«Бүгін Экономикалық реформа және өңірлік даму комитетінің отырысында «Ақпаратқа қолжетімділік туралы» заңға өзгерістер енгізуді көздейтін заң жобасын қарадық. Бұл құжатқа Мәжіліс депутаттарының өкілеттіктерін шектейтін өте оғаш норма еніп кеткен: Үкімет өз қорытындысымен, қоғамдық талқылаудың міндетті рәсімдерін енгізгісі келеді. Біздің комитет бұл заң жобасына теріс баға берді, өйткені бұл - атқарушы биліктің парламенттік заң шығару бастамасына шабуыл жасау әрекеті», - деп жазды сейсенбі күні Мәжіліс депутаты Никита Шаталов өзінің Telegram-каналында.
Оның дерегіне қарағанда, Әділет министрлігі осындай түзетулер енгізуді алға тартып отыр.
«Ашық НҚА» порталында «Қазақстан Республикасының кейбір заңнамалық актілеріне норма шығармашылығын жетілдіру мәселелері бойынша өзгерістер мен толықтырулар енгізу туралы» Заңның жобасына қатысты құжат орналастырылды. Онда мемлекеттік тілде шектен тыс кодификация мен норма жасау мәселелерінен бөлек, парламенттік заң шығару бастамалары да талқыланады. Сондай-ақ, депутаттар әзірлеген заңдар үкімет өз жобаларын жүргізетін барлық кезеңдерден өте бермейтіні айтылады. Әділет министрлігінің уәжі біртүрлі: олар менің әріптестерім әзірлеген заң жобалары қоғамда наразылық тудыратынын алға тартып отыр», - деп жазды мәжілісмен.
Депутат атап өткендей, «Үкімет сондай-ақ парламентте шешімдер көшірмеде қабылданады деп меңзеп отыр».
«Атқарушы билік тарапынан көрпені тартып алу әрекеттеріне қатысты бірқатар сұрақтар туындайды. Біріншіден, 2022 жылғы референдумда халық парламентті нығайтуға дауыс берді. Бұл - Президент ұсынған саяси реформа. Қазірдің өзінде нәтижесін көрсетіп жатыр. Сауалнамалардың қорытындысына сәйкес, Парламентке сенім артты. Екіншіден, Мәжілістің кез келген іс-әрекеті ашық, депутаттардың жұмыс жоспарлары мен түзетулері жалпыға ортақ, отырыстар онлайн режимде өтеді, қоғамдық палата жұмыс істейді. Үкімет сахна артында әрекет етуде», - деп атап өтті депутат.
Ол заңнамаға мұндай оғаш түзетулер енгізу президенттің демократиялық реформаларын қорғауы тиіс Конституциялық сотқа шағымдануға негіз болатынын еске салды.
