مەملەكەت باسشىسى Digital Qazaqstan جوباسى بويىنشا كەڭەس ٶتكٸزدٸ, دەپ حابارلايدى Dalanews.kz.
قاسىم-جومارت توقاەۆ جاساندى ينتەللەكت تەحنولوگييالارىن ٶندٸرٸس سالاسىنا ەنگٸزۋدٸ ىنتالاندىرۋ قاجەتتٸگٸن اتاپ ٶتتٸ. سونداي-اق, تسيفرلىق تٶلەم ينفراقۇرىلىمىنا قاتىستى مەسەلەنٸ شەشۋدٸ تاپسىردى. پرەزيدەنتتٸڭ ايتۋىنشا, جاساندى ينتەللەكتٸنٸ ەكونوميكانىڭ ناقتى سەكتورىندا كەڭٸنەن قولدانۋ تەحنولوگييالىق دەربەستٸك پەن ەكونوميكالىق ٶسٸمنٸڭ ماڭىزدى فاكتورى سانالادى.
ٷكٸمەتتٸڭ الدىندا ٶنەركەسٸپكە وزىق تەحنولوگييالار ەنگٸزۋ ٷشٸن ىنتالاندىرۋ تەتٸكتەرٸن قاراستىرۋ مٸندەتٸ تۇر.
"ازاماتتارعا ارنالعان بانك قىزمەتتەرٸنە ايرىقشا توقتالعىم كەلەدٸ. مەنٸڭ تاپسىرماممەن ۇلتتىق بانك تسيفرلىق قارجى ينفراقۇرىلىمىن جاسادى. ونىڭ اياسىندا بانكارالىق QR-تٶلەمدەر جەنە اۋدارىمدار, تسيفرلىق تەڭگەمەن ەسەپ ايىرىسۋ قىزمەتتەرٸ پايدا بولدى. بۇل تٶلەم تٸزبەگٸندەگٸ دەلدالدار سانىن قىسقارتۋ ارقىلى شىعىندى ايتارلىقتاي ازايتۋعا مٷمكٸندٸك بەرەدٸ. بانكتەر زاڭ جٷزٸندە وسى ينفراقۇرىلىمعا قوسىلۋعا مٸندەتتەلدٸ. الايدا ٸرٸ بانكتەر بۇل تالاپتى سوزبالاڭعا سالىپ, ورىنداماي وتىر", – دەدٸ مەملەكەت باسشىسى.
