ولجاس بەكتەنوۆ مەملەكەت باسشىسى قاسىم-جومارت توقايەۆتىڭ ۇلتتىق قۇرىلتايدىڭ 5‑ءشى وتىرىسىندا ايتقان ساياسي رەفورمالاردى جالعاستىرۋعا ارنالعان باستامالارىن قولدايتىنىن جانە ولاردى ىسكە اسىرۋدا ناقتى ناتيجەلەر قاجەت ەكەنىن اتاپ ءوتتى، دەپ حابارلايدى Dalanews.kz.
«قۇرمەتتى ارىپتەستەر! كەشە وتكەن ۇلتتىق قۇرىلتايدىڭ 5‑ءشى وتىرىسىندا مەملەكەت باسشىسى قاسىم-جومارت كەمەل ۇلى توقايەۆ بۇعان دەيىنگى اۋقىمدى ساياسي رەفورمالارىنىڭ جالعاسى بولىپ تابىلاتىن باستامالارىن جاريا ەتتى.
مەملەكەت باسشىسى پارلامەنت پەن قوعامدىق ينستيتۋتتاردىڭ ءرولىن كۇشەيتۋ ارقىلى ەلىمىزدىڭ دەموكراتيالىق جۇيەسىن ءارى قاراي دامىتۋعا باعىتتالعان ماڭىزدى تاپسىرمالار بەردى. بۇل باستامالار قوعامداعى ادىلدىك، وتانشىلدىق جانە «زاڭ مەن ءتارتىپ» قاعيداتتارىن ودان ءارى نىعايتۋعا ىقپال ەتەدى»، – دەدى پرەمەر-مينيستر.
ولجاس بەكتەنوۆ سونىمەن قاتار، ءاربىر مينيستر مەن اكىمگە باتىل ءارى يننوۆاسيالىق شەشىمدەر قابىلداۋ قاجەتتىگىنە ەرەكشە نازار اۋداردى.
«جاۋاپتى لاۋازىمدى تۇلعالار تەك جوسپار قۇرىپ قانا قويماي، ءوز سالاسىندا ناقتى، كوزگە كورىنەتىن ناتيجەلەر كورسەتۋى ءتيىس. بۇل تالاپ ءومىردىڭ بارلىق سالاسىنا قاتىستى»، – دەدى ول.
پرەمەر-مينيسترتىڭ ايتۋىنشا، «تازا قازاقستان» جوباسى جانە ەكونوميكالىق دامۋ باعدارلامالارى دا وڭىرلەردە جۇيەلى تۇردە جۇزەگە اسىرىلۋى كەرەك. وسى ارقىلى حالىقتىڭ ءومىر ءسۇرۋ ساپاسىن جاقسارتۋ جانە قازاقستاننىڭ تۇراقتى دامۋ ماقساتتارىنا قول جەتكىزۋ قامتاماسىز ەتىلەدى.
