تالدىقورعاندا بيۋدجەت قارجىسىنا سالىنعان زاۋىت جۇمىس ٸستەمەي تۇر, - دەپ حابارلايدى Dalanews.kz.
بۇل تۋرالى جەرگٸلٸكتٸ تۇرعىن مەلٸمدەدٸ. زاۋىت اماندىق باتالوۆ ەكٸم بولعان تۇستا 1,3 ميلليارد تەڭگەگە سالىنعان. بۇل مايلى داقىلداردى ٶڭدەۋ زاۋىتى بولعان.
«بۇل - «ەلەس» زاۋىت, جاي عانا مۋلياج. ول جەردەگٸ قۇرىلعىلاردىڭ بارلىعى جۇمىس ٸستەمەيدٸ. ولاردان اقاۋ شىعىپ, زاۋىتتا جۇمىس ٸستەگەن ادامدار زارداپ شەككەن. قۇرىلعىلار ٸستەسە دە ارى كەتسە ەكٸ اي عانا جۇمىس ٸستەپ تۇردى. سوندا 1,3 ميلليارد تەڭگە قايدا كەتتٸ? بۇل سۇراقتىڭ جاۋابىن ەشكٸم انىقتاعىسى كەلمەيدٸ», - دەيدٸ تۇرعىن.
تالدىقورعان تۇرعىنىنىڭ سٶزٸنشە, قۇزىرلى ورگاندار زاۋىتتىڭ ٸستەمەي تۇرعانىنان حاباردار بولعانىمەن, ەشقانداي شارا قولدانباي وتىر ەكەن.
«مەملەكەت, پروكۋراتۋرا, تەرگەۋ ورگاندارى بەرٸن بٸلٸپ وتىر. بيىلدىڭ ٶزٸندە پرەزيدەنت ەكٸمشٸلٸگٸنە دەيٸن ٷندەۋ جاسادىم. بٸراق مەملەكەت قارجىسى قايدا جۇمسالعانىن ەشكٸم انىقتاعىسى كەلمەيدٸ. ونىڭ ارتىندا كٸم تۇرعانىن, نەگە بۇلاي ٸستەپ وتىرعاندارىن بٸلمەيمٸن. ەگەر قاراپايىم ادام مەملەكەتكە 1,3 ميلليارد قارىز بولسا, ونى باياعىدا تٷرمەگە قاماپ تاستار ەدٸ», - دەيدٸ تۇرعىن.
ونىڭ سٶزٸنشە, زاۋىتتا دۇرىس جۇمىس ٸستەمەي قالعان قۇرىلعىلاردىڭ كەسٸرٸنەن جاراقات العان قىزمەتكەرلەرگە ەلٸ كٷنگە دەيٸن ٶتەماقى تٶلەنبەگەن.
