«قازاقستان مەملەكەتتىك دەڭگەيدە ورىس ءتىلىن باياۋ، دەسە دە قالاي بولعاندا دا ىعىستىرۋدى جالعاستىرۋدا. رەسپۋبليكانىڭ كولىك مينيسترلىگى بىرنەشە ۆوكزالدىڭ اتىن وزگەرتىپ، ورىسشا اتاۋلاردى قازاقشاعا اۋىستىرعىسى كەلەدى. مىسالى، «ۋرالسك» ستانسياسىن «ورالعا»، «ۋزەندى» «جاڭاوزەنگە» جانە ت.ب. اۋىستىرۋدى ۇسىنىپ وتىر. بالتىق جاعالاۋى ەلدەرىنىڭ تاجىريبەسى كورسەتكەندەي، بۇل - وتە ءقاۋىپتى ءۇردىس. مۇندا دا ءبارى كىشكەنتاي دۇنيەلەردەن باستالىپ، كەيىن ناعىز اپاتقا اينالادى: ورىس مەكتەپتەرى جابىلادى، كەڭەستىك ەسكەرتكىشتەر الىنىپ تاستالادى، ورىس تىلىنە تىيىم سالىنادى، سودان سوڭ زەينەتكەرلەر سۋىق جاققا قۋىلادى»، - دەپ جازدى تينا كاندەلاكي Telegram پاراقشاسىندا.
قازاقستاندىق جۋرناليست دينارا ءساتجان كاندەلاكيگە قازاقستاننىڭ تاۋەلسىز مەملەكەت ەكەنىن جانە قازاقستاندىقتار تەمىرجول ۆوكزالدارىن قالاي اتايتىنىن وزدەرى شەشەتىنىن ەسكە سالدى.
«ەكىنشىدەن، قازاقستان تاۋەلسىزدىك العان جىلدار ىشىندە كەڭەس وكىمەتى جىلدارىندا جوعالعان انا ءتىلىن بىرتىندەپ قايتارىپ كەلەدى.
ۇشىنشىدەن، ورىس ءتىلى ەلىمىزدە رەسمي تۇردە قازاق تىلىمەن تەڭ قولدانىلادى، ال قازاق ءتىلى - مەملەكەتتىك ءتىل! بۇل ءبىزدىڭ كونستيتۋسيادا 7-باپپەن بەكىتىلگەن. تەمىر جول ۆوكزالدارى ءسىز جازعانداي وزگەرتىلگەن جوق، ءبىراق قازاق تىلىندەگى دۇرىس اۋماقتىق اتاۋلارىنا اۋىستى. ورىستىڭ ىعىسۋىنىڭ بۇعان قانداي قاتىسى بار؟ ءبىز تەك مەملەكەتتىك تىلدە عانا ەمەس، ورىس، اعىلشىن تىلدەرىندە دە سويلەيمىز. بۇل - ءبىزدىڭ كۇشىمىز!» – دەپ جاۋاپ بەردى د.ءساتجان.
