شىمكەنتتە ادام ٶلتٸرۋ جەنە بۇزاقىلىق دەرەگٸ بويىنشا كٷدٸكتٸلەر ۇستالدى, دەپ حابارلايدى Dalanews.kz.
جەدەل ٸزدەستٸرۋ ٸس-شارالارىنىڭ نەتيجەسٸندە ادام ٶلتٸرۋ جەنە بۇزاقىلىق قىلمىستارىنا قاتىسى بار كٷدٸكتٸ تٶرت ەر ادام انىقتالىپ, ۇستالعان.
"كٷدٸكتٸلەر ۋاقىتشا ۇستاۋ يزولياتورىنا قاماۋعا الىندى. قازٸر جەدەل ٸزدەستٸرۋ شارالارى جالعاسىپ جاتىر. 20 قاڭتاردا 40 جاستاعى ەر ادام پىشاق جاراقاتتارىنان كٶز جۇمدى, تاعى بٸر ازامات اۋرۋحاناعا جەتكٸزٸلدٸ", - دەدٸ پوليتسييا.
بۇل جايت بويىنشا "ادام ٶلتٸرۋ", "بۇزاقىلىق" جەنە "ادامدى ۇرلاۋ" باپتارىمەن قىلمىستىق ٸس قوزعالعان.
"كٷدٸكتٸلەردٸ انىقتاپ, ۇستاۋ ماقساتىندا پوليتسييا دەپارتامەنتٸنٸڭ كٷشتەرٸ مەن قۇرالدارى جۇمىلدىرىلدى. قىلمىستىق ٸستٸڭ بارلىق مەن-جايىن انىقتاۋعا باعىتتالعان كەشەندٸ تەرگەۋ ٸس-شارالارى جٷرگٸزٸلٸپ جاتىر", - دەدٸ پوليتسييا.
ەسكە سالايىق, بۇعان دەيٸن شىمكەنتتە كٶشەدەگٸ جاپپاي تٶبەلەس ادام ٶلٸمٸمەن اياقتالعانى حابارلاندى.
