يزرايل قورعانىس مينيسترٸ يسراەل كاتس ليۆان استاناسى بەيرۋتكە ەسكەرتۋ جاساپ, «حەزبوللا» تاراپىنان راكەتالىق جەنە درون شابۋىلدارى توقتاماسا, يزرايل اۋماقتى باسىپ الۋى مٷمكٸن ەكەنٸن مەلٸمدەدٸ, دەپ حابارلايدى Dala News.
مينيستردٸڭ ايتۋىنشا, يزرايل ەسكەرٸ شابۋىلدارعا جاۋاپ رەتٸندە ليۆانداعى نىساندارعا سوققى بەرۋدٸ كٷشەيتۋگە دايىن.
بۇعان دەيٸن يزرايل اۆياتسيياسى بەيرۋتتٸڭ ورتالىعىنداعى, ٷكٸمەت عيماراتىنا جاقىن ورنالاسقان ەكٸ نىساندى اتقىلاعان. بۇل سوققىلار «حەزبوللا» جاساعان سوڭعى ۋاقىتتاعى ەڭ ٸرٸ راكەتالىق شابۋىلدان كەيٸن جاسالدى.
ليۆان بيلٸگٸنٸڭ مەلٸمەتٸنشە, يزرايلدٸڭ ەلدٸڭ وڭتٷستٸگٸ مەن شىعىسىنا, سونداي-اق بەيرۋتتٸڭ «حەزبوللا» باقىلاۋىنداعى اۋداندارىنا جاساعان سوققىلارى سالدارىنان شامامەن 700 ادام قازا تاپقان.
سونىمەن قاتار يزرايل جاپپاي ەۆاكۋاتسييا جارييالاپ, زاحراني ٶزەنٸنٸڭ وڭتٷستٸگٸندەگٸ تۇرعىندارعا ٷيلەرٸن تاستاپ كەتۋ تۋرالى بۇيرىق بەرگەن. نەتيجەسٸندە 800 مىڭنان استام ادام ٶز ٷيلەرٸن تاستاپ كەتكەن.
يزرايل ارميياسى «حەزبوللاعا» قارسى وپەراتسييانى ٶتكەن اپتادا باستادى. بۇعان 2 ناۋرىزدا توپتىڭ يزرايل اۋماعىنا راكەتا اتۋى سەبەپ بولعان.
يزرايل ەسكەري كٷشتەرٸنٸڭ مەلٸمەتٸنشە, «حەزبوللا» يرانمەن بٸرلەسٸپ 200 راكەتا مەن 20 درون ۇشىرعان, ال يران يزرايلگە بالليستيكالىق زىمىراندارمەن شابۋىل جاساعان.
بۇعان دەيٸن يراننىڭ جاڭا جوعارعى كٶشباسشىسى مودجتابا حامەنەي تەگەران قازا تاپقاندار ٷشٸن كەك الاتىنىن جەنە ورمۋز بۇعازى جابىق كٷيٸندە قالاتىنىن مەلٸمدەگەن.
