«بٷگٸن ەكونوميكالىق رەفورما جەنە ٶڭٸرلٸك دامۋ كوميتەتٸنٸڭ وتىرىسىندا «اقپاراتقا قولجەتٸمدٸلٸك تۋرالى» زاڭعا ٶزگەرٸستەر ەنگٸزۋدٸ كٶزدەيتٸن زاڭ جوباسىن قارادىق. بۇل قۇجاتقا مەجٸلٸس دەپۋتاتتارىنىڭ ٶكٸلەتتٸكتەرٸن شەكتەيتٸن ٶتە وعاش نورما ەنٸپ كەتكەن: ٷكٸمەت ٶز قورىتىندىسىمەن, قوعامدىق تالقىلاۋدىڭ مٸندەتتٸ رەسٸمدەرٸن ەنگٸزگٸسٸ كەلەدٸ. بٸزدٸڭ كوميتەت بۇل زاڭ جوباسىنا تەرٸس باعا بەردٸ, ٶيتكەنٸ بۇل - اتقارۋشى بيلٸكتٸڭ پارلامەنتتٸك زاڭ شىعارۋ باستاماسىنا شابۋىل جاساۋ ەرەكەتٸ», - دەپ جازدى سەيسەنبٸ كٷنٸ مەجٸلٸس دەپۋتاتى نيكيتا شاتالوۆ ٶزٸنٸڭ Telegram-كانالىندا.
ونىڭ دەرەگٸنە قاراعاندا, ەدٸلەت مينيسترلٸگٸ وسىنداي تٷزەتۋلەر ەنگٸزۋدٸ العا تارتىپ وتىر.
«اشىق نقا» پورتالىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە نورما شىعارماشىلىعىن جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭنىڭ جوباسىنا قاتىستى قۇجات ورنالاستىرىلدى. وندا مەملەكەتتٸك تٸلدە شەكتەن تىس كوديفيكاتسييا مەن نورما جاساۋ مەسەلەلەرٸنەن بٶلەك, پارلامەنتتٸك زاڭ شىعارۋ باستامالارى دا تالقىلانادى. سونداي-اق, دەپۋتاتتار ەزٸرلەگەن زاڭدار ٷكٸمەت ٶز جوبالارىن جٷرگٸزەتٸن بارلىق كەزەڭدەردەن ٶتە بەرمەيتٸنٸ ايتىلادى. ەدٸلەت مينيسترلٸگٸنٸڭ ۋەجٸ بٸرتٷرلٸ: ولار مەنٸڭ ەرٸپتەستەرٸم ەزٸرلەگەن زاڭ جوبالارى قوعامدا نارازىلىق تۋدىراتىنىن العا تارتىپ وتىر», - دەپ جازدى مەجٸلٸسمەن.
دەپۋتات اتاپ ٶتكەندەي, «ٷكٸمەت سونداي-اق پارلامەنتتە شەشٸمدەر كٶشٸرمەدە قابىلدانادى دەپ مەڭزەپ وتىر».
«اتقارۋشى بيلٸك تاراپىنان كٶرپەنٸ تارتىپ الۋ ەرەكەتتەرٸنە قاتىستى بٸرقاتار سۇراقتار تۋىندايدى. بٸرٸنشٸدەن, 2022 جىلعى رەفەرەندۋمدا حالىق پارلامەنتتٸ نىعايتۋعا داۋىس بەردٸ. بۇل - پرەزيدەنت ۇسىنعان ساياسي رەفورما. قازٸردٸڭ ٶزٸندە نەتيجەسٸن كٶرسەتٸپ جاتىر. ساۋالنامالاردىڭ قورىتىندىسىنا سەيكەس, پارلامەنتكە سەنٸم ارتتى. ەكٸنشٸدەن, مەجٸلٸستٸڭ كەز كەلگەن ٸس-ەرەكەتٸ اشىق, دەپۋتاتتاردىڭ جۇمىس جوسپارلارى مەن تٷزەتۋلەرٸ جالپىعا ورتاق, وتىرىستار ونلاين رەجيمدە ٶتەدٸ, قوعامدىق پالاتا جۇمىس ٸستەيدٸ. ٷكٸمەت ساحنا ارتىندا ەرەكەت ەتۋدە», - دەپ اتاپ ٶتتٸ دەپۋتات.
ول زاڭناماعا مۇنداي وعاش تٷزەتۋلەر ەنگٸزۋ پرەزيدەنتتٸڭ دەموكراتييالىق رەفورمالارىن قورعاۋى تيٸس كونستيتۋتسييالىق سوتقا شاعىمدانۋعا نەگٸز بولاتىنىن ەسكە سالدى.
