دەپ قويا سالامىز», – دەيدٸ ول.
ايان شەرٸپباەۆ قوعامنىڭ ٸشكٸ ٶزگەرٸسٸن دە سىنعا الادى. ونىڭ ايتۋىنشا, قوعام جازۋشىلاردى, رەجيسسەرلەردٸ, جۋرناليستەردٸ, مۋزىكانتتاردى بٸرتٸندەپ ٶمٸردەن ىسىرىپ تاستاۋدى قالىپتى ٷردٸسكە اينالدىرعان.
«بٸز ٶز ادامىمىزدى قورعامايتىن بولدىق. تٸپتٸ داۋلاسۋدىڭ ٶزٸنەن قورقامىز – سەبەبٸ داۋ شىنايى پٸكٸر الماسۋ ەمەس, رەپرەسسيياعا سەبەپ بولىپ كەتۋٸ مٷمكٸن», – دەپ تٷيٸندەيدٸ جۋرناليست.
ونىڭ ويىنشا, قازٸرگٸ بيلٸك بۇل ەرەكەتتەردٸ “ٷنسٸز”, “فورمالدى جانجالسىز” جاسايدى – بۇل دا جٷيەنٸڭ بەيرەسمي, بٸراق سالماقتى رەپرەسسييالىق تەتٸگٸنە اينالعان.
