Air Astana ەۋە كومپانيياسىنىڭ 2025 جىلعى تازا پايداسى 3,6 ەسە قىسقاردى, دەپ حابارلايدى Dala News.
كومپانييا ەسەبٸنە سەيكەس, تازا پايدا $13,6 ملن بولدى. بۇل كٶرسەتكٸش 2024 جىلى $49,4 ملن بولعان.
سوعان قاراماستان, كومپانييانىڭ تابىسى 11,4%-عا ٶسٸپ, $1,454 ملرد-قا جەتتٸ. ال EBITDA كٶرسەتكٸشٸ 0,8%-عا ارتىپ, $321,2 ملن بولدى.
2025 جىلى Air Astana 9,7 ملن جولاۋشى تاسىمالدادى, بۇل ٶتكەن جىلمەن سالىستىرعاندا 7,9%-عا كٶپ. ۇشاقتاردىڭ ورتاشا جٷكتەلۋ كوەففيتسيەنتٸ 82,7% دەڭگەيٸندە ساقتالعان.
كومپانييا مەلٸمەتٸنشە, قارجىلىق نەتيجەلەرگە Pratt & Whitney قوزعالتقىشتارىنىڭ جوسپاردان تىس اۋىستىرىلۋى ەسەر ەتكەن.
سونىمەن قاتار 2025 جىلى اۆياكومپانييانىڭ ەۋە پاركٸ 62 ۇشاققا دەيٸن كەڭەيدٸ.
Air Astana پرەزيدەنتٸ ەرٸ باس ديرەكتورى پيتەر فوستەر بۇل ونىڭ سوڭعى ەسەپتٸك كەزەڭٸ ەكەنٸن ايتىپ, كومپانييانىڭ بولاشاعىنا سەنٸمدٸ ەكەنٸن جەتكٸزدٸ. ونىڭ سٶزٸنشە, الداعى 15 ايدا ٷش جاڭا Boeing 787-9 ۇشاعى جەتكٸزٸلەدٸ, سونداي-اق باسقا دا ەۋە كەمەلەرٸن الۋ جوسپارلانىپ وتىر.
ايتا كەتەيٸك, پيتەر فوستەر 2026 جىلدىڭ ناۋرىز ايىنىڭ سوڭىندا Air Astana باس ديرەكتورى قىزمەتٸنەن كەتەدٸ, الايدا ديرەكتورلار كەڭەسٸنٸڭ اعا كەڭەسشٸسٸ رەتٸندە جۇمىسىن جالعاستىرادى.
2025 جىلدىڭ 1 قاڭتارىنداعى جاعداي بويىنشا كومپانييا اكتسييالارىنىڭ 41%-ى «سامۇرىق-قازىنا» قورىنا, ال 37,53%-ى Citibank نومينالدى ۇستاۋشىسىنا تيەسٸلٸ.
