Qyzylorda oblysynyń Jalaǵash aýdanynda Syrdariia ózeni basseinindegi irrigatsiialyq jáne drenajdyq júielerdi qaita jańǵyrtý jumystary aiaqtaldy, dep habarlaidy Dalanews.kz
Barlyǵy 1362,2 shaqyrym kanal qaita jańǵyrtylyp, 14 617 shaǵyn gidrotehnikalyq nysan aýystyrylyp, jańadan salyndy. Sondai-aq 327,86 shaqyrym kollektor men 151 baqylaý uńǵymasy qalpyna keltirildi.
Osy jumystardyń nátijesinde jalpy kólemi 15,1 myń gektar aýyl sharýashylyǵy alqaptaryn sýmen jabdyqtaý jáne meliorativtik jaǵdaiy jaqsaryp, sýarmaly jerler tolyq igerildi. Joba sý shyǵynyn 30%-ǵa deiin azaitý arqyly jylyna shamamen 95 mln tekshe metr sýdy únemdeýge múmkindik beredi.
"Kanaldardy tazartý, shliýzder ornatý jáne basqa da jumystardyń arqasynda sý jetkizý jaǵdaiy 35-40%-ǵa jaqsardy. Bul júie diqandarǵa sý tapshylyǵy jaǵdaiynda da jumys isteýge kómektesedi. Jalpy nátijeler óte jaqsy", – dedi jergilikti sharýa qojalyǵynyń agronomy Sultanbek Úsenov.
Jergilikti sharýa qojalyqtary jumys nátijelerine oń baǵa berip otyr.
"Bul jumystar Dúniejúzilik bankpen birlesip júzege asyrylyp jatqan Irrigatsiialyq jáne drenajdyq júielerdi jetildirý jobasynyń ekinshi kezeńi aiasynda atqaryldy. Osyǵan uqsas jobalar Almaty, Jambyl jáne Túrkistan oblystarynda da júrgizilip jatyr. Osynyń arqasynda 105 myń gektardan astam jerdiń sýarmaly jaǵdaiy jaqsarady. Búgingi tańda bul jobalardyń 86%-y aiaqtaldy. Qazirdiń ózinde 79,15 myń gektar egistikke sý jetkizý jaqsaryp, jylyna 201,8 mln tekshe metr sý únemdeýge jaǵdai jasaldy", – dedi Sý resýrstary jáne irrigatsiia ministri Nurjan Nurjigitov.
