ەربولات باتىل جازادى. ٶمٸردٸڭ قالتارىس, قۇبىلىستارىن «قويما اقتارعانداي اقتارىپ» (م.ەۋەزوۆ) جازۋ دارىعان, قازٸرگٸ دەنەمەگە سەلت ەتپەيتٸن جارتىلاي جانسىز مەحانيزمگە اينالعان, كەۋدەسٸندەگٸ جٷرەگٸ بٶتەن پيعىلمەن عانا تىنىم تاپپاي تۋلايتىن پەندە شٸركٸندٸ بٸرتٷرلٸ شامىنا تيٸپ, قولايسىز كٷيگە تٷسٸرەتٸن ەسەر تۋعىزا الاتىن سيقىرى بار.
ادام بالاسىن باعزى دٷنيەدەن بەرٸ قۋالاپ كەلە جاتقان كەرەعار شارپىسۋلار – اتامزاماننان بەرٸ كٶركەم ەدەبيەتتٸڭ تاۋسىلىپ بٸتپەيتٸن قورەگٸ. قاي دەۋٸر, قايسى كەزەڭدە دە ٶزەكتەسٸپ قاتار اعاتىن ادال مەن ارام, اقيقات پەن الداۋ, ار مەن ازۋ ەربولاتتىڭ شاپ-شاعىن ەڭگٸمەلەرٸندە تاريحي تۇعىرى شايقالماي عۇمىرىن جالعاي بەرەتٸنٸن قاشانعى قانى تامعان كٶركەمدٸك شىندىقتا بٸر جاساپ قالاتىن توزبايتىن دەستٷرٸمەن تاعى دا تويلايدى.
[caption id="attachment_14677" align="alignright" width="299"]
ەربولاتتىڭ «مينيسترٸ» تۋرالى ەمٸس-ەمٸس ەستٸدٸم. وقىماعان ەدٸم. «جالىن» باسپاسىنىڭ «جاس تولقىن» سەريياسىمەن قازاقستان رەسپۋبليكاسى مەدەنيەت جەنە سپورت مينيسترلٸگٸ «ەدەبيەتتٸڭ ەلەۋمەتتٸك ماڭىزدى تٷرلەرٸن باسىپ شىعارۋ» باعدارلاماسى بويىنشا 2015 جىلى جارىق كٶرگەن «جەلتوقسان ىزعارى» پروزالىق جيناعىندا قايتا باسىلىپتى.
كٸتاپتىڭ شاعىن اننوتاتسيياسى كٶكەيدەگٸنٸ دٶپ قامتىعان. جاس جازۋشىنىڭ قولتاڭباسىن ايقىندايتىن ايعاقتى ارقاۋلارعا مەن بەرٸلٸپتٸ. جالپاق جاھانداعى ەڭكٸ-تەڭكٸسٸ شىققان تانىس-بەيتانىستان ٶلسەڭ ايرىلعىڭ كەلمەيدٸ. «پەلٸ, ەربولاتىمىز مىقتى بولىپ شىقتى-اۋ!» – دەپ كٶزٸڭ دىمدانىپ وتىرىپ قۇپييا بٸر قۋانىشپەن جىميياسىڭ. ەربولات بٷيرەگٸن تىم بۇرىپ, تٷگٸن قالدىرماي اقتارىپ, اياپ, اراشا تۇرۋعا اسىعىپ, ارا-تۇرا ايىپتاپ وتىرعان «كٸشكەنتاي پەندەلەردٸ» تۋعان-تۋىسقان, تٷپ-تۇقييانىمەن تابىستىرىپ, توعىستىرماسا بولمايدى ەكەن دەپ ەبٸگەرلەنەسٸڭ. ەسٸمە بالا كەزدەن ەتەنە بولعان باياعى گوگول, سول كەدٸمگٸ دوستوەۆسكييلەر الدىمەن تٷسەدٸ. اپىر-اي, ە, گوگولدٸڭ «شينەلٸنٸڭ» شالعايى بٷگٸندٸ دە قامتىپ جاتقانىن قاراشى دەپ, تٷبٸنە جەتكٸزبەيتٸن بەي-بەرەكەت ويلاردىڭ تۇڭعيىعىنا تارتىلاسىڭ...
نە دەگەندە دە ەربولات ەرلەدٸ. ونىڭ جازۋ مەنەرٸندەگٸ جاتىق جاڭاشىلدىق مويىنداتتى. بٷگٸنگٸ ۋاقىتتىڭ, بٸر كەزدەردە اسا ٶتٸمدٸ بولعان زامانداس ادام اتالعان كەدٸمگٸ كٷندە كٶرٸپ جٷرگەن كٸسٸلەردٸڭ بٸر شوعىر تيپتٸك – ەتەنە كەسكٸندەرٸن سىرت قالىپ, تٷر-تۇرپات, ٸشكٸ يٸرٸم, جىقپىل-قالتارىسىمەن تۇتاس يلانىمدى قالپىندا كٶركەمدٸك اينالىمعا قوسىپتى.
قالامگەر اتاۋلىنىڭ تۋابٸتتٸ مۇراتى – ازامات ەردٸڭ جٷگٸن كٶتەرۋگە بەل بايلاعان ەربولات پروزاسىنداعى ەلەۋمەتتٸك جانايقاي بەي-جاي قالدىرمايدى.
جازۋشىنىڭ بٸرٸنەن بٸرٸ ٶتٸپ جۇتىنىپ تۇرعان قىسقا ەڭگٸمەلەرٸن جوعالتقانىمدى تاپقانداي, ول از بولسا جاڭا بٸر كٷتپەگەن تابىسقا كەنەلگەندەي سەرپٸلٸپ, سەرگٸپ, قۋانا وقىپ شىقتىم.
«قاسٸرەت» ەڭگٸمەسٸ ادامزاتتىڭ ٶزٸنە ٶزٸ وپاسىزدىق جاساۋىنىڭ اتىپ كەتكەن ايار, اياقتالمايتىن اۋىر ٸسٸنٸڭ ەڭسەنٸ كٶتەرتپەيتٸن قولايسىز, اسا بٸر باقىتسىز شەرٸن قوزعايدى.
ەڭگٸمە زامانانىڭ توپالاڭ اعىستارى توقتاۋسىز جايپاپ ٶتٸپ, تەلكەك قىلىپ, كٷيبەڭ ٶمٸرٸنٸڭ داعدىسىن بۇزىپ, قۇرباندىققا شالا سالاتىن كٸشكەنتاي ادامدار تۋرالى.
اتالعان ەڭگٸمەدە قۇربان بولعان راسىمەن دە, تۋرا ماعىناسىنداعى كٸشكەنتاي ادام – بۇيرىقتان بۇرىن ٶلٸم جازاسىنا كەسٸلگەن ٸشتەگٸ پەرٸشتە سەبي.
ەربولات ەڭگٸمەسٸن قارا بازار ەرتە قارتايتايىن دەگەن جاس ەيەلدٸڭ اعىمدى تٸرشٸلٸگٸنە تٶنٸپ كەلە جاتقان وپاتتان ويران سالىپ ٶكسٸتٸپ كەتەتٸن قاۋٸپ ەتكەن قايعىسىن تٶندٸرە تٷسٸپ بايانداپ باستايدى. جانىن شٷبەرەككە تٷيگەن جاس ەيەلدٸڭ اينالاسى تۇتاس جاۋ. «بالانى الدىر!» – دەيدٸ كٷيەۋٸ. «سەنەن دە زورعىعا ٸستەگەنبٸز», – دەيدٸ اقشا كٶرسە ەشكٸكٶزدەنٸپ كەتەتٸن ٸستٸگٸن سۋماڭداتقان وتاشى.
ەيەل سورلىنىڭ كٶپ قاسٸرەتٸنٸڭ ٸشٸندەگٸ ەڭ سوراقىسى تۋرالى ٸشكٸ كٷي قايشىلىعى, سىرتقى سانسىراعان قالىپ – بارلىعى اۋىر, اشىق الىنىپ, قايىرسىز قوعامىنا, زامانىنا, ەلدەقانشا عاسىردان بەرٸ بەت-جٷزٸ شٸمٸرٸكپەي شاماسىز, شاراسىز جان يەسٸن ٶمٸر قۇقىنان ايىرىپ كەلە جاتقان جالماۋىز پيعىل جات جٷرەك ادامزاتقا قايتارۋسىز ايىپ جٷكتەلگەن.
جازۋشى جان قىجىلىن ٷيٸپ-تٶگٸپ ايتىپ, بايانداپ جاتپايدى. سيتۋاتسييانى ەگجەي-تەگجەيلٸ بەينەلەپ, سۋرەتتەپ, بايانداپ وتىرادى. جاس ەيەلدٸڭ تەن ازابىن سەزٸنتۋٸندە, زاردابى اۋىر جان ازابى بوي كٶرسەتٸپ تۇرادى.
«سوسىن قۇلاعىنا ٶكپە-باۋىردى تاباققا بولپ ەتكٸزٸپ تاستاي سالعانداعىداي دىبىس كەلدٸ. دەرٸگەر قىزىل شاقا نەرەستەنٸ, جارالىنىڭ تەنٸنەن الىنعان وقتى تاستاعانداي-اق سەلقوس تٷردە تەگەشكە لاقتىرعان بولاتىن. سول سەتتە بەيكٷنە نەرەستە ەنەسٸ جەرٸپ, تاڭدايىنا بٸر تامشى ۋىز تامباستان, شۋى دا جالانباستان, جارىق دٷنيەنٸ كٶرە سالا ٶلەر الدىنداعى, جاعى قارىسقان قوزى قۇساپ, اۋزىن جارتى مينۋتتاي كەرٸپ اشتى دا, قانعا مالشىنعان دەنەسٸن بٸر دٸر ەتكٸزٸپ بارىپ, جان ٷزدٸ».
«كٶتەۋ» ەڭگٸمەسٸندە, تاعى دا باسقا بٸرنەشە «بٸر قوي», «ەلۋ تەڭگە», «امپۋتاتسييا» سىندى تۋىندىدا جازۋشى اينالا پۇل بيلەگەن زاماننىڭ ايلا قۋىپ, امال ساۋىپ اقشا تابۋ جولىندا ارزان ازىپ, جولدان تايعان باقىتسىزدىعىن, جاندالباسالىعىن ەر قالىپتا, بار قاسٸرەت-ۇياتىمەن توپىرلاتىپ تٸزٸپ قويىپ كٶزگە شۇقيدى.
دەرٸگەردەن جۇمىستان قالعان كٷندەرٸنە انىقتاما الا الماعان الماس كەلەسٸ قابىلداۋىنا قامدانىپ كەلگەن.
«كەشەگٸدەي ەمەس الماستىڭ ەتٸ ٷيرەنٸپ قالىپتى. نوقتاعا باسىن توسقان ياكي اۋىزدىقتى ٶزٸ-اق قارش ەتكٸزگەن مومىن جىلقىداي, بٶكسەسٸن انانىڭ الدىنا توستى. اناۋ بولسا سول بٶكسەگە ەڭكەيە تٷسٸپ, كٶزٸ جارق ەتتٸ.
– ٸشٸندە اقشا ما بٸردەڭە تۇر, – دەدٸ دٸرٸل ارالاس داۋىسپەن, تولقىعانىن جاسىرا الماي.
– ول ەندٸ سەنٸكٸ, – دەدٸ الماس, بٸردەن «سەنگە» كٶشٸپ.
– مەنٸكٸ دەيسٸز بە? – دەدٸ اناۋ «سەننەن سٸزگە كٶشٸپ» كٸشٸپەيٸلدٸك بايقاتا. ۇيات بولماي ما?
– ال, – دەدٸ الماس تاعى دا.
– راحمەت. – سٶيتتٸ دە شيىرشىقتالعان كٶك قاعازدى اسقان شەبەرلٸكپەن سۋىرىپ الىپ, حالاتىنىڭ جان قالتاسىنا سٷڭگٸتە قويدى. الماس شالبارىن كٶتەرٸپ, بەلبەۋٸن تٷيمەلەگەن كەزدە, بار ٸلتيپاتپەن, اسقان مەيٸرٸمدٸلٸگٸن تٶگە وتىرىپ كٶمەكتەسٸپ جٸبەردٸ».
جازۋشى, ەرينە, بۇل جەردە ەسٸرەلەپ وتىر. بٸراق يلانىمدى. قالاي السا دا كەشە جٶن سٶيلەسپەگەن دەرٸگەردٸڭ بٷگٸن اقشا العانى, اقشا العان سوڭ قاتتالىپ, مٶرلەنٸپ تۇرعان دايىن انىقتاماعا الماستىڭ اتى-جٶنٸن جازا سالىپ, قولىنا ۇستاتقانى راس.
ەربولاتتىڭ جازۋ شارۋاسىنا پٸسٸپ-قاتقان دايىندىعى, ارعى-بەرگٸ ەلەمدٸك مۇرانىڭ تۇنىعىنان قانىپ ٸشٸپ سٸڭٸرگەنٸ, قايسىبٸر شەبەرلٸك تەسٸلدەردٸ شىعارماشىلىقپەن, وڭتايلى كەدەگە جاراتىپ وتىرعانى, دٷنيەنٸڭ نەبٸر بۇلتارىس, قالتارىسىن كەنٸگٸ شەبەردٸڭ باتىلدىعىمەن, تالعامپازدىعىمەن, تارتىنشاقتاماي ەركٸن دٶڭگەلەتٸپ تاستاپ وتىراتىنى, تٸل قولدانىستاعى بۇزىلماعان تازا تەزگە سالىنىپ, نورمامەن قىرلانىپ قور بولماعان باي سٶزدٸك قور سەۋلەلەرٸ – قازٸرگٸ قازاق ەدەبيەتٸنٸڭ بوي كٶرسەتۋٸندەگٸ نىشاندى بەلگٸلەر.
بايىرعى دەستٷرلٸ اعايىنشىلىق, ادامشىلىقتان ىرىقسىز الىستاڭقىراپ بارا جاتقان قوعام, داعدىلى ٷلكەندٸك ينستيتۋتتاردىڭ ىدىراۋى, جاس ادامنىڭ ٷيٸرگە قوسىلىپ, ورتاعا تارتىلۋىنداعى توسىرقاۋلار مەن توسىلۋلار – قازٸرگٸ ۋاقىتتىڭ شىندىعى.
ەربولات «كٸشٸ عىلىمي قىزمەتكەر» ەڭگٸمەسٸندە ەكۇداي, تٸپتٸ مٷلدە بەيمەلٸم بۇلىڭعىر ٶمٸر ورتاسىنداعى جاس جٸگٸتتٸڭ كٷيكٸلٸك دەرتٸنەن زارداپ شەگٸپ جٷرگەن قاسٸرەتٸن اياۋسىز شىنشىلدىقپەن بٸر كٷننٸڭ وقيعاسى اياسىندا تٷگٸن قالدىرماي تەپتٸشتەپ, ەر سەت, ەر وقيعا, ەر دەتالعا زامانالىق جٷك ارتىپ, جٷرەكتٸ ورنىنان قوزعاپ, ۋايىمعا بٶكتٸرٸپ سۋرەتتەپ باياندايدى. دەرتتٸبەك كەدٸمگٸ كٶپ ايتىلاتىن, كٶركەم تۋىندىداعى تيپتٸك بەينە دەڭگەيٸندە تۇر. ونىڭ ٶمٸرٸندە شاتتىق تاپشى (قىزى مەن ەيەلٸنٸڭ قاسىندا عانا بولار – ق.م.), شالقىمايدى, تاسىي المايدى. اناۋ دا, مىناۋ دا قوجا. راسىن ايتقاندا قازٸر قوجا كٶپ. الپىس, جەتپٸسكە كەلگەندەرگە دە قوقاڭداپ جٷرگەندەر, ٶزٸنەن سەل تٶمەننٸڭ تٶبەسٸندە وينايتىنداردىڭ زامانى بٸلدٸرمەي, بٸرتٸندەپ بۇزىلماستاي ورنىعىپ الدى.
دەرتتٸبەكتٸڭ ەربولات شىعارماسىنداعى زامانداس, قۇربىلارىنىڭ كٶپشٸلٸگٸ بٸر تەكتەس ٶمٸر سٷرٸپ جاتىر. تۇرمىس بيلەگەن زامان دەنەمەگە دەس بەرمەس جيىرما بەستٸڭ مىسىن باسقان. ەربولات ەڭگٸمەلەرٸندەگٸ كەيٸپكەر جاس ادامنىڭ جانىندا جالاۋ بولىپ جٷرەتٸن جاس كەلٸنشەك يبا, ەدەبٸمەن, ەرٸن پانا تۇتقان قازاقى قالپىمەن كٶرٸنەر ەدٸ. ەندٸ, ٶمٸر بولعان سوڭ الا دا, قۇلا دا بار دەگەندەي, بۇزىق نيەت جەڭٸل ەيەلدەر دە وبراز دەڭگەيٸندە اشىلعان ەڭگٸمەلەردٸ دە ەستە ۇستايمىز.
جازۋشى كەيدە شىعارماعا بولماعاندى بولعانداي ەتٸپ كٸرٸكتٸرسە, وندا بۇل – جازۋ ماقساتىنا جەتەر جولداعى قالاۋلى بٸر تەسٸلٸ.
«دامبال» ەڭگٸمەسٸندەگٸ ادام نانعىسىز ەرەكەتتەر جازۋشى ەربولاتتىڭ وسالدىعى ەمەس – تاپقىرلىعى. وسىنداعى اششى ەجۋا, مازاق بارشامىزعا باعىتتالعان. قازاقى جايداق داراقىلىق, ٶزٸن تٶمەن قويىپ, ٶزگەنٸكٸن ەسٸرە دەرٸپتەۋگە قۇمار, قۇشتار بولۋ قانىمىزعا قايدان سٸڭسە دە, سٸڭٸپ قالعان.
جازۋشى شىعارمانى جەدەل شيراقتىقپەن وڭتايلى قالىپقا لايىقتاپ قۇرادى. ونىڭ قالامىنا كەيٸپكەرٸنٸڭ تٷپ پيعىل, شاما-شارقىن ەيگٸلەپ وتىراتىن تابىلعان ديالوگتىڭ سٶز ٷلگٸلەرٸ ەر كٸرگٸزٸپ, نەر قۇيىپ وتىرادى.
«– دەرٸحاناعا لىپ ەتٸپ بارىپ, كەلشٸ, – دەدٸ شايحان وعان. سابىرلى دا, بەسەڭ ٷنمەن. – قانىم ٶرلەپ كەتتٸ-اۋ دەيمٸن. باسىم اۋىرىپ تۇرعانى. بٷيتە بەرسەڭدەر ۇستازدارىڭدى ٶلتٸرٸپ تىناسىڭدار عوي! سوسىن سەندەردٸ كٸم سٷيرەيدٸ. قامدارىڭدى كٸم ويلايدى, – دەدٸ ايانىشپەن ىڭىرانا سٶيلەپ».
ەربولات ەڭگٸمەلەرٸندە الماتىنىڭ ابىرجىعان الاڭكٶڭٸل جاس ادامنىڭ كٶزٸمەن قاراعاندا جىلۋى قاشىپ, سۇلۋلىعى بەسٸن تٶمەن تٷسٸرٸپ, سۇرىقسىز قىرلارىمەن كٶرٸنەتٸن تۇستارى – كٷندە مەيرام ەمەس ٶمٸردٸڭ سۇر كيٸمدٸ شىندىعى.
«ول كٷنٸ الماتىنىڭ اسپانى تٷنەككە شومىپ تۇرعان. قان جۇتقانداي سٷرەڭسٸز ەدٸ. قايعى تۇنعان جىلاڭقى جۇلدىزى, الارعان ايى تىم مۇڭلى, تىم جۇپىنى بولاتىن. جاياۋ جٷرسەڭ سايقال كٶشەسٸ, تٸزەڭدٸ مٷجٸپ, تابانىڭدى قىزدىراتىن» «ەلۋ تەڭگە» ەڭگٸمەسٸندە اش قارىن, شارشاڭقى بوزبالالارعا الماتى جاتباۋىر قالا. ادامى الدايدى, اربايدى, رەتٸ كەلسە قورلاۋدان دا تايىناتىنداي ەمەس. وسىندا تەرمين سٶزدٸڭ تٸزٸم قاتارىن «بايىتقان» ورالمان اتاۋىن يەلەنگەن ەكٸ جاستىڭ بٸر كەشكٸ كٷيٸنەن تۇتاس بٸر ۋاقىتتىڭ قاتتىلىعى, جاتقا كەلگەندە جاپىرىلىپ, ەلٸم دەپ, ەڭسە كٶتەرۋگە كەلگەن بٸر تۋعان باۋىردى بٶتەنسٸنۋدٸڭ ٶزٸمٸز كٶز كٶرگەن استارسىز ايعاعى كٶز الدىمىزعا كٶلدەنەڭ تۇرادى.
اششى. بٸراق – شىندىق. عاسىر اسقان ساعىنىش, اڭساۋ, ىنتىق كٶڭٸلگە ەلجٸرەگەننەن ەدٸرەيۋٸمٸز باسىم بولدى. بٸرتالاي جۇرتتى ٷركٸتٸپ, شوشىتىپ الدىق. ولاردىڭ كٶبٸ مۇنداعى سىيقىمىزدى كٶرٸپ قازاقتا قاسيەت قالماپتى-اۋ دەپ قان جىلاعان.
ەربولاتتىڭ پروزاسى قانىق بوياۋلى ساراڭ سۋرەتتەۋلەرمەن ٶمٸر اجارىن اشادى. وقيعانىڭ باستالۋى, دامۋ شىرعالاڭى, شارىقتاۋ شەگٸ اسىپ-تٶگٸلٸپ ىقشام, تىعىز باياندالادى دا, كٶبٸنە شەشٸمٸ «ويدا قالىپ», وقۋشىعا قاراي ىسىرىلىپ تاستاپ اياقتالادى.
كٷندە باستان كەشٸپ جٷرگەن ورتاق كەپتەن, رۋحاني جاداپ, جابايىلانۋدان شىعار جول قايسى? نە ٸستەۋ كەرەك? كٸم كٸنەلٸ?
جازۋشىنىڭ وتتا تۇرعان سٷتٸن قاراپ وتىرعان كەلٸنشەكتٸ كٸرپٸك قاقپاي قالتقىسىنان كٶز جازباعان بالىقشىعا بالاۋى, ونىڭ ادام امالسىز قالعاندا توقتاۋسىز جاۋاتىن جاڭبىرلى كٷندەرٸ; ٶمٸر كيكٸلجٸڭدەرٸندە مالتىعىپ جٷرگەندە تٸزەدەن جاۋاتىن قار; ت.ب. تٸرشٸلٸكتٸڭ ەدەيٸ جاساعانداي عايىپتان قييۋلاسا كەتٸپ تۇراتىن قوسٶزەن اعىستارىن كٶركەمدٸك ٶزەگٸنە تارتۋىندا كەنٸگٸ ۇستالىق كٶزگە ۇرادى.
«قىجىل» ەڭگٸمەسٸندە ەرلٸ-زايىپتى عانا ەمەس, قادٸر بٸلمەۋدٸڭ تٷبٸ قايىرلى بولمايتىنىن مەڭزەيتٸن قالىڭ استار مەڭزەلەتٸندەي...
ەربولات ەبٸكەنۇلىنىڭ «جەلتوقسان ىزعارى» كٸتابىن ەلەم ەدەبيەتٸندەگٸ ٶزٸم تانيتىن تەپەرٸش كٶرگەن كەيٸپكەرلەردٸ قايتا-قايتا ەسٸمە تٷسٸرٸپ وتىرىپ وقىدىم.
قوعامعا قىجىل, ۇلتتىق نامىس, ار-وجدان جالاۋى جەلبٸرەگەن, جەكە تاعدىرلاردىڭ ادامدىق اڭسار, الدانعان, جالعانعان ٷمٸتٸ, كەۋدەسٸن تەپكٸلەگەن جٷرەك اتويى بەيتاراپ قالدىرمايتىن, اننوتاتسييادا اتاپ ايتىلعانداي «ليريزم مەن ساتيرانىڭ, پسيحولوگييا مەن ناتۋراليزمنٸڭ ۇشتاسۋىندا» تۋعان, «ٶتكٸر تٸلدٸ», «فيلوسوفييالىق» شىعارمالارى تۇتاس بٸر دٷنيەنٸڭ قۇرامدى بٶلشەكتەرٸ – جەكە تاراۋلارى سىندى ەسەر قالدىرعان ەربولات ەبٸكەنۇلىنىڭ وسى كٸتابىنداعى جابىق جاتقان كٶمبەلەر تۋرالى وقۋشى جۇرتشىلىق ٷنسٸز قالماس, باعاسىن تولىق بەرەر.
جاس بۋىننىڭ وسى بٸر ماستانۋدان تازا جارقىن جٷزدٸ, كٸسٸ بولاتىنى كٸشٸكتٸگٸنەن بەلگٸ بەرٸپ تۇراتىن, نامىس وتىنىڭ جالىنى باسقانى دا شارپي باستاعان لايىقتى ٶكٸلٸنە «جەلتوقسان ىزعارىندا» سەل پٸسۋٸ جەتپەگەن, ٶمٸردە بولسا دا جالاڭداۋ شىققان دا تۇستار كٶزگە تٷسكەنٸن تٸلەكتەس كٶڭٸلدەن ايتقىم كەلەدٸ. نەگٸزٸندە, ەربولات ەشكٸمنەن جٶن سۇرايتىنداي ەمەس, جازۋدا جولىن تاپقان مىقتىنىڭ بٸرٸ عوي.
قانيپاش قايساقىزى مەدٸباي,
ەل-فارابي اتىنداعى قازۇۋ
پروفەسسورى, ف.ع.د.
