پرەمەر-مينيستردٸڭ ورىنباسارى قانات بوزىمباەۆ ۇلىتاۋ وبلىسىندا سۋ تاسقىنى كەزەڭٸنە دايىندىق جۇمىستارىن تەكسەردٸ, دەپ حابارلايدى Dala News.
جۇمىس ساپارى بارىسىندا ۆيتسە-پرەمەر جەزدٸ ٶزەنٸنٸڭ ارناسىنداعى جاعدايمەن تانىسىپ, قارساقپاي, سارلىق, قورعاسىن, بوزتۇمسىق جەنە مالشىباي ەلدٸ مەكەندەرٸن سۋ تاسقىنىنان قورعاۋ شارالارىن قارادى. سونداي-اق قارساقپاي جەنە كەنەنباي بٶگەتتەرٸن تەكسەرٸپ, جەزقازعان قالاسىنداعى كەڭگٸر سۋ قويماسىنا بارىپ, ٶڭٸردەگٸ احۋال تۋرالى بايانداما تىڭدادى.
وبلىس اۋماعىندا سۋ تاسقىنى قاۋپٸ بار 27 ەلدٸ مەكەن انىقتالعان. ونىڭ 8-ٸندە قاۋٸپ ساقتالىپ وتىر, ال 19 ەلدٸ مەكەندە جٷرگٸزٸلگەن ينجەنەرلٸك جۇمىستاردىڭ نەتيجەسٸندە قاۋٸپ ايتارلىقتاي تٶمەندەگەن.
دايىندىق اياسىندا ٶڭٸردە 1,6 شاقىرىم قورعانىس دامباسى سالىندى, 3,5 شاقىرىم كانال, 3 شاقىرىم ارىق جەنە 350 سۋ ٶتكٸزۋ قۇرىلىسى تازارتىلدى. سارىسۋ, جامان سارىسۋ, تالدىساي, قاراكەڭگٸر, جەزدٸ ٶزەندەرٸ, سونداي-اق كەڭگٸر, اقتاستى جەنە جەزدٸ سۋ قويمالارى تۇراقتى باقىلاۋدا.
قانات بوزىمباەۆتىڭ ايتۋىنشا, ٶڭٸردەگٸ گيدرومەتەورولوگييالىق جاعداي تۇراقتى بولعانىمەن, سارىسۋ جەنە كەڭگٸر ٶزەندەرٸندە سۋ دەڭگەيٸنٸڭ قاۋٸپتٸ مەجەگە كٶتەرٸلۋ ىقتيمالدىعى بار. ەسٸرەسە جاڭاارقا اۋدانىندا قاۋٸپ جوعارى, ال ۇلىتاۋ اۋدانىندا ورتاشا دەڭگەيدە باعالانۋدا.
ۆيتسە-پرەمەر وبلىس ەكٸمدٸگٸنە ٶزەن ارنالارى مەن سۋ ٶتكٸزۋ قۇرىلىستارىن تازارتۋ جۇمىستارىن جەدەلدەتٸپ, سۋ دەڭگەيٸن تۇراقتى باقىلاۋدا ۇستاۋدى جەنە جاعداي كٷردەلەنگەن جاعدايدا حالىقتى ەۆاكۋاتسييالاۋ جوسپارلارىن جاڭارتۋدى تاپسىردى.
