شىمەنتتە كوشەدەگى توبەلەستەن كەيىن 12 ادامعا ىزدەۋ جاريالانعان، دەپ حابارلايدى Dalanews.kz.
بۇل اقپارات تەلەگرام ارنالاردا تاراي باستادى.
بۇعان دەيىن شىمكەنتتە ادام ءولتىرۋ جانە بۇزاقىلىق دەرەگى بويىنشا كۇدىكتىلەر ۇستالعانى حابارلانعان ەدى.
جەدەل ىزدەستىرۋ ءىس-شارالارىنىڭ ناتيجەسىندە ادام ءولتىرۋ جانە بۇزاقىلىق قىلمىستارىنا قاتىسى بار كۇدىكتى ءتورت ەر ادام انىقتالىپ، ۇستالعان.
"كۇدىكتىلەر ۋاقىتشا ۇستاۋ يزولياتورىنا قاماۋعا الىندى. ءقازىر جەدەل ىزدەستىرۋ شارالارى جالعاسىپ جاتىر. 20 قاڭتاردا 40 جاستاعى ەر ادام پىشاق جاراقاتتارىنان كوز جۇمدى، تاعى ءبىر ازامات اۋرۋحاناعا جەتكىزىلدى"، - دەدى پوليسيا.
بۇل جايت بويىنشا "ادام ءولتىرۋ"، "بۇزاقىلىق" جانە "ادامدى ۇرلاۋ" باپتارىمەن قىلمىستىق ءىس قوزعالعان.
ەسكە سالايىق، بۇعان دەيىن شىمكەنتتە كوشەدەگى جاپپاي توبەلەس ادام ولىمىمەن اياقتالعانى حابارلاندى.
