پاۆلودار وبلىسى اكىمى اسايىن بايحانوۆ "پاۆلودار وبلىسىنىڭ الەۋمەتتىك-ەكونوميكالىق دامۋى تۋرالى" تاقىرىبىندا وتكىزىلگەن باسپا ءسوز كونفەرەنسياسىندا وبلىستاعى رەيدەرلىك ماسەلەگە قاتىستى سۇراققا جاۋاپ بەردى، - دەپ حابارلايدى Dalanews.kz.
"بۇل ماسەلەگە قاتىستى پروكۋراتۋراعا ساۋال جولداۋ كەرەك. بۇل ماسەلەدەن حاباردارمىن. قۇپيا تەرگەۋدىڭ ءمان-جايىن ايتا المايمىن. بۇل - قاراپايىم وندىرىستىك بازا، مۇنداي بازا وڭىردە 300-400-گە جۋىق. ونىڭ ەشقانداي ينفراقۇرىلىمدىق قۇنى جوق. ول قامزين كوشەسىندە ورنالاسقان"، - دەدى اكىم وكق الاڭىندا وتكەن بريفينگتە.
بۇعان دەيىن پاۆلوداردا قىلمىس الەمىنىڭ سەركەسى ۇستالدان بولاتىن.
پاۆلودار وبلىسى بويىنشا ەكونوميكالىق تەرگەۋ دەپارتامەنتىنىڭ مالىمەتىنشە، 4 قاراشادا پاۆلوداردىڭ ءىرى ونەركاسىپتىك كاسىپورىندارىنىڭ ءبىرىن رەيدەرلىك باسىپ الدى دەگەن كۇدىكپەن قىلمىس الەمىنىڭ سەركەسى ۇستالدى.
كەلتىرىلگەن شىعىن مولشەرى ميلليارد تەڭگەدەن اسادى.
"جەكە جانە زاڭدى تۇلعالاردىڭ جىلجىمالى جانە جىلجىمايتىن مۇلكىن رەيدەرلىك باسىپ الۋدىڭ وزگە دە فاكتىلەرى انىقتالىپ جاتىر"، - دەلىنگەن حابارلامادا.
قازىرگى ۋاقىتتا رەيدەرلىك جاسادى دەگەن كۇدىكتى ەكى ايعا قاماۋعا الىنعان.
ارتىنشا قىلمىستىق توپقا قاتىسى بار ادامدار دا ۇستالدى.
قاداعالاۋ ورگانىنىڭ باستاماسى نەگىزىندە جەدەل ىزدەستىرۋ شارالارىمەن قىلمىستىق جەتەكشىنىڭ باسشىلىعىمەن قىلمىستىق توپ ۇزاق ۋاقىت بويى قورقىتىپ، قۇجاتتاردى بۇرمالاۋ ارقىلى كاسىپكەرلەردىڭ مۇلكىن تارتىپ الۋمەن اينالىسقانىن انىقتالدى.
كاسىپكەرلەردىڭ مۇلكى رولدەردى ناقتى بولەتىن قىلمىستىق توپتىڭ قۇرامىمەن الىندى.
مەنشىك يەلەرىنىڭ كاسىپورىن مۇلكىنە كىرۋىنە شەكتەۋ قويىلىپ، زاڭدى تۇلعا ءۇشىنشى تۇلعالاردىڭ اتىنان تىركەلدى، سودان كەيىن مۇلىك ساتىلدى.
مەنشىك يەلەرىنە كەلتىرىلگەن زالال 1 ميلليارد تەڭگەدەن استى، سوتتىڭ سانكسياسىمەن قىلمىستىق ءىس بويىنشا قاتىسقان ادامداردىڭ مۇلكى تاركىلەنىپ، نەگىزگى كۇدىكتى قاماۋعا الىندى.
قاداعالاۋ رەتىمەن جوعارىدا اتالعان قىلمىستىق جەتەكشىنىڭ باسشىلىعىمەن قىلمىستىق توپ تۇلعالاردىڭ قىلمىستىق ارەكەتىنىڭ باسقا فاكتىلەرى بويىنشا 5 سوتقا دەيىنگى تەرگەۋ قايتا جالعاستى.
قازىرگى ۋاقىتتا ەكونوميكالىق تەرگەۋ باسقارماسىيەن سوتقا دەيىنگى تەرگەۋ جۇرگىزىپ جاتىر.
