بيىل ەلٸمٸزدە مۇناي ٶندٸرٸسٸ كٶلەمٸنٸڭ قىسقارۋىنا بايلانىستى جانار-جاعارماي تاپشىلىعى تۋىنداۋى مٷمكٸن بە? مەجٸلٸس دەپۋتاتى البەرت راۋ مەجٸلٸستە ٶتكەن ٷكٸمەت ساعاتىندا قازاقستان ەنەرگەتيكا مينيسترٸ الماسادام سەتقاليەۆكە وسىنداي سۇراق قويدى. مينيستر بۇعان "يە" دەپ جاۋاپ قاتتى, دەپ حابارلايدى Dalanews.kz.
"تاپشىلىق پا, يە, مۇناي ٶنٸمدەرٸ بويىنشا تۋىندايدى دەپ جوسپارلانعان. بۇل تسيفرلار ينديكاتيۆتٸ بالانستاردا كٶرسەتٸلگەن, ياعني بٸز قۋاتتىلىقتى ارتتىرعانعا دەيٸنگٸ", - دەدٸ مينيستر.
ونىڭ ايتۋىنشا, جىل باسىنان بەرٸ ٶڭدەلگەن مۇناي كٶلەمٸ 15,1 ملن توننانى قۇرادى. 2024 جىلى بۇل كٶلەم 17,9 ملن توننا دەڭگەيٸندە, 2032 جىلعا ارنالعان جوسپاردا 28 ملن توننا دەڭگەيٸندە قالىپتاسادى دەپ كٷتٸلەدٸ.
"10 ايدا مۇناي ٶنٸمدەرٸ ٶندٸرٸسٸ 11,1 ملن توننانى قۇرادى. جوسپارلى بولجام بويىنشا بيىلعى دەڭگەي - 14,5 ملن توننا, 2032 جىلعا قاراي - 23,7 ملن توننا. ونىڭ ٸشٸندە بەنزين – 5,1-دەن 8,2 ملن تونناعا دەيٸن, ديزەل وتىنى 5,2-دەن 9,3 ملن تونناعا دەيٸن, اۆيا وتىن – 0,6-دان 1,5 ملن تونناعا دەيٸن ارتتىرۋ كٶزدەلگەن", - دەپ سٶزٸن تولىقتىردى الماسادام سەتقاليەۆ.
مۇناي ٶنٸمدەرٸ ٶندٸرٸسٸن ودان ەرٸ ۇلعايتۋ ٷشٸن شىمكەنت مٶز-دە 2030 جىلعا قاراي ٶندٸرٸستٸك قۋاتتىلىقتى 2 ەسەگە نەمەسە 6-دان 12 ملن تونناعا دەيٸن كەڭەيتۋ جوسپارلانۋدا. زاۋىتتىڭ مۇنايمەن قامتاماسىز ەتۋ ٷشٸن اتىراۋ – كەڭقيياق, كەڭقيياق – قۇمكٶل مۇناي قۇبىرلارىن كەڭەيتۋ ٸسكە اسىرىلاتىن بولادى.
مۇناي ٶنٸمدەرٸن ٶندٸرۋدٸ ودان ەرٸ ارتتىرۋ ٷشٸن بٸرقاتار ٸس-شارالار جوسپارلانعان.
"پاۆلودار مٶز-دە 2026 جىلعا دەيٸن قوسىمشا 500 مىڭ قىسقى ديزەل وتىنىن ٶندٸرۋ بويىنشا جوبالاردى ٸسكە اسىرۋ جوسپارلانۋدا. 1-شٸ كەزەڭدە بۇل مۇنايدى باستاپقى ٶڭدەۋ قۋاتىن جىلىنا 6 ملن تونناعا دەيٸن ارتتىرۋعا مٷمكٸندٸك بەرەدٸ. جىلىنا 8 ملن تونناعا دەيٸن مۇناي ٶڭدەۋ ٷشٸن پاۆلودار مٶز كەڭەيتۋدٸڭ 2-شٸ كەزەڭٸ باستالادى. اعىمداعى جىلدىڭ سوڭىنا دەيٸن الدىن الا تەحنيكالىق-ەكونوميكالىق نەگٸزدەمەنٸ ەزٸرلەۋشٸ بويىنشا تاڭداۋ جوسپارلانۋدا. اتىراۋ مٶز-دە 2028 جىلعا دەيٸن مۇنايدى قايتا ٶڭدەۋ قۋاتىن جىلىنا 5,5 ملن توننادان 6,7 ملن تونناعا دەيٸن ۇلعايتۋ ەسەبٸنەن اشىق تٷستٸ مۇناي ٶنٸمدەرٸن ٶندٸرۋدٸ 66%-دان 77%-عا دەيٸن ۇلعايتۋ بويىنشا ٸس-شارالار ٶتكٸزۋ جوسپارلانۋدا", - دەيدٸ مينيستر.
بۇعان دەيٸن مينيستر ەلٸمٸزدە مۇناي ٶندٸرۋ كٶلەمٸ نەگە قىسقارعانىن تٷسٸندٸرگەن بولاتىن.
