باتىس قازاقستان وبلىسىندا العاش رەت مەدەنيەت سالاسىندا اۋقىمدى جاڭعىرۋ جوباسى جٷزەگە اسىرىلۋدا. «قازاقستان حالقىنا» قورى مەن جەرگٸلٸكتٸ ەكٸمدٸك بٸرلەسٸپ, 25 اۋىلدىق كٸتاپحانانى جاڭعىرتۋ ٸسٸن قولعا الدى, – دەپ حابارلايدى Dalanews.kz
بۇل يگٸ باستاما ەلٸمٸزدەگٸ مەدەني ينفراقۇرىلىمدى جاڭارتۋعا باعىتتالعان العاشقى جوبالاردىڭ بٸرٸ. باتىس قازاقستان وبلىسىندا بٷگٸندە 357 مەملەكەتتٸك كٸتاپحانا جۇمىس ٸستەسە, ونىڭ 333-ٸ اۋىلدىق جەردە ورنالاسقان. سونىڭ ٸشٸندە 6 اۋداندىق جەنە 19 اۋىلدىق كٸتاپحانا جاڭعىرتۋ جوباسىنا ٸرٸكتەلٸپ الىندى.
جوبا اياسىندا ارنايى جۇمىس توبى كٸتاپحانالارمەن تانىسىپ, ولاردىڭ ەرەكشەلٸكتەرٸن ەسكەرە وتىرىپ ديزاين جوبالار دايىندادى, پايدالانۋشىلاردىڭ ۇسىنىس-تالاپتارىن نازارعا الىپ, تەحنيكالىق تاپسىرمالار جاسالدى.
جٶندەۋ جۇمىستارى وبلىس ەكٸمدٸگٸنٸڭ قولداۋىمەن جٷرگٸزٸلۋدە. بۇل ماقساتتا جەرگٸلٸكتٸ بيۋدجەتتەن جەنە «قازاقستان حالقىنا» قوعامدىق قورى تاراپىنان قاراجات بٶلٸنٸپ, زاماناۋي قۇرال-جابدىقتار مەن جيھازدار ساتىپ الىندى. ونىڭ ٸشٸندە ەر كٸتاپحاناعا 800-دەن استام كٸتاپ, جالپى سانى 20 195 دانا جاڭا كٸتاپ قورىمەن تولىقتىرىلدى.
جوبانىڭ نەگٸزگٸ ماقساتى — اۋىل كٸتاپحانالارىن تەك كٸتاپ وقۋ ورنى ەمەس, جەرگٸلٸكتٸ قاۋىمداستىقتىڭ دامۋىنا سەرپٸن بەرەتٸن كٶپفۋنكتسيونالدى مەدەني ورتالىقتارعا اينالدىرۋ. بۇل باعىتتا كٸتاپحانالاردا IT ايماقتار, كونفەرەنتس زالدار, كينوزالدار, شىعارماشىلىق جەنە دەمالىس كەڭٸستٸكتەرٸ قۇرىلىپ, تٷرلٸ ٷيٸرمەلەر مەن ٸس-شارالارعا جول اشىلدى.
2024 جىلدىڭ جەلتوقسانىنان 2025 جىلدىڭ سەۋٸرٸنە دەيٸن جاڭاقالا, بەيتەرەك, تەرەكتٸ, اقجايىق, بٶرلٸ, كازتالوۆ, قاراتٶبە, سىرىم, تاسقالا اۋداندارىنداعى 14 اۋىلدىق كٸتاپحانا قايتا جاڭعىرتىلىپ, پايدالانۋعا بەرٸلدٸ. ال 2025 جىلدىڭ مامىرىندا تاعى 6 اۋىلدىق كٸتاپحانا ەل يگٸلٸگٸنە ۇسىنىلادى. جوبا 25 ماۋسىمدا تايپاق جەنە ششاپوۆو اۋىلدىق كٸتاپحانالارىنىڭ اشىلۋىمەن ٶز مەرەسٸنە جەتپەك.
جاڭعىرتىلعان كٸتاپحانالاردا دىبىس جازۋ ستۋديياسى مەن بي زالى دا ٸسكە قوسىلىپ, جاستاردىڭ شىعارماشىلىعىن شىڭدايتىن, جاڭا يدەيالاردى جٷزەگە اسىراتىن ورتالىققا اينالىپ وتىر. سونىمەن قاتار, كٸتاپحانا قىزمەتكەرلەرٸ الماتى قالاسىندا «تانا» قورى ۇيىمداستىرعان بٸلٸكتٸلٸك ارتتىرۋ كۋرسىنان ٶتتٸ.
بٷگٸندە جاڭعىرتىلعان كٸتاپحانالاردا تٷرلٸ ٷيٸرمەلەرگە, شىعارماشىلىق الاڭدارعا قاتىسۋشىلار سانى ارتىپ كەلەدٸ. اۋىل تۇرعىندارى ٷشٸن بۇل كەڭٸستٸكتەر ٶزارا قارىم-قاتىناس قۇرۋعا, رۋحاني جەنە كەسٸبي دامۋعا, زاماناۋي اقپاراتتىق رەسۋرستارعا قول جەتكٸزۋگە مٷمكٸندٸك بەرٸپ وتىر.
اۋىل كٸتاپحانالارى — ەندٸ تەك كٸتاپ وقيتىن ورىن عانا ەمەس, اۋىل ٶمٸرٸنٸڭ مەدەني-رۋحاني جٷرەگٸنە اينالۋدا.
