اقتوبە وبلىسىندا بيۋدجەت قاراجاتىن زاڭسىز جىمقىرعان بۋحگالتەر 7 جىلعا باس بوستاندىعىنان ايىرىلدى، دەپ حابارلايدى Dalanews.kz.
اقتوبە وبلىسى مۇعالجار اۋدانىنىڭ پروكۋراتۋراسى مەكتەپكە دەيىنگى ۇيىمداردا 54 ميلليون تەڭگەدەن استام بيۋدجەت قاراجاتىن زاڭسىز يەمدەنiپ الۋ دەرەكتەرىن انىقتادى.
"بالاۋسا"، "گۇلدەر"، "شاپاعات" جانە "اراي" بالاباقشالارىنىڭ بۋحگالتەرلەرى باسشىلارىنىڭ اتىنان قۇجاتتارعا قول قويىپ، وزدەرىنىڭ ەسەپ-شوتتارىنا زاڭسىز اقشالار اۋدارعان. بارلىق كورسەتىلگەن دەرەكتەرگە قاتىستى اۋدان پروكۋراتۋراسىمەن بۋحگالتەرلەرگە قاتىستى قك-تىڭ 189-بابى 2 جانە 4-بولىكتەرى ("سەنiپ تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋ") بويىنشا سوتقا دەيىنگى تەرگەپ-تەكسەرۋلەر باستالدى"، - دەلىنگەن حابارلامادا.
سوتالدى تەرگەپ-تەكسەرۋ ناتيجەسىندە، "شاپاعات" جانە "اراي" بالاباقشالارىنىڭ بۋحگالتەرلەرىمەن جالپى سوماسى 5 ميلليون تەڭگەدەن استام شىعىنداردى وتەۋلەرىنە بايلانىستى، قىلمىستىق ىستەر وندىرىستەن توقتاتىلدى.
"بالاۋسا" جانە "گۇلدەر" بالاباقشالارىنىڭ بۋحگالتەرىمەن 49 ميلليون تەڭگە قاراجاتتى زاڭسىز يەمدەنۋ دەرەكتەرىنە قاتىستى سوت ۇكىمى شىعىپ، ول 7 جىلعا باس بوستاندىعىنان ايىرىلدى.
