Shymkentte adam óltirý jáne buzaqylyq deregi boıynsha kúdiktiler ustaldy, dep habarlaıdy Dalanews.kz.
Jedel izdestirý is-sharalarynyń nátıjesinde adam óltirý jáne buzaqylyq qylmystaryna qatysy bar kúdikti tórt er adam anyqtalyp, ustalǵan.
"Kúdiktiler ýaqytsha ustaý ızolátoryna qamaýǵa alyndy. Qazir jedel izdestirý sharalary jalǵasyp jatyr. 20 qańtarda 40 jastaǵy er adam pyshaq jaraqattarynan kóz jumdy, taǵy bir azamat aýrýhanaǵa jetkizildi", - dedi polısıa.
Bul jaıt boıynsha "adam óltirý", "buzaqylyq" jáne "adamdy urlaý" baptarymen qylmystyq is qozǵalǵan.
"Kúdiktilerdi anyqtap, ustaý maqsatynda Polısıa departamentiniń kúshteri men quraldary jumyldyryldy. Qylmystyq istiń barlyq mán-jaıyn anyqtaýǵa baǵyttalǵan keshendi tergeý is-sharalary júrgizilip jatyr", - dedi polısıa.
Eske salaıyq, buǵan deıin Shymkentte kóshedegi jappaı tóbeles adam ólimimen aıaqtalǵany habarlandy.
