Air Astana áýe kompaniiasynyń 2025 jylǵy taza paidasy 3,6 ese qysqardy, dep habarlaidy Dala News.
Kompaniia esebine sáikes, taza paida $13,6 mln boldy. Bul kórsetkish 2024 jyly $49,4 mln bolǵan.
Soǵan qaramastan, kompaniianyń tabysy 11,4%-ǵa ósip, $1,454 mlrd-qa jetti. Al EBITDA kórsetkishi 0,8%-ǵa artyp, $321,2 mln boldy.
2025 jyly Air Astana 9,7 mln jolaýshy tasymaldady, bul ótken jylmen salystyrǵanda 7,9%-ǵa kóp. Ushaqtardyń ortasha júktelý koeffitsienti 82,7% deńgeiinde saqtalǵan.
Kompaniia málimetinshe, qarjylyq nátijelerge Pratt & Whitney qozǵaltqyshtarynyń jospardan tys aýystyrylýy áser etken.
Sonymen qatar 2025 jyly aviakompaniianyń áýe parki 62 ushaqqa deiin keńeidi.
Air Astana prezidenti ári bas direktory Piter Foster bul onyń sońǵy eseptik kezeńi ekenin aityp, kompaniianyń bolashaǵyna senimdi ekenin jetkizdi. Onyń sózinshe, aldaǵy 15 aida úsh jańa Boeing 787-9 ushaǵy jetkiziledi, sondai-aq basqa da áýe kemelerin alý josparlanyp otyr.
Aita keteiik, Piter Foster 2026 jyldyń naýryz aiynyń sońynda Air Astana bas direktory qyzmetinen ketedi, alaida direktorlar keńesiniń aǵa keńesshisi retinde jumysyn jalǵastyrady.
2025 jyldyń 1 qańtaryndaǵy jaǵdai boiynsha kompaniia aktsiialarynyń 41%-y «Samuryq-Qazyna» qoryna, al 37,53%-y Citibank nominaldy ustaýshysyna tiesili.
