2024 جىلدىڭ قورىتىندىسى بويىنشا "قازمۇنايگاز" ۇلتتىق كومپانياسى 350 ملرد تەڭگەگە ديۆيدەند تولەيدى. بۇل تۋرالى بۇگىن ماجىلىستە وتكەن ۇكىمەت ساعاتىندا قمگ باسقارما ءتوراعاسى اسحات حاسەنوۆ ايتتى، دەپ حابارلايدى Dalanews.kz.
"2022 جانە 2023 جىلدارى ءبىز اكسيونەرلەرىمىزگە ءار جىل سايىن 300 ملرد تەڭگە كولەمىندە رەكوردتىق كورسەتكىشتەگى ديۆيدەندتەر تولەدىك. 2024 جىلى بۇل سومانى 350 ملرد تەڭگەگە دەيىن ۇلعايتۋ جوسپارلانۋدا"، - دەدى اسحات حاسەنوۆ.
ول كومپانيانىڭ قارجىلىق جاعدايى تۇراقتى ەكەنىن جانە ونىڭ قارجىلىق تۇراقتىلىق كورسەتكىشتەرى جاقسارىپ كەلە جاتقانىن اتاپ ءوتتى.
"بۇل - وتىمدىلىك پەن قارىزدى ءتيىمدى باسقارۋدىڭ ناتيجەسى. بۇگىن حالىقارالىق رەيتينگتىك اگەنتتىكتەر "قازمۇنايگازعا" وڭ باعا بەرەدى. ءبىزدىڭ اكسيالارىمىزدىڭ قۇنى IPO-عا شىققان ساتتەن باستاپ 60%-عا، ياعني ءبىر اكسيانىڭ باعاسى 8،4 مىڭ تەڭگەدەن 13،4 مىڭ تەڭگەگە دەيىن ءوستى. ورنالاستىرۋدىڭ جالپى كولەمى 153،9 ملرد تەڭگەنى قۇرادى، بۇل - 18،3 ملن اكسياعا تەڭ كولەم"، - دەپ اتاپ ءوتتى اسحات حاسەنوۆ.
قمگ باسقارما ءتوراعاسى كومپانيا بورىشتىق مىندەتتەمەلەرىن تومەندەتۋ بويىنشا جۇمىستاردى دا بەلسەندى جۇرگىزىپ كەلە جاتقانىن ايتادى.
"2017 جىلدان باستاپ ءبىزدىڭ توپتىڭ قارىزى 13 ملرد دوللاردان 7،9 ملرد دوللارعا دەيىن تومەندەدى. بۇل ءبىزدىڭ تيىمدىلىگىمىزدى راستايدى: ديۆيدەندتەردىڭ ءوسۋى جانە قارىز جۇكتەمەسىنىڭ تومەندەۋى سيپاتىندا"، - دەپ ءسوزىن قورىتىندىلادى ول.
بۇعان دەيىن "ەلىمىزدە مۇناي ءوندىرىسى كولەمىنىڭ قىسقارۋىنا بايلانىستى جانار-جاعارماي تاپشىلىعى بولۋى مۇمكىن بە" دەگەن ساۋالدى ءماجىلىس دەپۋتاتى البەرت راۋ ەنەرگەتيكا ءمينيسترى الماسادام ساتقالييەۆكە قويعانىن جازعان بولاتىنبىز. بۇل ساۋالعا ءمينيستردىڭ بەرگەن جاۋابىن مىنا ارادان وقىپ-بىلە الاسىزدار.
