پارلامەنت ءماجىلىسىنىڭ دەپۋتاتى، “AMANAT” فراكسياسىنىڭ وكىلى اسحات ايماعامبەتوۆ دارى-دارمەك باعاسىن تومەندەتۋگە باعىتتالعان رەفورمالار جونىندە اقپارات بەردى، دەپ حابارلايدى Dalanews.kz.
دەپۋتاتتىڭ مالىمدەۋىنشە، دەنساۋلىق ساقتاۋ مينيسترلىگى باعانى رەتتەۋ تەتىكتەرىن جەتىلدىرۋ ارقىلى دارى-دارمەك قۇنىن تومەندەتۋدى كوزدەپ وتىر. بۇل باستاما حالىق ءۇشىن اسا ماڭىزدى ماسەلەلەردى شەشۋگە باعىتتالعان.
“دەنساۋلىق ساقتاۋ مينيسترلىگى باعانى قالىپتاستىرۋداعى ءبىرقاتار كەمشىلىكتى جويۋعا كىرىستى. ءقازىر كەيبىر دارىلەردىڭ باعاسى كورشى ەلدەرمەن سالىستىرعاندا الدەقايدا جوعارى. سوندىقتان باعانى رەتتەۋدىڭ جاڭا جۇيەسى ەنگىزىلەدى”، – دەدى ايماعامبەتوۆ.
دەپۋتات ەنگىزىلەتىن وزگەرىستەردى اتاپ ءوتتى:
- باعانى تىركەۋ بويىنشا ءبىرىڭعاي ءتاسىل ەنگىزىلەدى. شەكتى باعالاردى قالىپتاستىرۋ ءۇشىن ورتاق بازالىق باعا بەلگىلەنەدى. بۇل دارى-دارمەك قۇنىنىڭ نەگىزسىز قىمباتتاۋىنا جول بەرمەيدى.
- نەگىزسىز شىعىندار الىنىپ تاستالادى. بۇرىن ماركەتينگ جانە تاسىمالداۋ شىعىندارى 30%-عا دەيىن جەتكەن، وعان قوسا 15% ۇستەمە قوسىلاتىن. ەندى بۇل شىعىندار قىسقارتىلىپ، باعانى تومەندەتۋ مۇمكىندىگى تۋىندايدى.
- كوتەرمە جانە بولشەك ساۋدا ۇستەمەسى تومەندەتىلەدى:
• كوتەرمە ساۋدادا – 15-20%-عا دەيىن؛
• بولشەك ساۋدادا – 20-30%-عا دەيىن.
4. حالىقارالىق رەفەرەنتتىك باعا ەنگىزىلەدى. ەندى دارىلەردىڭ قۇنى ۇقساس حالىقارالىق نارىقتارداعى باعامەن سالىستىرىلىپ وتىرادى. سونىمەن قاتار، ءدارىحانالارداعى باعاعا باقىلاۋ جۇرگىزۋ ءۇشىن ءبىرىڭعاي رەفەرەنتتەۋ جۇيەسى قولدانىلادى. مەملەكەتتىك ورگاندار اقپاراتتىق جۇيەلەر ارقىلى وبەكتيۆتى دەرەكتەر الىپ، باعانى باقىلاۋدا ۇستايدى.
ايماعامبەتوۆ وسى وزگەرىستەردەن كۇتىلەتىن ناتيجەلەردى دە ايتتى:
• مىندەتتى الەۋمەتتىك مەديسينالىق ساقتاندىرۋ (ءمامس) جانە تەگىن مەديسينالىق كومەك (گوبمپ) اياسىنداعى دارىلەردىڭ شەكتى باعاسى 10-12%-عا تومەندەيدى.
• كوتەرمە جانە بولشەك ساۋداداعى دارى-دارمەك باعاسى حالىق ءۇشىن 15-25%-عا ارزاندايدى.
اسحات ايماعامبەتوۆتىڭ ايتۋىنشا، بۇل رەفورمالار حالىقتىڭ دارى-دارمەككە جۇمسايتىن شىعىنىن ازايتىپ، جۇيەنىڭ اشىقتىعىن قامتاماسىز ەتەدى.
“بۇل – دارى-دارمەكتىڭ قولجەتىمدىلىگىن ارتتىرۋعا باعىتتالعان ناقتى قادام”، – دەدى دەپۋتات.
