Memleket basshysy Digital Qazaqstan jobasy boiynsha keńes ótkizdi, dep habarlaidy Dalanews.kz.
Qasym-Jomart Toqaev jasandy intellekt tehnologiialaryn óndiris salasyna engizýdi yntalandyrý qajettigin atap ótti. Sondai-aq, tsifrlyq tólem infraqurylymyna qatysty máseleni sheshýdi tapsyrdy. Prezidenttiń aitýynsha, jasandy intellektini ekonomikanyń naqty sektorynda keńinen qoldaný tehnologiialyq derbestik pen ekonomikalyq ósimniń mańyzdy faktory sanalady.
Úkimettiń aldynda ónerkásipke ozyq tehnologiialar engizý úshin yntalandyrý tetikterin qarastyrý mindeti tur.
"Azamattarǵa arnalǵan bank qyzmetterine airyqsha toqtalǵym keledi. Meniń tapsyrmammen Ulttyq bank tsifrlyq qarjy infraqurylymyn jasady. Onyń aiasynda bankaralyq QR-tólemder jáne aýdarymdar, tsifrlyq teńgemen esep aiyrysý qyzmetteri paida boldy. Bul tólem tizbegindegi deldaldar sanyn qysqartý arqyly shyǵyndy aitarlyqtai azaitýǵa múmkindik beredi. Bankter zań júzinde osy infraqurylymǵa qosylýǵa mindetteldi. Alaida iri bankter bul talapty sozbalańǵa salyp, oryndamai otyr", – dedi Memleket basshysy.
