قىزىلوردا وبلىسىنىڭ جالاعاش اۋدانىندا سىردارييا ٶزەنٸ باسسەينٸندەگٸ يرريگاتسييالىق جەنە درەناجدىق جٷيەلەردٸ قايتا جاڭعىرتۋ جۇمىستارى اياقتالدى, دەپ حابارلايدى Dalanews.kz
بارلىعى 1362,2 شاقىرىم كانال قايتا جاڭعىرتىلىپ, 14 617 شاعىن گيدروتەحنيكالىق نىسان اۋىستىرىلىپ, جاڭادان سالىندى. سونداي-اق 327,86 شاقىرىم كوللەكتور مەن 151 باقىلاۋ ۇڭعىماسى قالپىنا كەلتٸرٸلدٸ.
وسى جۇمىستاردىڭ نەتيجەسٸندە جالپى كٶلەمٸ 15,1 مىڭ گەكتار اۋىل شارۋاشىلىعى القاپتارىن سۋمەن جابدىقتاۋ جەنە مەليوراتيۆتٸك جاعدايى جاقسارىپ, سۋارمالى جەرلەر تولىق يگەرٸلدٸ. جوبا سۋ شىعىنىن 30%-عا دەيٸن ازايتۋ ارقىلى جىلىنا شامامەن 95 ملن تەكشە مەتر سۋدى ٷنەمدەۋگە مٷمكٸندٸك بەرەدٸ.
"كانالداردى تازارتۋ, شليۋزدەر ورناتۋ جەنە باسقا دا جۇمىستاردىڭ ارقاسىندا سۋ جەتكٸزۋ جاعدايى 35-40%-عا جاقساردى. بۇل جٷيە ديقاندارعا سۋ تاپشىلىعى جاعدايىندا دا جۇمىس ٸستەۋگە كٶمەكتەسەدٸ. جالپى نەتيجەلەر ٶتە جاقسى", – دەدٸ جەرگٸلٸكتٸ شارۋا قوجالىعىنىڭ اگرونومى سۇلتانبەك ٷسەنوۆ.
جەرگٸلٸكتٸ شارۋا قوجالىقتارى جۇمىس نەتيجەلەرٸنە وڭ باعا بەرٸپ وتىر.
"بۇل جۇمىستار دٷنيەجٷزٸلٸك بانكپەن بٸرلەسٸپ جٷزەگە اسىرىلىپ جاتقان يرريگاتسييالىق جەنە درەناجدىق جٷيەلەردٸ جەتٸلدٸرۋ جوباسىنىڭ ەكٸنشٸ كەزەڭٸ اياسىندا اتقارىلدى. وسىعان ۇقساس جوبالار الماتى, جامبىل جەنە تٷركٸستان وبلىستارىندا دا جٷرگٸزٸلٸپ جاتىر. وسىنىڭ ارقاسىندا 105 مىڭ گەكتاردان استام جەردٸڭ سۋارمالى جاعدايى جاقسارادى. بٷگٸنگٸ تاڭدا بۇل جوبالاردىڭ 86%-ى اياقتالدى. قازٸردٸڭ ٶزٸندە 79,15 مىڭ گەكتار ەگٸستٸككە سۋ جەتكٸزۋ جاقسارىپ, جىلىنا 201,8 ملن تەكشە مەتر سۋ ٷنەمدەۋگە جاعداي جاسالدى", – دەدٸ سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ.
