جولاۋشى سانىنا ەسەپتەلەتىن تاريف نەگىزىندەگى سۋبسيديالاۋ مودەلى وزگەرمەك. ەندى، ونىڭ ورنىنا مارشرۋتتىڭ ەسەپتىك قۇنىنا نەگىزدەلگەن مودەل ەنگىزىلەدى. ياعني، تاسىمالداۋشى كۇنىنە جۇرگەن قاشىقتىعىنا قاراي قارجى الادى. مۇنداي وزگەرىس اۆتوبۋس جۇرگىزۋشىلەرىن جەلىدە بارىنشا ۇزاق ۋاقىت بولۋعا ىنتالاندىرا تۇسپەك. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە سەمەي قالاسى اكىمىنىڭ ورىنباسارى ادىلەت تۇرىسبەك مالىمدەدى، – دەپ حابارلايدى Dalanews.kz اباي وبلىسى اكىمىنىڭ باسپا ءسوز قىزمەتىنە سىلتەمە جاساپ.
– سالىستىرمالى تۇردە ايتساق، اباي وبلىسى قۇرىلعانعا دەيىن تەحنيكانىڭ مارشرۋتتارعا شىعۋ پايىزى 50%-دان اسپايتىن. بۇل ماسەلە حالىقتى تاسىمالداۋ ساپاسىنا ايتارلىقتاي اسەر ەتتى. دەسەدە وبلىس قۇرىلعاننان كەيىن ءبىز، بۇل ماسەلەنىڭ شەشىم نەعۇرلىم جەدەل شەشۋگە تىرىستىق. قازىرگى ۋاقىتتا اۆتوبۋستاردىڭ جەلىگە شىعۋ پايىزى 75%-دان تومەن ەمەس جانە تۇراقتى دەڭگەيدە ساقتالۋدا، – دەيدى ادىلەت تۇرىسبەك.
سونىمەن قاتار، اكىم ورىنباسارى ءوز سوزىندە الداعى سۋبسيديالاۋ وزگەرىسى اۆتوپاركتەردىڭ قوزعالىس قۇرامىن جاڭارتۋعا مۇمكىندىك بەرەتىنىن جەتكىزدى.
– قالانىڭ بارلىق مارشرۋتتارىندا ەلەكتروندى بيلەت جۇيەسى ىسكە قوسىلعان. بىرىككەن ديسپەچەرلىك جانە باقىلاۋ قىزمەتى بويىنشا ايتساق، قالا اكىمدىگىنىڭ جولاۋشىلار كولىگى جانە اۆتوموبيل جولدارى ءبولىمى جانە جولاۋشىلار تاسىمالى باسقارماسى ورتالىعى كەلىسىمشارت جاساسقان. بارلىق اقپارات سول جەردەن تاپسىرىس بەرۋشىگە بەرىلىپ، وسى مالىمەتتەر نەگىزىندە قاراجات ماسەلەسى رەتتەلەدى، – دەدى سپيكەر.
جك جانە اج ءبولىمىنىڭ جولاۋشىلار كولىگى سەكتورىنىڭ مەڭگەرۋشىسى ارمان جولامانوۆ اۆتوبۋس قوزعالىسىنىڭ ارالىقتارى مەن تۇراقتىلىعىنىڭ بۇزىلۋ ماسەلەلەرىنەن حاباردار ەكەنىن اتاپ ءوتتى.
– قوزعالىس تۇراقتىلىعىنىڭ جۇيەسى بۇزىلعان جاعدايدا، ءبىز سۋبسيديالاۋ ەرەجەلەرىنە سايكەس، جوسپاردىڭ ورىندالۋىنا قاراي تەڭدەي سۋبسيديا سوماسىن ازايتۋعا قۇقىلىمىز. مۇنداي جاعدايلاردى ءبىز نازاردان تىس قالدىرمايمىز. قازىرگى تاڭدا، جولاۋشىلار تاسىمالىن باسقارۋ ورتالىعى بىزگە ءار مارشرۋت بويىنشا جوسپاردىڭ قانشا پايىزعا ورىندالعانى تۋرالى مالىمەت بەرىپ وتىرادى، – دەپ تولىقتىردى جولاۋشىلار كولىگى سەكتورىنىڭ مەڭگەرۋشىسى.
مارشرۋتتىق جەلىلەردى وڭتايلاندىرۋ جانە جاڭا جەلىلەردى ازىرلەنبەك. بۇل تۋرالى سەمەي قالاسىنىڭ جولاۋشىلار كولىگى جانە اۆتوموبيل جولدارى ءبولىمىنىڭ باسشىسى مىندەتىن اتقارۋشى ادىلبەك ۋۆاسيلوۆ تولىعىراق ءتۇسىندىردى.
– 2025 جىلى قالادا مارشرۋتتىق جەلىلەردى وڭتايلاندىرۋ جوسپارلانۋدا. مارشرۋتتارعا بايلانىستى بارلىق ماسەلەلەر زەرتتەلىپ، عىلىمي تۇرعىدا قاراستىرىلادى، – دەدى ادىلبەك ۋۆاسيلوۆ.
