جاڭا سەمەي اۋدانىنىڭ شاقامان اۋىلىندا ەت جەنە ەت ٶنٸمدەرٸن تەرەڭ ٶڭدەيتٸن ٶندٸرٸستٸك كەشەننٸڭ قۇرىلىسى باستالدى, دەپ حابارلايدى Dalanews.kz
ٶڭٸر ٷشٸن ماڭىزدى نىساننىڭ ٸرگەتاسىن قالاۋ رەسٸمٸنە وبلىس ەكٸمٸ بەرٸك ۋەلي, «Eurasia Agro Semey» جشس قۇرىلتايشىلارى اعايىندى سايلاۋ, ەرلان مۇقاشەۆتار قاتىستى.
ەت جەنە ەت ٶنٸمدەرٸن تەرەڭ ٶڭدەيتٸن ٶندٸرٸستٸك كەشەن بٸر اۋىسىمدا 35 توننا ەت ٶنٸمٸن ٶڭدەۋگە مٷمكٸندٸك بەرەدٸ. مۇندا ٸرٸ قارا, قوي جەنە جىلقى ەتٸن ٶڭدەۋ ارقىلى ساپالى شۇجىق, كونسەرۆٸلەنگەن ٶنٸمدەر, جارتىلاي فابريكاتتار مەن جوعارى ساناتتى ەت دەليكاتەستەرٸ ٶندٸرٸلەدٸ. بۇل ٶندٸرٸس تەرٸ-بىلعارى سالاسىنا قاجەتتٸ شيكٸزاتتى ۇسىنۋ ارقىلى ٶڭٸردە تولىق ٶندٸرٸستٸك تٸزبەكتٸ, ياعني ٶندٸرٸستٸڭ ەكوجٷيەسٸن قالىپتاستىرادى. سونىمەن قاتار قالدىقسىز تەحنولوگييالاردى قولدانۋ ارقىلى ەكولوگييالىق تالاپتارعا تولىق سەيكەس كەلەدٸ.
«Eurasia Agro Semey» جاۋاپكەرشٸلٸگٸ شەكتەۋلٸ سەرٸكتەستٸگٸ جٷزەگە اسىراتىن, اۆسترالييا جەنە ەۋروپانىڭ زاماناۋي تەحنولوگيياسىمەن جابدىقتالاتىن ەت كومبيناتى جوباسىنىڭ قۇنى 7,7 ملرد تەڭگەنٸ قۇرايدى. جوبا ٸسكە اسقاندا 1000 ادام تۇراقتى جۇمىسپەن قامتىلادى.
جوبا بويىنشا 7 مىڭ باس ۇساق مالعا ارنالعان بورداقىلاۋ الاڭى دايىندالعان. قازٸر 10 مىڭ باس ٸرٸ قاراعا ارنالعان الاڭ سالۋ ٷشٸن جوبالاۋ جۇمىستارى جٷرگٸزٸلۋدە.
اتالعان جوبا اباي وبلىسىن 2027 جىلعا دەيٸن دامىتۋ جوسپارىنا ەنگٸزٸلٸپ, ٶڭٸرلٸك جەنە ۇلتتىق دەڭگەيدە باسىمدىققا يە جوبا رەتٸندە تانىلدى. مەملەكەت باسشىسى بۇل باستامانى 2025 جىلدىڭ اقپان ايىندا ٶتكەن جۇمىسشى ماماندىقتارىنىڭ كٶرمەسٸندە جەكە اتاپ ٶتٸپ, جوبانىڭ ماڭىزدىلىعىنا نازار اۋداردى. سونداي-اق پرەزيدەنت ەكٸمشٸلٸگٸ تاراپىنان تۇراقتى باقىلاۋعا الىنىپ, ٸسكە اسىرىلۋىنا قولداۋ كٶرسەتٸلٸپ وتىر.
وبلىس ەكٸمٸ مۇنداي اۋقىمدى ينۆەستيتسييالىق جوبانىڭ ٶڭٸر ٷشٸن ماڭىزى زور ەكەنٸن اتاپ ٶتتٸ.
«پرەزيدەنتٸمٸز قاسىم-جومارت كەمەلۇلى توقاەۆ اۋىل شارۋاشىلىعى ەڭبەككەرلەرٸنٸڭ بٸرٸنشٸ فورۋمىندا «اگروٶنەركەسٸپ كەشەنٸن يندۋسترييالاندىرۋدى بەلسەندٸ تٷردە جالعاستىرۋ قاجەت» دەپ اتاپ ٶتكەن بولاتىن. بۇل كەشەن – تەك ٶندٸرٸس قانا ەمەس, مال شارۋاشىلىعىن جٷيەلٸ دامىتۋدىڭ, بورداقىلاۋ الاڭدارىن كەڭەيتۋدٸڭ, جاڭا جۇمىس ورىندارىن اشۋدىڭ جەنە ەلدٸ مەكەندەندەردٸڭ ەلەۋەتٸن ارتتىرۋدىڭ ناقتى ٷلگٸسٸ. قازٸرگٸ تاڭدا ٶڭٸردەگٸ مال شارۋاشىلىعىمەن اينالىساتىن ازاماتتار ٶسٸرگەن مالىن, تەرٸ ٶنٸمدەرٸن لايىقتى باعادا ٶتكٸزە الماي جٷر. بۇل اۋىل ەڭبەككەرلەرٸنە ناقتى كٶمەك بولماق.
سونىمەن قاتار اباي وبلىسىنا عانا ەمەس, كٶرشٸ شىعىس قازاقستان, پاۆلودار, قاراعاندى وبلىستارىنىڭ شارۋالارىنا دا ٷلكەن قولداۋ بولادى دەپ ويلايمىن. ٶندٸرٸستٸك كەشەندٸ كەزٸندە شەت مەملەكەتتەرگە دەيٸن ٶز ٶنٸمٸن ەكسپورتتاعان سەمەي ەت كومبيناتىنىڭ قايتا جاڭعىرۋى, زاڭدى جالعاسى دەۋگە بولادى.
وسىنداي ناقتى جوبالاردى ٸسكە اسىرۋدىڭ نەتيجەسٸندە شەتەلدٸك جەنە وتاندىق ٸرٸ ينۆەستورلاردىڭ ايماعىمىزعا دەگەن قىزىعۋشىلىعىن ارتتىرا الامىز. مۇنداي جوبالار ولاردىڭ وبلىس اگروٶنەركەسٸپ كەشەنٸنە قوماقتى قارجى سالۋىنا سەنٸمدٸ نەگٸز بولادى. بٷگٸنگٸ رەسٸم – ٶندٸرٸستٸك دامۋعا باسقان سيمۆولدىق مەنٸ زور العاشقى قادام. اتالعان جوبانىڭ حالىق يگٸلٸگٸنە قىزمەت ەتٸپ, ٶڭٸردٸڭ دامۋىنا سەرپٸن بەرەتٸنٸنە سەنٸمٸمٸز مول», - دەدٸ ايماق باسشىسى.
ٶندٸرٸستٸك كەشەندٸ 2026 جىلى تامىز ايىندا ٸسكە قوسۋ جوسپارلانىپ وتىر.
