2024 jyldyń qorytyndysy boiynsha "QazMunaiGaz" ulttyq kompaniiasy 350 mlrd teńgege dividend tóleidi. Bul týraly búgin Májiliste ótken Úkimet saǵatynda QMG Basqarma tóraǵasy Ashat Hasenov aitty, dep habarlaidy Dalanews.kz.
"2022 jáne 2023 jyldary biz aktsionerlerimizge ár jyl saiyn 300 mlrd teńge kóleminde rekordtyq kórsetkishtegi dividendter tóledik. 2024 jyly bul somany 350 mlrd teńgege deiin ulǵaitý josparlanýda", - dedi Ashat Hasenov.
Ol kompaniianyń qarjylyq jaǵdaiy turaqty ekenin jáne onyń qarjylyq turaqtylyq kórsetkishteri jaqsaryp kele jatqanyn atap ótti.
"Bul - ótimdilik pen qaryzdy tiimdi basqarýdyń nátijesi. Búgin halyqaralyq reitingtik agenttikter "QazMunaiGazǵa" oń baǵa beredi. Bizdiń aktsiialarymyzdyń quny IPO-ǵa shyqqan sátten bastap 60%-ǵa, iaǵni bir aktsiianyń baǵasy 8,4 myń teńgeden 13,4 myń teńgege deiin ósti. Ornalastyrýdyń jalpy kólemi 153,9 mlrd teńgeni qurady, bul - 18,3 mln aktsiiaǵa teń kólem", - dep atap ótti Ashat Hasenov.
QMG Basqarma tóraǵasy kompaniia boryshtyq mindettemelerin tómendetý boiynsha jumystardy da belsendi júrgizip kele jatqanyn aitady.
"2017 jyldan bastap bizdiń toptyń qaryzy 13 mlrd dollardan 7,9 mlrd dollarǵa deiin tómendedi. Bul bizdiń tiimdiligimizdi rastaidy: dividendterdiń ósýi jáne qaryz júktemesiniń tómendeýi sipatynda", - dep sózin qorytyndylady ol.
Buǵan deiin "Elimizde munai óndirisi kóleminiń qysqarýyna bailanysty janar-jaǵarmai tapshylyǵy bolýy múmkin be" degen saýaldy Májilis depýtaty Albert Raý Energetika ministri Almasadam Sátqalievke qoiǵanyn jazǵan bolatynbyz. Bul saýalǵa ministrdiń bergen jaýabyn myna aradan oqyp-bile alasyzdar.
