Biyl elimizde munai óndirisi kóleminiń qysqarýyna bailanysty janar-jaǵarmai tapshylyǵy týyndaýy múmkin be? Májilis depýtaty Albert Raý Májiliste ótken Úkimet saǵatynda Qazaqstan Energetika ministri Almasadam Sátqalievke osyndai suraq qoidy. Ministr buǵan "iá" dep jaýap qatty, dep habarlaidy Dalanews.kz.
"Tapshylyq pa, iá, munai ónimderi boiynsha týyndaidy dep josparlanǵan. Bul tsifrlar indikativti balanstarda kórsetilgen, iaǵni biz qýattylyqty arttyrǵanǵa deiingi", - dedi ministr.
Onyń aitýynsha, jyl basynan beri óńdelgen munai kólemi 15,1 mln tonnany qurady. 2024 jyly bul kólem 17,9 mln tonna deńgeiinde, 2032 jylǵa arnalǵan josparda 28 mln tonna deńgeiinde qalyptasady dep kútiledi.
"10 aida munai ónimderi óndirisi 11,1 mln tonnany qurady. Josparly boljam boiynsha biylǵy deńgei - 14,5 mln tonna, 2032 jylǵa qarai - 23,7 mln tonna. Onyń ishinde benzin – 5,1-den 8,2 mln tonnaǵa deiin, dizel otyny 5,2-den 9,3 mln tonnaǵa deiin, avia otyn – 0,6-dan 1,5 mln tonnaǵa deiin arttyrý kózdelgen", - dep sózin tolyqtyrdy Almasadam Sátqaliev.
Munai ónimderi óndirisin odan ári ulǵaitý úshin Shymkent MÓZ-de 2030 jylǵa qarai óndiristik qýattylyqty 2 esege nemese 6-dan 12 mln tonnaǵa deiin keńeitý josparlanýda. Zaýyttyń munaimen qamtamasyz etý úshin Atyraý – Keńqiiaq, Keńqiiaq – Qumkól munai qubyrlaryn keńeitý iske asyrylatyn bolady.
Munai ónimderin óndirýdi odan ári arttyrý úshin birqatar is-sharalar josparlanǵan.
"Pavlodar MÓZ-de 2026 jylǵa deiin qosymsha 500 myń qysqy dizel otynyn óndirý boiynsha jobalardy iske asyrý josparlanýda. 1-shi kezeńde bul munaidy bastapqy óńdeý qýatyn jylyna 6 mln tonnaǵa deiin arttyrýǵa múmkindik beredi. Jylyna 8 mln tonnaǵa deiin munai óńdeý úshin Pavlodar MÓZ keńeitýdiń 2-shi kezeńi bastalady. Aǵymdaǵy jyldyń sońyna deiin aldyn ala tehnikalyq-ekonomikalyq negizdemeni ázirleýshi boiynsha tańdaý josparlanýda. Atyraý MÓZ-de 2028 jylǵa deiin munaidy qaita óńdeý qýatyn jylyna 5,5 mln tonnadan 6,7 mln tonnaǵa deiin ulǵaitý esebinen ashyq tústi munai ónimderin óndirýdi 66%-dan 77%-ǵa deiin ulǵaitý boiynsha is-sharalar ótkizý josparlanýda", - deidi ministr.
Buǵan deiin ministr elimizde munai óndirý kólemi nege qysqarǵanyn túsindirgen bolatyn.
