«Búgin Ekonomikalyq reforma jáne óńirlik damý komitetiniń otyrysynda «Aqparatqa qoljetimdilik týraly» zańǵa ózgerister engizýdi kózdeitin zań jobasyn qaradyq. Bul qujatqa Májilis depýtattarynyń ókilettikterin shekteitin óte oǵash norma enip ketken: Úkimet óz qorytyndysymen, qoǵamdyq talqylaýdyń mindetti rásimderin engizgisi keledi. Bizdiń komitet bul zań jobasyna teris baǵa berdi, óitkeni bul - atqarýshy biliktiń parlamenttik zań shyǵarý bastamasyna shabýyl jasaý áreketi», - dep jazdy seisenbi kúni Májilis depýtaty Nikita Shatalov óziniń Telegram-kanalynda.
Onyń deregine qaraǵanda, Ádilet ministrligi osyndai túzetýler engizýdi alǵa tartyp otyr.
«Ashyq NQA» portalynda «Qazaqstan Respýblikasynyń keibir zańnamalyq aktilerine norma shyǵarmashylyǵyn jetildirý máseleleri boiynsha ózgerister men tolyqtyrýlar engizý týraly» Zańnyń jobasyna qatysty qujat ornalastyryldy. Onda memlekettik tilde shekten tys kodifikatsiia men norma jasaý máselelerinen bólek, parlamenttik zań shyǵarý bastamalary da talqylanady. Sondai-aq, depýtattar ázirlegen zańdar úkimet óz jobalaryn júrgizetin barlyq kezeńderden óte bermeitini aitylady. Ádilet ministrliginiń ýáji birtúrli: olar meniń áriptesterim ázirlegen zań jobalary qoǵamda narazylyq týdyratynyn alǵa tartyp otyr», - dep jazdy májilismen.
Depýtat atap ótkendei, «Úkimet sondai-aq parlamentte sheshimder kóshirmede qabyldanady dep meńzep otyr».
«Atqarýshy bilik tarapynan kórpeni tartyp alý áreketterine qatysty birqatar suraqtar týyndaidy. Birinshiden, 2022 jylǵy referendýmda halyq parlamentti nyǵaitýǵa daýys berdi. Bul - Prezident usynǵan saiasi reforma. Qazirdiń ózinde nátijesin kórsetip jatyr. Saýalnamalardyń qorytyndysyna sáikes, Parlamentke senim artty. Ekinshiden, Májilistiń kez kelgen is-áreketi ashyq, depýtattardyń jumys josparlary men túzetýleri jalpyǵa ortaq, otyrystar onlain rejimde ótedi, qoǵamdyq palata jumys isteidi. Úkimet sahna artynda áreket etýde», - dep atap ótti depýtat.
Ol zańnamaǵa mundai oǵash túzetýler engizý prezidenttiń demokratiialyq reformalaryn qorǵaýy tiis Konstitýtsiialyq sotqa shaǵymdanýǵa negiz bolatynyn eske saldy.
