Aqtóbe oblysynda búdjet qarajatyn zańsyz jymqyrǵan býhgalter 7 jylǵa bas bostandyǵynan aıyryldy, dep habarlaıdy Dalanews.kz.
Aqtóbe oblysy Muǵaljar aýdanynyń prokýratýrasy mektepke deıingi uıymdarda 54 mıllıon teńgeden astam búdjet qarajatyn zańsyz ıemdenip alý derekterin anyqtady.
"Balaýsa", "Gúlder", "Shapaǵat" jáne "Araı" balabaqshalarynyń býhgalterleri basshylarynyń atynan qujattarǵa qol qoıyp, ózderiniń esep-shottaryna zańsyz aqshalar aýdarǵan. Barlyq kórsetilgen derekterge qatysty aýdan prokýratýrasymen býhgalterlerge qatysty QK-tiń 189-baby 2 jáne 4-bólikteri ("Senip tapsyrylǵan bóten múlikti ıemdenip alý nemese talan-tarajǵa salý") boıynsha sotqa deıingi tergep-tekserýler bastaldy", - delingen habarlamada.
Sotaldy tergep-tekserý nátıjesinde, "Shapaǵat" jáne "Araı" balabaqshalarynyń býhgalterlerimen jalpy somasy 5 mıllıon teńgeden astam shyǵyndardy óteýlerine baılanysty, qylmystyq ister óndiristen toqtatyldy.
"Balaýsa" jáne "Gúlder" balabaqshalarynyń býhgalterimen 49 mıllıon teńge qarajatty zańsyz ıemdený derekterine qatysty sot úkimi shyǵyp, ol 7 jylǵa bas bostandyǵynan aıyryldy.
